الكلمــــات مسكين يا حرف تعب من همومـــة
وسط الحشا يبــكي على حر بلـواه
راعيه دمعته عليه محــــــــرومـــة
وده يقول وكــل شيء تمنـــــــــــاه
يسأل عن أمه وين عطف الأمومة؟
وليه انحرم من حقة اللي تمنـــــاه؟
وابوه وينه يرتجي من سلومـــــــه
يعرف طريق الخير ويسير مسـراه
قالوا لقيط وراس ماله هدومــــــه
وحيد وماله غير زاده وسكنــــــــاه
يمه عيون الناس والله ظلومــــــة
وأنتم سبب للي حصل لي من ادناه
وحيد واسواري جميع مهدومــــــة
لاعم ولاخلان ولا خال ولاجـــــاه
كلن يصيبة في حياته خصومـــــــه
ويروح لمة يشتكــي ضيم ما جــاه
وأن جتني ضيقة وغمة لزومـــــــه
اروح لدموعي واشكــــي مـن الاه
اعيش ليلي بين يقضة ونومـــــــــه
وفعل الخطا يابوي هذي سوايــــاه
يا ربي نفسي عايشة ومحرومــــة
ذاك الحنان اللي كثيرة مزايــــــــاه
يا ربي مالي غيرك احداً أرومـــــــه
هذي شكاة اللي زمانه تواطــــــــاه
المنشد/ عبدالله العبودي