للصبر قآآلووآ حدوود ..

للصبر , حدوود , قآآلووآ

للصبر قآآلووآ حدوود ..

*§ لصبرقالوا حدود§*
الشخصيات
البطله اسيل 17سنه بنت متعلقه بامهاواخوانها بشكل مو طبيعي جمالهاعادي بس عليها اعيون جذابه وخجوله
عايلتها* ابوها فهد استشهدبالغزو وامها حامل فيها
*امها حنان انتقلت بعدوفاة زوجهافهد مع اهلها لسعوديه
وتزوجت بعدولادتها بثلاث سنين وهي عايشه مع زوجها بالشرقيه
اخوانهامن امها
*ياسر11
فارس7
*ديمه5سنوات حبيبة اسيل وكانت بنسبه لها بنتها
*عايلة ماجد عم اسيل عايشين بالكويت اسيل كويتيه بس عاشت مع امها بالسعوديه*حصه زوجة ابوخالد تحب عيالهاوماترفض لهم طلب
عيال عمها
*خالد30متزوج ساره بنت خالته وعنده غلاسنتين وحامل
*عامر بطلنا 26سنه كمل دراسته متاخر ويبي يكمل في احد الجامعات برى سبب تركه لدراسه انه تعرف على شله سوء مغازل وخرابيط وعقب تعدل وبدآ حياته من جديد عشان يحسس ابوه انه تعدل لاكن ابوه مازال ماخذ منه موقف وهذا الي يعقد حياة عامر ويخليه يفكريدرس برا
*اصايل 23توه متزوجه لها شهر
*جمانه17 في عمراسيل وكانت دلوعه ابوها وكان يقولها عن بنت عمها وانه يفكر يخليها تجي تعيش عندهم
*نواف10دلوع الماما
الجزء الاول
اسيل تجلس عند امهاوتقول:يمه ترى عمي طرش مصروفي حق هالشهر اخذي بطاقتي واسحبي منه الي تحتاجينه انتي واخواني
امها:ماتقصرين يمه بس انتي مو تبين تشترين لاب توب اشتريه صارلج كم شهر تاجلين عشان خرابيط اخوانج الي ماتخلص
اسيل تقوم وتبوس امها:اذا ماعطيتكم من بعطي
امها تحضنها:الله يخليج لي ويبلغني فيج واشوفج عروس
في الكويت
خالد :عامر صدقني ابوي مراح يوافق فماقدرأ تجرأواقوله
عامر:تكفى خالدقوله هو يسمع منك ياخي حس فيني ودي اخذالشهاده الي احلم فيها من سنين
خالد:وين كان حلمك هذا قبل ليش ماسعيت له من البدايه وحققته جان الحين من زمان متوظف
عامرحس بالاهانه من كلام اخوه حتى انت ياخالد مازلت تعايرني قال بضيق: خلاص خالد لاتقوله واعتبراني ماقلت لك شي وقام وطلع
خالد تندم انه قال هالكلام وجرح عامر قال انالازم احاول في ابوي عامر لازم يحقق طموحه حرام ينحرم من حلم حياته
عند ام خالد وبناتها
اصايل:ألا جمانه ماودج ناخذ رقم بنت عمي اسيل وانكلمها ودي اتعرف عليها
جمانه باهتمام:اولله حتى ودي اتعرف عليها ودي انها اتزورنا انا قلت لابوي وهو قال بإكلمها وان شالله توافق تزورنا
اصايل بفرحه:ان شالله
دخلت عليهم ساره :سلام عليكم
الكل:وعليكم السلام
ساره:اشلونج اصايل اشلون جابر ان شالله زين
اصايل:حمدالله زينين انتي اشلونج واشلون الحمال ان شالله مرتاحه
ساره:الحمدالله وان شالله عقبالج ياحياتي
دخل ابو خالد وسلم عليهم
الكل:وعليكم السلام
جمانه نطت وراحت اجلست جنب ابوها تدلع عليه
ام خالد:حمدالله وشكرانتي مصدقه عمرج بزر ترى انايوم في عمرج كان معاي خالد
جمانه تتميع :والله اذا اهلج مايبيونج وزوجوج مبجرترا انا ابوي يبيني وماراح يزوجني الا برضاي تحضن كتف ابوها وتقول صح بابا
ابوها ضحك على اسلوبها يدري انها بهالاسلوب ترفع ضغط امها
قال:صح ياقلب بابا
ام خالدبعصبيه:مامخرب هالبنت غيرك كم مره اقولك البنت ماتدلع
ابوخالد بضيق:لاولله بس العيال ماشوف الدلع نفع عامر يوم دلعتيه
ام خالدانقهرت من كلامه كل مره ينكدعليها بهالسيره انها سبب ضياع عامر بالاول قالت:ترى صجيتنابهالسيره الولد كره عمره من كثرماتعايره ياخي حس فيه تسنع وكمل دراسته ونجح بتفوق وهو يشتغل معاك بالشركه ارحم حاله قامت وراحت
البنات التزموا الصمت تكلم ابو خالدولاكأن صارشي وقال:اقول جمانه كلمت اسيل وقنعتها تزورنا بالصيف وافقت
جمانه بفرح:صج وناسه ودي اكلمها وتعرف عليها تكفى يبه عطني رقمها
ابوها :ان شالله
في الشرقيه
ام اسيل باهتمام:انتي شنو الي مخوفج الحين هوقال زورينا بس
اسيل بخوف:مادري احس عمي وده يسكني عنده عشان نصيب ابوي الي في الشركه وخوفه من ضياعه
امها:شهالتفكير لاتقولين عن عمج جذي هوقصرمعاج مصرفج يرسله لج دبل لانه حاس انا حنا بعدمحتاجين
اسيل برود:ليش تعصبين وماترضين عليه
امها بضيق:لان عمره ماقصر معي بشي من كنت حامل فيج وكان دايم يسأل ويطرش لي مصرف ويوم ولدتي جاركض يشوف بنت اخوه مع ان زوجة كانت والده بنفس اليوم بنته جمانه
اسيل:عمي عنده بنت بعمري اكيدهاذي الي دايم يقول نفسها تعرف عليج
في الكويت
خالد جالس يفكراشلون ايفاتح ابوه بموضوع دراسة عامر دخلت عليه ساره لقته سرحان مشت بشويش وغطت اعيونه من ورا:الحلو شيفكرفيه
خالدسحب ايدينها ولفها له وجلسها قباله:افكرفي زوجتي حبيبتي
ساره بأهتمام:ايه قص علي خالد اشفيك صارلك مده تسرح
خالد مسك يدها وباسها:مشكلتي انج فاهمتني من غير لاتكلم خلاص بقولج السالفه
عندعامر
راشدبضيق:خلاص عامر لاتعصب هونهاوتهون
عامربضيق:اي تهون وابوي للحين موراضي يقتنع باني تبت ودي افاتحه بتكميل دراستي وخايف يرفض ساعتهابتدمرصج
راشد:انت ليش تحكم على الامور وانت ماتدري انت فاتحه وشوف شيقول
عامربلاك ماتعرف ابوي:من قبل لااقوله عارف ردة وقف وقال قوم اناعازمك على العشا
عندخالد
خالد:رايج اني احاول فيه
ساره باهتمام:على قدرماتقدر حرام تحطمون مستقبل عامر
في الشرقيه)
ياسربترجي:اسيل تكفين خليني العب في الاب توب
اسيل:حبيبي الاب توب موحق العب
ياسر:انتي شعرفج انا دايم عند ربعي نلعب فيه العاب حلوه
اسيل:زين لاتحن بخليك
ياسر:مشكوره اسوله
دخل عليهم فارس مسرع
فارس:اسيل في وحده تبيج في التلفون
اسيل راحت ركض اكيد نجود بحرها بلاب توب راحت ركض وشالت السماعه بسرعه
اسيل:نجوودحره شريت لابتوب
جمانه شكلهاماقالها اني بنت عمها:سلام عليكم اشلونج اسيل
اسيل يافشلتي بتردد:وعليكم السلام من معاي
جمانه :انا جمانه بنت عمج ماجد
