01-14-10, 06:56 PM
|
| |
كتبت لك في صدر الايام ابغيك ~ وكتبت لي غيرك خذاني =(
=( , لي , لك , الايام , ابغيك , خذاني , سحر , غيرك , في , وكتبت , كتبت
مساكم بعيد عن الاحزان يارب 
نقلت لكم ماراقت لي ذائقته متمنيه ان يحوز على رضاكم
وشلون ما أحبك ولا عدت مغليك
............... وانت الدوا لـ انسان دونك يعاني 
و وشلون رحت وكل صوتي يناديك
............... ياهيه اسمعني ترى العمرفاني
ماقلت لك من قبل ماني مخليك
............... ياكيف تنساني وقلبك نساني؟
كتبت لك في صدر الايام ... ابغيك
............... وكتبت لي :.. خلاص غيرك خذاني
حتى جدار الصمت لو التفت فيك
............... بكيت من صمته .. وضيق الثواني
عشقت كل لحظات عمرك وماضيك
............... ومعك : عرفت ان الأماني .. أماني
وسويت لك في داخلي شي يرضيك
............... وان كان مايرضيك ؟؟ ... سويت ثاني
نزعت فرحت خاطري .. ليت تكفيك ؟
............... وزرعتها في داخلك.... ماكفاني
ضحكت لك وآنا من الحزن أسليك
............... وحبست دمعي لجل أقدم حناني
وصديت وقت الضيق .. مابيك مابيك
............... تشوفني أضحك .. وأنا اللي أعاني
ياه يالزمن تكفى - طلبتك - وأرجيك
............... لاتبخل ب وصل الحبيب الـ أناني
قد قلت له : مقدر أفارق و أحاتيك
............... وقد قلت له : هـ البعد ياما كواني
لكن حسافه كل صوتن يطريك
............... ياما معا نفسي ذكرتك .... أغاني
ب ايديك كل اللي حصل اييه بايديك
............... بديت احسك شي ... خارج زماني ~
ودامك زرعت انسان غيري ب أراضيك
............... ف أنا ماحب يكون غيري ..... مكاني
ب تغيب ؟غيب ولكن اسمع محاكيك
............... قبل السفن تنوي ب هجر المواني ~
في خاطري كلمة ويمكن تبكيك
............... ابيك تسمعها / . دقايق عشاني
لو الزمن يعطيك ماهوب معطيك
............. شخص يحطك بين عوج المحاني !!
لكل من يمر بصفحتي "
سموو مشاعري شاكر له ولحظوره
ودي ووردي 
نآدر وجودي "منور"
|
مشرفة سابقة
العرض العادي
