قصيدة حوار مع طفل للشاعر بسام الفليّح

#1 03-19-09, 05:11 PM

هذة القصيدة قصيدة حوار مع طفل شاركني في القاءها أخي الصغير سعود الفليح صدر في شريطي الاول تذكريني

الشاعر بسام الفليّح
مشاركة الحوار سعود الفليّح

بسام: آه ياسعود ليت تعرف وش هواصعب شي في هذا الوجود
لما تصعد حلم من اجل الوصول وتتفاجأ وانت تصعد بالنزول
سعود: ليه وش صاير
بسام: لا ابد ما صار شي
سعود: فيك شي
بسام: لا ابد مافيني شي
سعود: يا اخي قلي ليه وش فيك متضايق
بسام: قلتلك مافيني شي ،روح عني خاني مانيب رايق،خلني لوحدي وروح خلني لوحدي دقايق
سعود: باين من شكلك حزين
بسام: لا انا ماني حزين،بس انا مشغول بالي
سعود: مو انا شكلك يقول
بسام: وش تبي فيني دخيلك خلني لوحدي وروح
سعود: ما ابي شي بس انا خايف عليك
بسام: خايف علي؟؟من ايش خايف؟وش انت شايف؟ لاتخاف وروحعني ياصبي
سعود: ماني رايح
بسام: انت تفهم عربي
سعود: بس انا خايف عليك
بسام: ماعليك
سعود: زين قلي وين اروح وش سبب هذي الجروح
بسام: حتى لو اقولك توك صغير ما تعرف كل شي مره
سعود: من هو انا؟؟
بسام: ايه انت توك صغير
سعود: صغير لكن يا اخي عقلي كبير لايغرك
بسام:زين اسمع كم عمرك ياولد؟؟
سعود: عمري انا عشرة سنين
بسام: يعني في عمر الزهور
سعود: لكن افهم بالامور
بسام: اي امور؟؟
سعود: اللي شاغله بالك
بسام: ماني ناقص ياولد كثر الكلام لا تلف وتدور ومنين طالع لي بعد؟؟ يااخي مالي ومالك؟؟
سعود:يااخي ارئف بحالك وماعلينا انت تحب وحده اكيد
بسام: كيف تعرف؟؟
سعود: كل شي واضح
بسام: كيف يعني؟؟
سعود: من الملامح هذي حالة كل عاشق
بسام: يالئيم تدري انك طحت عالجرح الاليم
سعود: لا تقول
بسام: اقسم بالله العظيم
سعود: أنا آسف ماقصدت
بسام: ليه وشوله تأسف
سعود: أف أف
بسام: لا تأفف عادي عادي الجرح اصلا من قديم زين اسمع ياصديقي
سعود: ايه كذا خلك كبير
بسام: خلن اقول(حبيت وحده))
سعود: كيف يعني؟؟
بسام: خلن اكمل
سعود: ايه كمل
بسام: قلت لك(حبيت وحده لاتقول وشلون مدري حتى انا ما اعرف من هي تكون شفتها مرتين كانت مره تمشي ومره تضحك في جنون
سعود: زين وصفها بشعرك
بسام: كنها البدر بيمامه لوتشوف الابتسامه كنها لؤلؤ مرصع في ثغر احمر وقاني وجني هذا الثغر شامه
سعود: زين من هي تعرفها؟؟
بسام: قلت لك ما اعرف من هي تكون ما ادري يمكن بنت انس والا يمكن بنت جن مدري وشي
سعود: زين وصف شكلها...عـــيـــونـــهـــا
بسام :نــعــسـانــه
سعود: وشــعرهـا
بسام: اسود قصير
سعود: ورموشها
بسام: هالــليــل
سعود: وجفونها
بسام: ذبــلاــنه
سعود: يعني دانه
بسام: اي قسم بالله دانه لو تقوم البدر اصلا هي تجي تجلس مكانه
سعود: يعني كل الزين فيها
بسام: لا وكل هذا قليل وبعض هذا الكثير
سعود: شوف يااخي:رغم ان عمري صغير بس ما ابي يكون لي هذا المصير ما احب مهما يصير
بسام: بكرى تكبر
سعود: مااحب مهما يصير
بسام: بكرى تعرف يوم يرخص كل غالي ويوم يتغلى الرخيص ((دير بالك دير بالك))
سعود: يا اخي لا توصي حريص !!!!

تحيآآآآآآآآآآتي

ََدايم السيفََ