اسيل بنت عمي ماجد غريبه:هلا جمانه اشلونج
جمانه:حمدالله بخير وحبيت اتعرف على بنت عمي
اسيل بفرحه:لي الشرف جمانه اتعرف عليج
جمانه :خلاص ابدأ انا بعرفج على شخصيتي اسمي جمانه ماجد عمري 17سنه ثالث ثانوي ادبي هوايتي الرقص والدلع والدراسه طاف
اسيل:ههه ههه ههه
جمانه :شرايج وانتي عرفيني بنفسج
اسيل بضحكه:اسمي اسيل فهد عمري 17سنه ثالت ثانوي علمي هوايتي الجلوس على النت والدراسه حمدالله جيده فيها
جمانه:اشوفج اتقولين شريت لاب توب
اسيل بتردد:ايه احسبج نجود رفيقتي كنت بقولها اني شريت لاب توب
جمانه:اسيل عندج أيميل
اسيل :ايه عندي
جمانه بفرحه:خلاص عطيني أيميلج وخلينا نتراسل عليه
اسيل بفرح:وناسه جان زين انتي عندج لاب توب
جمانه:مولي بروحي هولاخوي وانااخذه اذا احتجته
اسيل:ألا عندج خوات
جمانه:ايه اصايل وتوها متزوجه
اسيل والله فشله بنت عمي تزوج ولاادري عنها:مبروك
جمانه:الله يبارك فيج ألا اسيل ليش ماتزورينا نفسي اشوفج وعشان تعرفين على اهلج
اسيل اهلي:انتي الي قايله لعمي يقولي
جمانه:اولله اناواصايل ودنا انشوفج ونتعرف عليج عفيه زورينا بالصيف عالاقل تعرفين على ديرتج
اسيل ولله خل اتعرف على ديرتي كل بنات المدرسه يحسدوني عليها وانا احس نفسي بخيله بمشاعري ناحيتها
قلت:ان شالله بجي وابيج تعرفيني على كل ركن من ديرتي
جمانه:وعدكل ركن
في الكويت
خالد بترجي:يبه تكفى لاتخليني اندم اني فاتحت معك الموضوع
ابوه بعصبيه:كلمه وحده دراسه بره مافي هو اهنيه وانحرف لما يتغرب شبسوي
خالد:يبه عامرمو الاولي عامر عرف خطاه وتاب وتعدل ولو ماتعدل جان ماكمل واخذ الشهاده بتفوق بعد
ابوه وقف وقال:مافيه تغرب وبعدين وشله بالشهاده وهو يشتغل بالشركه
خالد بأسى:يبه طموحه ويبي يحققها لاتحرمه
ابوه :افكر وردلك خبر وراح
خالد افكر ان شالله يوافق واخذ التلفون دق على عامر
يقوله
عند جمانه كانت نازله من الدرج وشافت ابوها صاعد ابتسمت وحضنته قالت:اتسلم عليك اسيل ووعدتني تزورنا بالصيف
ابوها خطرفي باله فكره قال: صج الحمدلله
جمانه بفرح:يالله اخليك بروح ادق على اصايل وبشرها
راحت وتركت ابوها يفكر ليش مادامي مابي بنت اخوي اتم عايشه مع الغريب مازوجها عامر وخليها تسافرمعه عشان اتطمن عليهم الاثنين ان بنت اخوي موبعيده عني وعامر مايردللخرابيط عقب يتزوج
*بعد اسبوع*
عامر شاف خالد بالصاله وجا وسلم وجلس جنبه وقال:خالد مارد ابوي عليك
خالد ولله شكل الوالد طنش:لا والله بعد مارد علي شكلي برد اسئله
عامر بخيبة امل:لا ياخالد لا تسئله شكله رافض وماحب يقولك
خالد:لاتفاول اشدراك يمكن موافق
عامر وقف وقال:يالله استأذن وراي شغل وطلع
خالد مع السلامه الله يعينك ياعامر تضغط على عمرك بالشغل عشان رضى ابوي وهو ماعبرك
دخل ابوخالدعلى خالد وسلم
خالد:وعليكم السلام
ابوخالدبرود:وين عامر
خالدبخوف:راح لدوام عسى ماشريبه
ابوخالد:لابس بغيت اقوله عن قراري بدراسته
خالد الله يستر:خير ان شالله وافقت
ابوخالد:وافقت بشرط
خالدبخوف:شرط شنو
ابوه:يتزوج ويسافرمع زوجته يدرس
خالدانصدم:شنويتزوج
ابوه:ايه يتزوج الي كبره كلهم متزوجين
خالد الله يعينك ياعامر:بس يبه انت تدري عن راي عامرفي الزواج لان الوالده خطبت له مرتين ورفضوا فحلف ان امي ماتخطب له مره ثانيه
ابوه:بس هالمره الي بيخطب له انا ماعتقدترفض
خالدمن بيخطب:انت بتخطب وليش متوقع موافقتها
ابوه:احساس والي بخطبها بنت اخوي
خالد تفأجئ:اسيل
ابوه:ايه اسيل
خالد:هي موكبرجمانه اختي موجنه صغيره عليه
ابوه:لاصغيره ولاشي وجمانه لوجايها خطيب زين جان زوجتها بس انت كلم اخوك وقل هذا شرطي ومراح اتنازل عنه واذ وافق يروح يسجل في الجامعه من باجروطلع
خالدمذهول ودق على عامر
عامر:الوو
خالد:هلاعامر ابي اشوفك ضروري
عامربخوف:عسى ماشراشفيك
خالد:انت شوفلنااي مكان واجيك فيه
واعده عامر وراح له
في الكافي
عامر بعصبيه:مستحيل مستحيل اوافق حرام الي يفكرفيه ابوك ليش دايم يحطمني ليش مو راضي يستوعب اني ماني عامر الاولي جت بتنزل منه دمعه مسحها وقال:خالد مشكور انت ماقصرت والي عليك سويته وقول لابوي خلاص مولازم اخذ شهاده على حساب اني اتزوج بنت اخوه
خالد تضايق عشان اخوه:عامر فكربالموضوع يمكن يكون في صالحك انك تزوجها
عامر بعصبيه:اي صالح لي خصوصاانها بعمرجمانه انا بروح ادرس ولا اعابلي جاهل
خالد بضيق:ماتدري يمكن الله يخليهاخيره لك وتاخذ شهادتك وانت عندك من يهتم فيك فكر وانااخوك ولاتحطم مستقبلك وارضى بالمستحيل عشان حلمك
عامربحزن:بفكر
*بعدشهر*
*جمانه واسيل صارو يتكلمون بالاميل ويجلسون ايسولفون بالساعات وتعلقوا بعض اكثر قررت اسيل اول ماتعطل تزورهم
*عامرجلس يفكربالموضوع بالاخير وافق عشان مستقبله وقال بكره لماتغثني اطلقها ورسلها لامها واكون ماعصيت ابوي بشي
*ابوخالد يفكراشلون يضغط على اسيل انهاتاخذ عامر بالاخير قرر انه اذا راح يجيبها عشان تزورهم يكلم امها ويخليها تضغط عليها
دخلت اسيل ويدها مليانه اكياس سلمت
امهابفرحه:وعليكم السلام ان شالله خلصتي كل اغراضج
اسيل:ايه الحمدالله برتب اشناطي اليوم عشان عمي بيجي اليوم وباجربنمشي
امها:الله يسترعليكم بس شوفي كل يوم دقي علي طمنيني زين
اسيل بضحكه:ان شالله
عندجمانه كانت طايره من الفرحه وتنقز في البيت فرحانه
دخل عامروشافها وقال لاكديت خيراذا الي باخذها نفس عمرج ياجمانه قال:حمدلله وشكر اشفيج تراقصين مجنونه
جمانه بضحكه:اسم الله علي لافرحانه
عامر حب يتطنز:فرحانه ليش طلعوا غلطانين ونجحتي مو دور ثاني
جمانه هاذا الي يبيني اذبحه مو كافي امي بالطالعه ونازله سب قلت:انافرحانه عشان اسيل باجر بتجي وابوي توكلمني عندها بيمشون باجر
عامرتنح اخص ياشايب قلت له موافقتي امس وراح يجيبها عاد هي ماصدقت شالت قشها وجت ركض حتى مارفضت راح لغرفته
