ماااقول ان الصدرضايق اقول الكون فيني ضايق مااقول غيبتك صعبه اقول البعد ينهيني
انا يامازعل قلبي عليك وماطريت فراق
أشيل بخاطري يمكن وارضى لو تراضيني
ياليتك بس تفقدني كثر ماافقدك واشتاق
قسم بالله مايطري على بالك تخليني
بعيني انت هالدنيا ومن غيرك لعيني لاق
كثير وماملوا عيني وقلبك بس يكفيني
فراق وكنت ابي منك تعوض هالصبر بعناق
عشانك بعت هالعالم وجيت اليوم تنفيني
حبيبي حلت الفرقا وبعثرت بجفاك اوراق
عزاي بغيبتك صوره على بعد تواسيني
انا غصب علي ارضى ببعدك واكنت الاشواق
واكابر رغم حرماني واداري دمعتي بعيني
حبيبي والجفا سجني وقربك من سماي إعتاق
بكثر عيوبي بعينك فقدتك ووينك ويني
حبيبي حس في حزني ترى الدنيا ماتنطاق أهونها ولاهانت كبيره صدمتي فيني
وش الي يصير بالدنيا لوإنك جيتني مشتاق
وش الي تخسره يعني اذا فكرت ترضيني
من الأخر بعدك عطاني هالزمان طراق
لأني كنت أحسب انك تموت ماتخليني