صدق ظني وزرتيني بعد ما طوَل غيابك
بعد ما هانت أيامي على عمرك ذكرتيني
بعد ما أنكرك وقتك عرفتي قيمة أحبابك
بعد ما استيقظ إحساسك وتفكيرك فقدتيني
بعدما تاهت دروبك وكحل حزنك أهدابك
بعد خذلانك إحساسي بدمعاتي بكيتيني
بعد ما ضاعت أحلامك وضاع الشوق بأسبابك
بعد ما حطمك يأسك بعد يأسك رجيتيني
تحسبيني على خبرك أموت أموت وأحيا بك؟؟
أنا لو ما نسيت الود ما أنسى انك خذلتيني
ذبل ورد الأمل فيني ومات الوعد بترابك
وبقيتي مثل ما أنتِ بعيدة لو سكنتيني
و كيف يسامحك جرح السنين ورحلة عتابك
خسرتي كل شي أدري ومع هذا خسرتيني