اليوم الثاني
جمانه تحوس بلبسها محتاره شتلبس
دخل بوخالد ومعاه اسيل
قال:جمانه ام خالد وينكم فيه
ام خالد جت:هلابوخالد حي الله من جانا
راحت تسلم على اسيل:هلا بنتي اشلونج ان شالله زينه
اسيل بحيا:حمدالله اشلونج انتي خالتي
ام خالدماشالله شهالزين يحلوها مثل امها الله يذكرها بالخير:بخيرعساج بخير
جلس ابوخالد وطلب من اسيل تجلس ام خالدراحت تنادي البنات يستقبلون اسيل
في الليل
اسيل الفرحه موسايعتها لانها تعرفت على بنات عمها الي حبتهم وحبوهامن اول نظره
في غرفة جمانه
جمانه :اقول اسيل نجحتي
اسيل:ايه حمدلله وانتي
جمانه بضيق:لاولله علي ماده
اسيل تضايقت عشان جمانه:يالله حمدالله ان شالله تنجحين فيها ألا اقول الي كانت معانا مرة اخوج
جمانه:ايه ساره
اسيل بفرح:مشالله عليهاتدخل القلب حبيبه
جمانه:اكيدبتدخل القلب دام خالداخوي حبيبي زوجها
اسيل بضحكه:شمعنى خالد الي تقولين عنه جذي
جمانه :لانه مايضايقني مثل عدوي الدودعامر احسه يكرهني عشاني دلوعة البابا ولا الثاني ولدامه
اسيل اضحكت على تعليق جمانه على اخوانها وسهرت معاهااحلى سهره
صحت اسيل الساعه عشر جلست تحاول في جمانه تقعد بس مافي فايده
كانت عطشانه قالت خل انزل اشرب انزلت
كان عامر طالع من غرفته شاف بنت نازله طالع فيها عامر بنفسه مسرع ماتاقلمت وصارت تحوس بروحها مد بوزه ومشى وراها مرمن عندها وسلم من غيرلايلف
اسيل فزت يافشلي الحين شبيقول تحوس بروحها ماتدري ان البيت فيه ارجال بس من هذا خالد ولاعامر مادري
دخلت المطبخ واشربت لقت خالتهامجهزه الفطور وافطرت معاها وراحت تطفش جمانه لين تقوم
§بعداسبوع§
اسيل مستانسه وكل يوم جمانه تمشيها بالحدايق والمجمعات اعرفت اعيال عمها كلهم حبت شخصية خالدوطيبته وكانت تحس ان شخصية عامر غامضه من طريقة نظراته لها اذا تصادفوا في مكان معنها قليل ماتصادفه
في الليل
جمانه بحزن:كان ودي تقعدين اكثراسوله اقعدي تكفين
اسيل ياحياتي والله انهم خوش اهل:حبيبتي ماشبعتي مني اسبوع مأذيتج خليج عشان محد يزعجج لماتنامين
جمانه :انتي اقعدي وسوي الي تبين وبعدين ترى ماخلص التدريب موانتي تبين تدربين على الرقص بانواعه ماعلمتج غيرالخليجي والمصري
اسيل تذكرت شكلهاوهي ترقص اضحكت:لاحبيبتي كافي الي تعلمته
جمانه:لاباقي عراقي واجنبي وهندي وشامي بعد ودحه اذا تبين
اسيل بضحكه:بل بل كل هذا بتبدأ المدرسه واناماخلصت
جلسوا يضحكون
صعدعامركان جاي من عزيمه عشاسواها بمناسبة قبوله في الجامعة مرمن الغرفه سمع ضحكهن قال الله يعيني شكلها مثل جمانه خبال وهذره لا بالله درست ياعامراذ هاذي بترافقك يالله اصبرعليها لين تبدأ دروسي اسكتهاغصب عنها
اليوم الثاني
راحت اسيل وحسوا بفقدانها لانها باسبوع اقدرت تدخل قلوبهم ماعداعامر الي ماعبرها كلش لدرجة انهامالامت جمانه لماسبته
تحددموعد دراسة عامربعد شهرين كلم ابوخالد ام اسيل عشان تستعجل في الموضوع قبل دراسة عامر
في الشرقيه
اسيل :يمه مادري خايفه شخصية عامرغامضه قعدت اسبوع عندهم احسه مو حيل مع اهله وخواته مثل خالد
امها:حبيبتي موبسبوع تحكمين على شخصيته ياقلبي واكيد ماحتك مع خواته يومج عندهم لانه خايف يضايقج او يحرجج
اسيل مادري خايفه من كلام جمانه تقول غثيث ومتكبر:افكر
امهابترجي:حبيبتي ردي علي باجر لانهم مستعجلين عشان دراسة عامر
اسيل بخوف:طيب يمه انا مافكرتوا بدراستي اشلون بترك دراستي يعني
امها:لايمه اناسألت عمج وقال بنسجلهامنازل وبالامتحانات تجي
اسيل لاولله مخططين لكل شي بعد:خلاص افكرورد لج خبر
§بعديومين§
انتشرخبرخطبة عامرلأسيل وجا ابوخالد وعايلته عشان الملكه الليله
اسيل محتاسه بالاسوقه اتجهز لزواجها الي بيكون بعدشهر
في الملكه
ام اسيل موسايعتهاالدنيا فرحانه بزواج بنتها من ولدعمها لانهاتعز عايلته بوخالد
ام اسيل:اسيل ماخلصتي ترا فضحتيني عمانج يسألون متى بتنزل
اسيل كانت مثل الحوريه بثوبها الذهبي وشعرها الطويل الي تحت الظهرومكياجها الناعم قالت بخوف:زين بنزل الحين نطريني
انزلت عندالمعازعيم وجلست وكل الانظارمنبهرين بجمالها لدرجة ان ام خالد قامت تقرأ عليها خافت يحسدونهاوهي ماصدقت عامريلقاله مره
جمانه عامله جوبرقصها الي مايخلص عشان بنت عمهاالي بتكون قريبه منهااذ اخذت اخوها كانت تضحك اسيل بعض حركاتها
دخل ابوخالدوعامر اسيل بغى قلبها يوقف من الخوف لما شافت عامر كان مزيون واعيونه كحيله وخشمه سلة سيف وزايد جماله القفل وقف اقبال اسيل وباس جبهتها وقال :مبروك اسيل
اسيل الي زادت رجفتهامن بوسته قالت:الله يـــ بــارك فــــ يـــــك
جلس جنبها وسلم على امه وخواته الي باركوا له وابتسم على شكل جمانه ورقصها وشكلها خربت لهاشخص ثاني اخت اسيل الصغيره ديمه
عامركان يسرق اسيل بنظراته خايف تشوفه كان منبهربجمالها قال بنفسه حلوه بس احسها حيل صغيره يارب يكون عقلها كبيرمومثل هالمطفوقه جمانوه جت امه صوبه وطلبت منه انهم يجلسون في المجلس بروحهم عشان ياخذون راحتهم
قام ومسك يد اسيل ومشى معاها للمجلس
دخل وجلس وجلست بعيد عنه اشوي طالع فيها قال ماشالله تستحي قال برود:ليش مبعده تعالي اشلون بتسمعيني
اسيل من الخوف والربكه ماتدري وش تقول قالت:اعتقد اسمع باذوني موبجسمي بس انت تكلم
عامراخص يالرد شكلها عنيده
قلت:كيفج بس المهم تدرين انا بنسافر من ثاني يوم لزواجنا عشان يمديني اسوي لج شهر عسل لوعشر ايام قبل الجامعه كان يقولها من طرف خشمه
اسيل اشفيه هذايتكلم جذيه لايكون ماعجبة اوزعل عشاني قلت مابي مقربه الله يعين شكله نفسيه وعصبي
مارديت عليه لاني موعارفه شرد
وقف ومشى صوبها وقال :اذا تبين شي او محتاجه شي قولي لي لاتستحين
اسيل ياربي اناخابره الافلام والمسلسلات بيوم الملكه اذ قعدوالمعاريس مع بعض كل كلامهم حب وغزل وغرام وهذا اوامروحتياجات حتى ماقال رايه فيني حلوه اوشينه قلت:لا مشكورمومحتاجه شي
نزل راسه باسني بخدي قال:يالله استاذن خلي الوالده تجهز جوازجج عشان الحجز
اسيل اخدرت من بوسته قالت بربكه:ان شالله طلع وخلها
اسيل ياربي شحلاته لولا هالنفسيه والغرور
§في يوم زواج عامر§
كانوا حاجزين باحسن قاعات الكويت والكل فرحان بزواج عامر
جمانه كانت ملاك بثوبها اليموني ومكياجها الصارخ
واصايل كان ثوبها احمرفاقع وشعرها مدرجات وميشته
ساره مع انها على وشك ولاده الا انها ماقصرت بكشختها لجل زواج عامركانت لابسه ثوب زيتي بقصه حوامل وشعرها مسويه له تسريحه
العروس مايحتاج اوصفها بثوبها الابيض وتسريحتها الجذابه كانت في غرفة العروس الي بالقاعه تنطرالمعرس عشان يدخلون القاعه مع بعض
اسيل كانت جالسه بروحها بعد ماتركتها امها وبنات عمها وراحو لمعازيم كانت تصورها المصوره وبعدها استأذنت عشان تلفونها دق واطلعت خلت الباب مفتوح بعدها بشوي ولاتسمع اسيل صوت حريم يتكلمون عندالمناظرالي برا
وحده:تصدقين ماصدق ان الي عرسه الليله عامر
الثانيه:لاصدقي بس والله مو هين شاف لما ارفض مرتين عشان ماضيه وخرابيطه قال خل اخذبنت صغيره ماتعرف عن حياتي شي
الاولى:اولله حتى امهاطايره من الفرحه اتوقع لوتدري جان مافرحت جذي
الثانيه:يالله الله يوفقه وتكون بنت الحلال سبب في هدايته
الاولى:امين يالله بدا الرقص تاخرنا وراحو
اسيل كانت مثل الي ناقلين لها خبر وفاة عزيز دمعت اعيونها وكبست على الكرسي تصيح
ادخلت المصوره تخرعت منها وراحت تنادي امها
جت امهابسرعه وتفأجأت من انقلاب حال بنتها جت جمانه تقولهم عن وصول المعرس
اسيل اشهقت:يمه تكفين لاتخليني خايفه
امهابخوف:اسيل حبيبتي ماراح اخليج سمي بالرحمن لفت لجمانه قالت خل ينطرون اشوي على مانعدل مكياجها الي خرب
جمانه خافت اول مره اتشوف اسيل جذي لدرجه انها قالت شكلهاهونت عن عامر راحت تقولهم عامر تنرفز خصوصا انه مايمدي الساعه اربع طيارتهم والساعه الحين احدش ومانزفوا
عدلوا مكياجها وهي مازالت تشاهق خوف من هالعامر وماضيه وخرابيطه الي سمعتهم كان ودها تكلم بس كأن السانها انربط من الارتباك
دخل عامروباس راس عمته وقرب من اسيل وهي قامت ترجف مثل الريشه بقربه باس راسها ومسك يدها ومشوا للكوشه اجلسوعلى الكوشه وعامرمستغرب من شهاق اسيل الي يسمعه قال في نفسه توهاتفكر انها بتبعد
صج دلع بنات
صورمع اهله ومع اسيل وقاموا عشان يطلعون
كانت تمشي وهي تصارخ في داخلها عن المصيبه الي طاحت فيها وهي ماتدري وتلوم عمها انه غشهم
في الفندق
كانت الساعه وحده ونص جو بيدخلون جناحهم اصرخت ألا امها تدخل معها تفشلت امها من تصرفها خصوصا ان اهل عمهاقالوا شكلها مغصوبه
عامرهذا اولها شكلج مراح تطولين يااسيل بونسج شهر وارسلج مع اقرب طياره لامج
امها بخوف:اسيل حبيبتي اشفيج شلي قلب حالج فجأ ماكنتي جذي اليوم
اسيل ناظرت في عامروقالت: يمه انا بسافر وبطول عنكم فلاتحرميني من حضنج كم هالساعه الي بقعدمعاج فيها
امها تضايقت من كلام بنتها وافقت تجلس معاها ادخلت الجناح وجلست في الصاله عند امها عامرتعداهم وراح لغرفه وقال بعد ساعه قعدوني
جلست جنب امهاورمت نفسها بحضنها عشان تحس بالامان وتبعد عنهاالخوف
اجلست امهاتقرأ عليها وتمسح راسها وبعدين قالت:اسيل يمه قومي بدلي ملابسج واخذي لج حمام يبعدعنج هالاكتئاب
اسيل قامت من حضن امها:وين ملابسي
امها: داخل بالغرفه قومي يالله
اسيل لاتبيني ادخل عليه:لاخلاص بقعدجذي
امها بعصبيه:شنوبتقعدين جذي انتي ناسيه ان طيارتكم اربع وثلاث لازم تكونين بالمطار قومي ترا مليت من دلعج
قامت وهي اشوي وتصيح ادخلت لقت عامر متسبح ونايم بالروب ابلعت ريقها ودخلت بشويش خذت لها ملابس وطلعت للحمام الي برى
عامرمغمض عيونه ويشوف حركاتها من دخلت تقلب حاول ينام له ساعه بس ماقدر بالاخير قرر يلبس ويجهزعشان السفر
خذت لهاشاور ولبست لها تيور قصير بيج وبدي بني كم طويل
طلعت لقت عامرلابس وجاهز ويسولف مع امها جت عندهم وعيونها عليه طالع فيه قالت ياربي شنوماضيه الي ماندري عنه معقوله يكون قاتل ياويلي فزت على صوت امها لماقالت:اسيل حبيبتي شفيج جلسي
اسيل بخوف:هاه زين وجت بتجلس زحف لها عامر واشرلها تجلس جنبه ناظرت فيه بخوف
وردت تناظربامها عطتهاامها نظرة بانها تكف عن الدلع وتجلس بالاخيرجلست جنبه
عامر حمدالله وشكرتنطرني احلف عليها والله بطولين دق تلفونه ورد عليه:الوو هلاخالد
خالد:
عامرناظرفي اسيل وقال:ايه جاهزين بس تاكدمن الشناط كلهم
خالد:
عامر:مع السلامه
سكروقال:يالله مشينا وقام راح بيدفع افلوس الفندق
اسيل قلبها قام يضرب قربت الحضه الي بتبعدفيها وتكون مع عامربروحها
اوصلوا المطارودعت اسيل امها بدموع حاره اكسرت خاطرخالد بجيها عامرماسك نفسه لايصرخ بوجههاقدام امها وينفضح
في الطياره
اجلست عندالدريشه وجنبها عامر كان يسمع شهقاتها قال بنرفزه:ترى لاعت جبدي يابنت الناس ممتى تصيحين ماشبعتي صياح
اسيل هاذا اولها ياحسرتج يااسيل ضعتي ماردت وتمت تشاهق
عامر هاذي والله البلشه :اسيل بتسكتين ولاشلون ترى صجيتيني بنام موقادرانام لف للجهه الثانيه ونام
اسيل كتمت شهقاتها ولفت لدريشه بصمت خافت يقوم يكفخها
بعد ساعتين
صحى عامر وشاف اسيل نايمه نادى المضيفه وطلب لهم فطور كان بيصحي اسيل يسألها وش تاكل بعدين هون وجاب لها على ذوقه
وصل الطلب مع الجريده لف لاسيل بيقومها بس نطق اسمها فزت من مكانها بخوف وشهقت
عامرانقهرمن حركتها قال:اشفيج فضحتيني الي يشوف يقول مقومج بطراق
اسيل سمت وناظرت فيه وسكتت
عامربرود:وصل الفطور افطري اسيل والله ميته جوع خل اكل من امس ماكلت شي قلت:زين الحين باكل
عامراخيرا تكلمت :تفضلي مد عليها الكوروسان والشاي
اخذتهم وأكلت



