لو قلتي :
يا شاعر ترى ..
البسمه في شفّة عيونك ..
ترتجف ! ما نختلف . ولو قلتي : عنوان الفَرَح
في شارع أيامك ضياع .. ما ينعرف! ما نختلف ولو قلتي لي :
حزنك طويل
ليلك طويل
وحشة عذابك فـ الهوى
ما تنوصف ! ما نختلف . ولو قلتي بلْسان الحزِنْ :
نارك رماد
بسّْ .. لا تهفّ
أو زدتي في لحظة زعل
قلتي : ترى ..
حلم النهار
في ظلمة الحب إنكسَر
والدمعه من بين الرموش صارت قَدَر.
أنا أعترف ..!
ما كِل غالي . . ترجعه كلمة : تعآل ~:
أنا أعترف ..!
أنا اعترف .. اللي تقولينه صحيح ما نختلف بس لا تقولين بْأسف
باكر معاك
أطوي الشراع
وانسى هواك
وبحر الهوى .. باكر يجفّ
لو قلتي مرّه هالحكي
ساعتها بسّْ .. راح نختلف !!
....: