قصيدة فيصل اليامي المغناه < اولاد حارتنا > استفزتني فجاريتها اتمنى ان تحوز الرضى .....
مدخل: لو ان الوقت يافيصل رجوعه يحيي المقبور لو انه لو رجع يرجع شموخ العز شمعتنـا دعيت بسجدتي ربي واقول ارجع زمنا دهور لجل يرجع هذاك اللي وجوده سـر هيبتنـا ابوي بقوة ايمانه يقول اصبر يجيك الـدور طريـق الحـق يانـواف نهايتنـا وكتبتنـا رحمك الله ياشيخ ٍ بدار الحاتمـي مقبـور عساك بجنة ٍ خضرا وتنزل مـع صحابتنـا
واليكم النص .... الآ يافيصل اليامـي تبـي هـذا الزمـان يـدور قسـم بالله لـو دار الزمـن ماعشـت عيشتنـا زمان ٍ عشت به ولى مابين المهزلـه والجـور شياطين البشـر يومـك تبّسـم سـر لوعتنـا ويوم انك مع الطـلاب تخبـي علبـة الطبشـور انا امسح عن عيون امي دموع بشرهـا جتنـا تفرفش تضحك وتلعب تنط احيان فـوق السـور وانا هايم على وجهي بلشـت بقـوت عيشتنـا يتيـم ٍ هزتـه دنيـاه وهـده حظـه المثـبـور صغير ٍ خط باقلامه < شنب > في وجـه دنيتنـا انا اكبرهم وعمري عشر ... ثلاثه فوقها وشهور كسرت اللعبـه يافيصـل وحنـا همـوم هدتّنـا ودار الوقت يافيصل وصرت بهالزمـن منصـور تعلمنـا تخرجـنـا وزدنــا فــي معزتـنـا عقب سرج الظلام بزر يشـع بهالزمـان النـور عقب طين ٍ تخر المـاء قصـور العـز ضمتنـا نحط الوقت عذر انه تغير فيـه صـدق شعـور انـا ماغيـر احبابـي زمــن زاد بمحبتـنـا انا مدري تـرا منهـو ولكـن قالهـا مشهـور نعيب الوقت < يافيصل > اثـاري العيـب سبتنـا الا يافيصل اليامـي تبـي هـذا الزمـان يـدور قسـم بالله لـو دار الزمـن ماعشـت عيشتنـا للتوضيح : < صغير ٍ خط باقلامه < شنب > في وجه دنيتنـا >
كنت وانا صغير ارسم شنب على وجهي ابصير رجال بسرعه
هذا معنى الشطر واي توضيح حاضر ..
مخرج :
" سبحانك اللهم وبحمدك ، أشهد أن لا إله إلا أنت أستغفرك وأتوب إليك "
بقلم نواف بندر
تاريخ اول نشر للقصيده 16 \ 6 \ 2007 م
""
""
""
رااقت لي فأتمنى أن تروق لكم
الا يافيصل اليامي تبي هذا الزمان يدور ..؟؟ 
العرض العادي