بـررـب

ملكة بأخلاقي معجب بهذا

الموضوع الأصلي: للصبر قآآلووآ حدوود .. || الكاتب: "شوشو" || المصدر: منتديات كوفي كوب

http://www.cofe-cup.net/vb

كلمات البحث

جامعة الإمام عبدالرحمن بن فيصل ، واجبات ، ملخصات ، ملازم ، أسئلة ، جامعة ، كوفي كوب

المصدر: منتديات كوفي كوب Coffee cup - من قسم: الروايات الطويلة

---

ggwfv rNNg,,N p],,] >>

بـآآآك ..





اعلنو وصول الطايره الى بريطانيا بتحديد لندن
عامرلف على اسيل وقال:يالله وصلنا
قامت ومشت وراه بخوف تحس نفسها ودها تصرخ وتقول ردني خلاص مابيك يالمجرم ياغشاش بس ماكان عندها الشجاعه واكتفت بالصياح
وصلوا شقتهم عامركان مأجر لهم شقه كبيره عشان اذا احد من اهله حب يزوره كانت فخمه فيها ثلاث غرفة نوم كبيره مع حمام وصاله ومطبخ وحمام و غرفةمكتب
دخل ووقال:تفضلي حياج اسيل
اسيل شافت الشقه قالت ياويلي اشلون بعيش معاه بروحي هنيه:مشكور
جاب العامل شناطهم وطلع
وقفت وقلت وين الغرفه
عامر شكلهاتعبانه بتنام:هنيه واشر لها وراحت
ادخلت خذت شاور ولبس بجامه وردي ونامت لانها تعبانه حيل
عامر كلم خالد وطمنه بوصولهم والقى نظره على الشقه وبعدين دخل الغرفه وشاف اسيل نايمه تامل وجههاقال والله موشينه بنت عمي اخذ شاوروطلع بالروب وجا ونام من غيرلايلبس لانه كان تعبان دخل تحت الفراش بهدوء عشان لايصحي اسيل
الساعه ست المغرب
صحت من نومها وناظرت بالي جنبها تخرعت وشهقت بصوت عالي من شكله وهونايم بالروب قالت صج مايستحي طالعت بالساعه تضايقت ان طافتها صلواتها تسحبت بشويش عشان مايحس وطلعت
توضت وصلت وخذت لها لفه في الشقه اعجبتها حيل
فزت لماسمعت صوته وراها:كم الساعه
اسيل ياقلبي:سبع
عامربنرفزه:احول طولنا بالنوم وطافت الصلوات خلهاوراح
اسيل معقوله يصلي ولابس تمثيل قدامي ياربي اشلون اتفاهم معاه وقوله اني بنام بروحي اناكلام ماتجرأ اتكلم من اسلوبه الجاف
صلى عامروطلع لقاها سرحانه قال بنفسه ياكثرماتسرح وبعدين امس ليش انقلب حالها فجأء امهاتقول ماكانت جذي يوه شعلي منها قلت:تجهزي عشان نطلع نتعشى بره ونشتري اغراض للمطبخ
اسيل برود:ان شالله
وراحت تجهز
البست لها بنطلون جنزوتيشيرت سكري علاق حطت مكياج خفيف وسرحت شعرها دخل عامر وشافها بهالمنظر ابتسم ولاول مره بوجهها اختبص وجهها بابتسامته ورتجفت راحت فكت الخزانه بسرعه وطلعت عبايتها والبستها
عامريعني استحت مني بس صج حلوه فتحت الخزانه طلعت لي لبس ولبست مشطت شعري
اسيل من جلس ايبدل طلعت لصاله تنطره طلع لها وقال: ذكريني اشتري لج خط عشان اذ بغيتي تكلمين اهلج
اسيل :ان شالله بس ماعرف الوقت المناسب عندهم عشان اكلمهم
عامر:اناعلمج يالله خل نمشي
في المطعم
تعشوا بالمطعم واسيل كانت تناظرعامر بين كل فتره وتفكر شنوماضيه الي تكلموا عنه الحرمتين ودي أسأله بس اخاف يسوي فيني شي بس ليش عمي ماقالناولاحتى جمانه صح كانت تكره بس ماذكرت لي السبب وانا جني ماصدقت اول ماخطب وافقت فزيت على صوته يوم قال:ياكثر متسرحين
اسيل بخوف:هاه
عامربرود:صارلي ساعه اكلمج وانتي ماتردين
اسيل يافشلي :اسفه ماسمعت شكنت تقول
عامر لايعني مهتمه:كنت اقول تبينا نمشي عشان نلحق نخلص من السوبرماركت
اسيل عبالي عنده سالفه:كيفك تبينا نمشي مشينا
عامر:يالله اجل مشينا
راحوا لسوبرماركت وخلصو اغراضهم وردوا للبيت
اول مادخلت راحت ركض للغرفه قفلت على نفسها و بدلت بسرعه البست بجامه ساتره انقهرعامرمن حركتها مو عشان شي بس لانه كان بيبدل بعدجلس ينطرها لين اخلصت
اول ماطلعت قام ومرمن عندها وقال:مره ثانيه قبل تقفلين على نفسج ياليت طلعين لي ملابس يامدام
اسيل ياشين نفسك حتى مايراعي شعوري كوني بنت واستحي مارديت ورحت ارتب الاغراض في المطبخ عالاقل اشغل نفسي جلست ارتب دخل علي وكان معاه كتب
قال برود:اسيل تعرفين تطبخين
اسيل :اعرف لشغلات البسيطه بس
عامرزين والله عبالي مثل جمانه ماتسوي حتى الشاي:ماعليه بتعلمين انا جايب لج كتب طبخ من الكويت لاني ماحب ألااكل ديرتي
اسيل اش شايفني اجنبيه:مو مشكله اتعلم لفيت احط الاغراض بالثلاجه مرمن جنبي بياخذاقلاص بماي لصق جسمه بجسمي فزيت ومن قوه الحركه طق راسي باب الثلاجه قلت:اي اي قعدت افرك مكان الطقه
عامرشفيها كفخت راسها ماتشوف:سلامات اشفيج
اسيل شوي وتبجي من العوار
قالت:مانتبهت وطقيتها
عامر مسك مكان طقتها وفركها لها قال:انتبهي مره ثانيه
وطلع وخلاها
اسيل مالت موجنه هوالسبب
بعدماخلصت من الشغل احتارت وين تروح تخاف تروح للغرفه ويجيها عامر قالت اشلون بفهمه اني بنام بروحي صج بشوف اذ دخل الغرفه اطلع وروح انام بالغرفه الثانيه
ادخلت الغرفه طفت اليت ونسدحت على السرير تحاول انهاماتنام عشان اول مايدخل تطلع
عامر جلس ينطرها انها اول ماتخلص تجي تسهرمعاه استغرب يوم شافها راحت للغرفه جلس اشوي بروحه وبعدين قام بيروح للغرفه
دخل وولع اليت
اسيل اول ماولع اليت قامت وجلست
عامر اشوى مانامت ناطرتني والله انهاسنعه هالبنت ابتسم لها ومشى صوبها اسيل عالاطول اوقفت ومشت بتطلع عامر وين بتروح قلت:وين بتروحين
اسيل بخوف:هاه مافيني نوم بجلس على التلفزيون
عامردرى بخوفها قال:نجلس وش ورانا حتى انامافيني نوم بس شفتج نمتي قلت ماجلس بروحي
اسيل شكله ماهومخليني بروحي الليله :زين اناطالعه
طلعت وجلست على الكنب وجا وجلس جنبها شغل التلفزيون وحطه على فلم اجنبي وقعد يطالع
اسيل مفتشله من قربه كانت تقول قلت الاماكن لصق فيني طلعت لقطه وصخه بالفلم نزلت راسي وانا ارجف
عامر صج جابوقته عشان تستوعب الي ابيه ضحكت على شكلها:ههههههه ومسحت راسها بيديني قلت:اشريج بالفلم انكمل ولا نروح انام احسن
اسيل شوي وتصيح قامت من غير ماترد وراحت للغرفه اسمعت ضحكه وهو يقول :حتى انا عندي انام احسن
طفئ التلفزيون ولحقها اول مادخل انصدم من شكلها كانت تصيح وترجف خوف
عامرشفيها لهدرجه خايفه ليش قال:اسيل اشفيج ليش تبجين
اسيل ماردت بس تصيح
عامر معقوله مغصوبه مثلي خلاص انا برحمها من هالخوف البنت صغيره موبسرعه تاقلم على هالامور وبعدين انا جاي ادرس موجاي ادور وناستي قلت:اسيل سمعيني اذا ماتبيني انام اهنيه مومشكله الغرف واجد بس لاتبجين اوعدج مراح اسوي لج شي الابرضاج
هاه شقلتي راضيه
اسيل بين شهقاتها:ايه
عامر رحم حالهاشلون خايفه قال:الحين بعدمانحلت مشكلتج الي مسويه لج رعب من امس بتسهرين ولابتنامين
اسيل اسكتت وطالعت في عامر معقوله بعدالي فهمه مني يبي يسهرمعاي قلت:اسهر بس بشرط
عامر شرط بدينا من الحين عندها اشروط:قولي مع اني ماحب احديشرط علي
اسيل بخوف :ماتحط على الافلام الاجنبيه
عامراشوى عبالي شرط جايد ضحك على كلامها قال:خلاص انتي احطي على التبينه
وقام عشان يطلع قال بضحكه:بس اتوقع سبيستون وام بي سي 3مسكرين ياأسيل
اسيل عصبت ووقفت:شقصدك استاذعامرشايفني بزرعندك
عامرطلع وهويضحك بصوت عالي
اسيل انقهرت صج مايستحي هين ياعامرشايفني بزر طلعت له بالصاله وتخصرت اقباله:ليش ماترد قاعده اكلمك
عامرطالع فيهااشلون متخصره قال:شقلت ماقلت شي غلط
اسيل بعصبيه:احترم نفسك انا موجاهل تتطنزعلي
عامروقف وقال:اولا انامحترم نفسي قبل لااشوفج وبعدين شيثبتلي انج كبرتي وانتي امورج كزوجه ماتعرفينها
اسيل حمروجهها من الفشله وجلست وخذت الجهازتفرفر بالرموت
قام عامروراح صوب المطبخ
جاوجاب معاه بريد وشبس
جلس جنب اسيل وفك البريد وجلس ياكل ومدلها عشان تاكل
اسيل طع هاذ بعد الي قاله يبيني اكل معاه:ماشتهي بريد واخذت الشبس وجلست تاكل بصمت
بعدساعه
عامرقام وقال:يالله تصبحين على خير بنام
اسيل:وانت من اهله
§بعدشهرين§
اسيل وعامر مثل ماهم حياتهم ماشيه اسيل كانت تقوم بكل شغل البيت ودها انها تعرف شنو ماضي عامرالمخفي
وعامرفرحان لانه بدأ يدرس بالجامعه وماكان متضايق من القرار الي اتخذه مع اسيل لانه هوبعد انجبرعليها بس فرحان فيها لانها قايمه بواجباته من غسيل واكل
اسيل داقه على امها تكلمها
ورافعه صوتها وتضحك
عامركان توه راد من الجامعه دخل وسمع مكالمتها انعجب بضحكتها
انسدح على الكنبه
بعدماسكرت جت صوبه وقالت
:تسلم عليك الوالده وجمانه بعد
عامربرود:الله يسلمهم
اسيل ودي اقوله عن اشتراك النت بس اخاف مايرضى خل اقوله:عامر
عامركان مغمض عيونه وفتحهم قال برود:خير
اسيل بخوف:ابي خدمة نت
عامربتعجب:ليش عندج كمبيوتر وانامادري
اسيل :ايه عندي لاب واليوم كلمت جمانه تقولي ليش معاد تكلميني بالمسنجر نفس اول قلت لها ماعندي اشتراك
عامر وقف وقال:خلاص بجيب لج اشتراك بس حطي الغدا بسرعه ترا جوعان وتعبان ابي انام
اسيل بفرحه:مشكور ثواني والغداجاهز حبيبي وراحت ركض ومانتبهت لاخركلمه
قالتها
عامرفرح لفرحهاوستانس لما سمع كلمتهاحتى لوطلعت عفويه
حطت الغدا وراحت تناديه طقت عليه طلع لها وهوبعده ماسكر القميص
اسيل حمرت من الفشيله ونزلت راسها وقالت:الغدا جاهز
عامربرود:زين
بعد الغدا قال لها قوميني لما يجي وقت صلاة العصر
اسيل :ان شالله
راح نام وهي جلست اتشيل الاكل
جا وقت الصلاه طقت عليه مارد عليها ادخلت وكانت مفتشله اول مره تدخل غرفته وهونايم
طالعت بشكله تأملت ملامح وجهه تقول ممكن يكون هالوجه مجرم لاماصدق احس ان الي سمعتهم ظلموه قربت يمه وحاولت تقومه بس ماقام شكل نومه ثقيل حاولت تهزه بس تحس برجفه لانه نايم بدون فنيله استحت
عامرقام على صوتها الناعم وهي تقومه فتح اعيونه وقعد انرفع الحاف عنه وانكشف كل صدره
اسيل انحرجت وجت بتطلع وقفت لماقال:كم الساعه
اسيل ردت من غيرلاتلف:خمس
عامربتنهد:اسيل جهزي نفسج بطلعج الليله
اسيل افرحت ولفت له ونست لبسه:صج عامروين بنطلع
عامر ياحليلها ابسط الامور تفرحها:ايه صج بسهرج بعد
لان باجرمحاضراتي تاخير فبسهرمعاج
اسيل نطت من الفرحه وكأنها طفله:ياي وناسه بتكون احلى سهره
عامرمعقوله بتكون احلى سهره يااسيل اجل ليش مبعده عني مولهدرجه خوف قربت منها:قلت صج اسيل مستانسه مسكت يدها
اسيل ارتجفت من لمسته قالت بضحكه:طبعا بستانس لان كل الاماكن الي هنيه تهبل خصوصا حدايقهم عجيبه بعمري ماشفت مثل جمالها
عامرحس انها تصرف الموضوع قال بنفسه ألا اعرف ليش تتهرب قال:خلاص بصلي القاج خالصه اوكي
اسيل بضحكه:اوكي طيران
بعدربع ساعه اجهزت وخذت العبايه والملفع وطلعت حصلت عامرجالس بالصاله التفت لها
عامرصج هالبنت ذويقه بلبسها قلت:يالله وطلعنا
في الكويت
ابوخالد :مبروك ماجاك ياوليدي
خالد:الله يبارك فيك يبه استأذن يبه بدق على عامرابشره بجية ماجدالصغير
راح ودق عليه
كانوا جالسين بالحديقه مايتكلمون ألابالقطاره فجئا دق تلفونه شافه خالد
رد:هلاخالدحي هالصوت والله
خالد بضحكه:هلافيك اشلونك اشلون اسيل
عامرناظرباسيل وقال:حمدلله بخيرانت اشلونك
خالد بضحكه:طيب وداق ابشرك اخوك جاله ولد
عامربفرحه:صج مبروك عساه ذرية صالحه وانااخوك
خالد:الله يبارك فيك وعقبالك ان شالله شدحيلك وجب لولدي بنت عم عشان يتزوجها
عامربضحكه :ليش عايف بنتي ازوجهاولدك لانه بيكون مدلع وانا بنتي ماياخذهاألارجال قول وفعل
خالدبعصبيه:لاولله من زين بنتك عاد تعاف ولدي
عامرضحك عليه:ههههههه
خالدبنرفزن:شي ضحكك ماتقولي
عامربضحكه:اضحك عليك الي يسمعك يقول بنتي واقفه قبالي اشاورها على ولدك ناظرفي اسيل وقال خل تجي بنتي بس وغصبها على ولدك
خالدبضحكه:ايه اشوا عبالي بعد
اسيل كانت تطالع عامروهو يكلم وطالع فيه اشلون يضحك قالت بنفسهاياي ضحكته تسحر اختبصت يوم اسمعت عامر يتكلم عن العيال ويطالع فيها
بعدماخلص من خالد قال:يسلم عليج وساره جابت ولد
اسيل بفرحه:صج مبروك
عامربفرحه:الله يبارك فيج وعقبالنا ان شالله
اسيل ياربي شيقول هاذا نزلت راسي ومارديت
عامرحس بخجلهاقال:شوفي اذاجانا بنت ترى خالدخطبها وانا عطيته
اسيل من الارتباك قامت تلفت بعيونها شافت لهابياع قالت:عامر ممكن تجي معاي للبياع هذاك نفسي اشتري منه
عامرألاتهرب صج نرفزتني صح اني ماكنت امفكراتزوج قبل ماتخرج بس الحين تزوجت ومن حقي اطالب بحقوقي كزوج قلت:يالله وقفت ومسكت يدها اوقفها سحبتهاومن خفها الصقت فيني ذوبني ريحة عطرها بعدت عني ومشينا
راحو للبياع واشترت لها مديليات وكسسوارات تبيهم هدايا لبنات عمهاورفيقاتها
بعدماردوا للبيت ادخلت اتبدل وعامر تمددعلى الكنب وشغل التلفزيون يشوفه
اسيل البست لهابرمودا وردي وبدي بكموم طوال وطلعت بتشرب ماي قبل تنام شافت عامرجالس بالصاله ويطالع التلفزيون
عامرالي كان مشغل التلفزيون وماهويمه كان يفكربسبب نفور اسيل اول مانفتح باب غرفتها استانس ولتفت لهاقال:اسيل مانمتي زين تعالي خل نسهرعلى فلم
اسيل ياربي اخاف اوافق يحط على افلامه الوسخه قلت:اوكي بس ترا اناالي اختارالفلم
عامراخص فاهمه قصدي من قبل لااتكلم قلت:اوكي بس جيبي لناعصيروشبس وتعالي
اسيل ببتسامه:ان شالله وراحت جابت الأكل واختارت فلم رعب ولوانهاماتحبهم بس تقول ارحم
بعدثلاث اشهر
الحال مثل ماهوعنداسيل ودها تعرف هالماضي عشان ترتاح وتريح عامربس ماتجرأ تكلمه وتسأله
عامر صبره بدا ينفذبسبة اسيل بالاول قال خوف بس شاف المسأله طالت وهم على هالحال
في الكويت
جمانه صارلها ساعه وهي تهذر مع اسيل على المسنجر
دخل عليها نواف
نواف:جمانوو امي تبيج تحت
جمانه وعيونهاعلى الاب قالت:قولها مشغوله
نواف بعصبيه:جمانه ترا امي تدري وش شاغلج فقومي لها لاتعصب
جمانه بنرفزه:زين الحين جايه انت بس اطلع
طلع وراح لأمه وقال لها الحين تنزل
نزلت وهي تترقص على الدرج
جمانه بضحكه:هلايمه يقولون تناديني
امهاانطرت لين طلع نواف قالت: ايه قعدي بكلمج
جمانه شعندهاالوالده اول مره تسويها :خيرشصاير
امهابرود:اشلون دراستج ماشيه
جمانه لامناديتني عشان موضوع تافه الله يهداج:ولله تعرفين اولهامطبات وخطوط وعره وبعدين تعدي ان شالله
امهابعصبيه:لانج مومهتمه لها من البدايه لومهتمه جان ماطحتي بهالمطبات على قولتج
جمانه وقفت وقالت:يمه انتي مناديتني عشان موضوع الدراسه ترا بعد ماجت الامتحانات
امها:انتي ناسيه انج اخرسنه ولازم تهتمين بس شكلج مو كفو دراسه فزوجج احسن
جمانه عبالها امهاتضحك قالت:ايه تكفين زوجيني عالاقل افتك من حنه المدرسه
امهابتعجب:صج يعني اقول لخالتج انج موافقه
جمانه انصدمت:شنو موافقه
امها:موتوج تقولين تكفين زوجيني كاخالتج اخطبتج لولدها ضاري وانتي وافقتي
جمانه بعصبيه:اناعبالي تضحكين ماتوقعت السالفه جد واذا على الدراسه اناعلى الاقل احسن من غيري اخذدوروبعدين انجح اطلعت وهي معصبه حدها
عندعامر
دخل البيت وكان متضايق بسبب الامتحانات ونفسية زفت
ناداها عشان تسوي له عصير بس ماردت قال اكيد بغرفتها راح صوبها فتح الباب لقاها نايمه
وقف يطالع في شكلهاوهي نايمه كانت قمرخصوصاشعر المبهذل بسبة النوم قرب منها وجلس على السرير جنبهاقال لمتى بعيش جذي متزوج ولاني متزوج عطيتها فرصه بمافيه الكفايه معقوله بتم معاي هالسنتين من غيرلألمسها انا خمس اشهور قاعداتحسرواثر هاذاعلى دراستي لازم اكلمها واذا بتصرعلى رايها بطلقها وذيك الساعه مراح يتكلم ابوي جا بيطلع عنها شاف اشناط سفرها تحت قال شكلها فضتهم وماعرفت اشلون ترفعهم بالرف خل ارفعهم رفع وحده وشال الثانيه كانت ثقيله نزلها وفتحها كانت كل قمصانها النوم
عصب وثارت جنونه قال لا شكل لاخت ماعندهانيه خير شر نزل الشنطه وطلع وصفق الباب قوه لدرجه قامت اسيل من رجفه الباب استغربت منو قامت وغسلت وصلت المغرب وبدلت وطلعت حصلت عامر بالمطبخ استغربت دخلت وهي تبتسم سلمت
ردبعصبيه:وعليكم السلام
اسيل اشفيه معصب لايكون ماقدم عدل بالامتحان:عامر اشفيك لايكون الامتحان صعب
عامربعصبيه :يهمج يااسيل اتعرفين شنوالي المضايقني ولا انتي شي همج غيرانج تجين اهنيه للسياحه والتمشي
اسيل اشوي وتبجي:عامر ليش تقول جذي اناشسويت
عامروقف قبالهاومسك اكتوفها وهزها:شسويتي انا بفهم شي واحددامج ماتبيني ليش وافقتي ولاعشان سمعتي ان ابوي رافض دراستي برا الالما اتزوج قلتي خل اكسب فيه اجر ردي ليش ساكته بس فالحه بالدموع
اسيل بين شهقاتها:عامرانا كنت موافقه عليك من غيرماعرف بقرارعمي اصلا
عامرموافقه طيب ليش تسوي جذي:ليش تصرفاتج تصرفات المغصوبه لاتقولين خايفه مني اعتقدصارلنا ست اشهور عايشين مع بعض وعرفتي شخصيتي
اسيل تصيح وماقدرت اترد
عامرعصب من صياحها قال بصراخ:ليش سكتي عامرمن العصبيه ضن فيهاضن السوء قال لايكون مسويه مصيبه وستغفلني ابوي وزوجنيها لا مومعقوله توصل بابوي النذاله لهدرجه قلت:اسيل انتي فيج شي خايفه اني اكشفه
اسيل بين شهقاتها:شي مثل شنو
عامربرود:مادري انتي ادرى يمكن غلطانه مع احد
قاطعته بصراخ :احترم نفسك ياحقير وصلت فيك انك تتهمني بشرفي وصدت عنه بتروح لغرفتها
عامرحقيربزريقولي حقيرقال بصراخ:بوريج الحقاره يأاسيل ولحقها لدارها وقفل الباب
§ابيــــك تـــحب ابيــــك تحن
ابــي تـــوله ابــــي تشتاق
ابــــــــي عينك تناظرني وتترقب جيــــــــــــاتــــي§
في الشرقيه
ام ياسر بعصبيه:ياسرفكني من شرك قلت لك ماقدر اشتري لك لابتوب ماتفهم
ياسربحزن:هين بس تدق اسيل اقولها وهي طرشلي فلوس عشان اشتري وطلع
امه:ياويلك ياياسرعشان تفضحنا بزوج اختك سكتت بعدين قالت ياقلبي يااسيل لج وحشه يحليلهابنتي امس جبت لها طاري الحمال استحت وماعرفت شترد يارب عساني اشوف اعيالها
عندعامر
كان جالس على السرير وحاط يدينه على راسه يحاول يفكراشلون يصحح غلطته
اسيل متكوره على نفسها وتصيح قال لها:اسيل انا اسف خلاص قومي لاتصيحين عورتي قلبي
اسيل اجلست ولمت الحاف عليهاقالت بصراخ:تاكدت ياعامر تطيبت خاطرك اطلع برا اطلع مابي اشوفك اطلع بره
عامر كسرت خاطره بصياحها:اسيل اناعطيتج فرصه بمافيه الكفايه وهالشي لازم اكون مسويه من زمان وطلع عنها
جلست تصيح بقهر ليش ضن فيها نامت بعدصياحها
عامر بعدماخذله شاور راح ينام الساعه 3الفجر
قام يتقلب من الجوع ماقدر ينام قام عشان ياكله شي
فتح بابه وسمع صوت من المطبخ دخل وفرح لماشافها قايمه دخل وسلم وردت عليه برودطالع في وجها اشلون اعيونها منفخه من البجي قال:ممكن تحطين لي شي اكله لاني ميت جوع
اسيل ناظرته بنص عين قالت:لك عين تكلمني بعدالي سويته اسفه مراح احط لك شي ومشت من قدامه راحت للصاله
شغلت التلفزيون وقعدت تاكل من اكلها الي حطته لها بدون ماتهتم بعامر
عامرانصدم من كلامها صارلهم ست اشهور متزوجين اول مره تكلمه بهالاسلوب فتح الثلاجه وقعديسوي له عشا
بعدمااكل جالقاها عند التلفزيون مندمجه حب يعاند جلس جنبها واخذالريموت منها وغير
اسيل انقهرت منه قالت بعصبيه: ليش تغيرردعلى المسلسل
عامرابتسم على شكلهاوهي معصبه حط اصبعه على راسه قال بضحكه:مزاج وبعدين ماحب المسلسلات
اسيل بعصبيه:حتى هي ماتحبك ومحدطلب رايك شتحب
عامربرود:اسيل تعوذي من ابليس لاتخليني اتصرف تصرف مايعجبج
اسيل وشبغى ياعامر:ليش بطقني مثلا او بتقتلني صراحه ينخاف منك لانك راعي سوابق
عامرانصدم من كلامها راعي سوابق الحين مرافقتي لشله مغازل وحركات صارت بعينها قتل واجرام شكلها تدري عن هالماضي قلت:موانا الي يمد يده على مره فاهمه وانا بصبر عليج شهرلين الاجازه فابيج بهالشهر تقررين اذا بتستمرين معاي كزوجه فاهمه زوجه تقوم بكل واجباتها ولا نتفرق وردج لاهلج اذا رحت لاهلي بالاجازه راح وخلاها مصدومه اتطلق لا توني ماجيت 18 اكون مطلقه راحت لغرفتها تبجي
في الكويت
جمانه بعصبيه:يمه لايعني لا مابي ضاري
امها:ليش ان شالله اشفيه ولد اختي موقدالمقام يابنت ماجد
جمانه غصب تزوجني:ماقلت جذي بعدي صغيره بكمل دراستي
امها:الي سمعج يقول بتاخذ الدكتوراه كلها ثانويه عامه وتخلصينها هالسنه
جمانه بدت تطنزالي يقول كلش معاج شهاده حدج متوسطه:سنه سنتين بكمل
امهابهدوء:شوفي حبيبتي حنا برد عليهم ووعدج اخرزواجج سنتين شتبين بعد
جمانه ارتاحت شوي:خلاص كيفج سوي الي يريحج
مرعليهم اسبوعين وهم عايشين مثل الاغراب لدرجه ان عامر قام ياكل بره ويدرس مع ربعه بس عشان يبعدعن اسيل
اسيل حست بالوحده من فقدانها له عالاقل ودهالو تاكل معاه اشتاقت لطلعاتهم قالت انا لازم احط حل لازم افاتحه بالموضوع الي دمرحياتي معه
تمنت انهاماسمعت كلام الحرمتين كان عاشت بسعاده مع عامر
الساعه حدش
جلست تنطره لين جا اول مادخل وقفت
عامرتفاجأمن شكلها قال يمكن قررت مبجر يالله فكه علاقل ارتاح معني تعلقت فيها بس هي ماخلتني اتهنى حتى بنومي اتخيلها جننتني وانا الي كنت رافض الزواج من شفتها نسيت كل شي:سلام شعندج قاعده تنطرين احد
اسيل وعيونهاعليه قالت بخوف:وعليكم السلام كنت انطرك
عامرخاف انهاتكون بجرت بالقرارقال:توالناس علي القرار قدامج اسبوعين فكري عدل وراح لغرفته اسيل الحقته لي غرفته وقالت:انابعدي ماقررت ولاراح اقرر ألالما تجاوبني عن هالسوال
عامرفك خزانته وقام يبدل ولا اهتم فيها طالع فيها اشلون وجهها قلب من تفصخه قدامها قال:وش هالسوال ونسدح على السريربدون فنيله
اسيل حست بالفشيله:ماعرف اكلمك اهني
عامردرى انهاخجلانه قال:عندج شي قوليه ماعندج خليني انام يابنت الحلال ولف يبي ينام
اسيل بعصبيه:شوف ياعامر اذا ماعجبك قراري تاكد انك انت السبب فاهم وطلعت وصكت الباب بقوه
عامروجع اكسرت الباب وش هالسوال الي متحمسه تعرف جوابه بعدين اعرف ونام
اسيل صج مليغ احاول ابرر له موقفي ماعطاني فرصه فصخ ورقدمايستحي بس عليه جسم يجذب خذت لهاشاور وبعده نامت
اليوم الثاني
عامرقام مسرع خذله شاور وصلى صلاه الفجرالي تطافته وطلع بيلحق على محاضرته
اسيل كانت قايمه وقايله خل اعمل باصلي وصلح له فطور مع ان هالمغرورمايستاهل
اول ماطلع ارسمت بشفايفها ابتسامه :صباح الخير
عامرلاابتسامه مووقته اخاف اتهور وطنش المحاظره:صباح النور من متى قايمه ليش ماقومتيني زين جذي بتاخر علإقل لاتخلين زعلج ياثرعلى جامعتي وجا بيروح
اسيل شيقول هذا قلت:اولا ماقلت لي اقومك فلاتحط الوم علي
ناظرفيها وكان وده يذبحها وجا بيطلع
قالت:عامرالفطور لا تروح وانت مافطرت
عامربعصبيه:شايفه معي وقت اتفطروطلع بسرعه
اسيل :اف غثيث ماينعطى وجه

طيب حكملهآآ لآي آخآف آنشغل عنكم حبآيبي

في آلبآآرتي








تفطرت بروحها وخلصت شغل البيت طالعت في الساعه لقتها عشرقالت باقي وقت على رجعت عامر خل اكلم جمانه بالمسنجر
في الشرقيه
ام ياسر:ديمه حبيبتي جيبي التلفون خل ادق على اختج اطمن عليها
راحت ديمه وجابت لهاالتلفون قالت:يمه ترى بكلمها معاج
امها:ان شالله
كلمت جمانه وحست انها متضايقه بس ماتجرأت تسألها سكرت منها ولاتسمع تلفونها يدق راحت له ركض فرحت لما لقته امها اسيل بفرح:الوو هلا بهالصوت
امها:هلافيج حياتي اشلونج اشلون عامر
اسيل بفرحه:حمدالله كلنا بخير
اشلون اخواني اشلون ديمه حبيبتي متولهه عليها موت
امها:كلهم طيبين ويسلمون عليج
وكاهي ديمه اذتني بتكلمج
اسيل ياحياتي:عطينياها حتى انا مشتاقه لها
كلمت اختها وانهت المكالمه
اسيل اف ولله بطفش من الملل وهذاعقب الي سواه ماقام يطلعني حتى جمانه الي تونسني اليوم مويمي ماهي جمانه الي كل سوالفهاعن الرقص صج بدال ماقعد جذي طفشانه ليش مارقص وونس روحي راحت ركض لغرفتها
ألبست ثوب رقص مصري اهدته لهاجمانه بزواجها ضحكت لماتذكرت كلمتها تقول ابيج تهبلين عامروتكسرين غروره بالهز عشانه كل مارقصت هاوشني وقال مياعه
اسيل البست وراحت لتلفزيون حطت على محطة اغاني وقامت تهز
عامركان يحس بصداع شتت تركيزه اعتذر من اخرمحاظره وطلع رد البيت اول مادخل سمع صوت الاغاني تنرفزراح صوب المجلس انبهربالي يشوفه عامر اه ياقلبي ناويه تذبحني كافي ابتسامتها الي الصبح سببت لي صداع جلس على الكنبه منغيرماتحس يطالع فيهاضحك شكل جمانه مدرستها عدل بهالحركات
اسيل اثنارقصها لفت ولاتنصدم من الي جالس اصرخت
عامرمسرح في جسمها الي يتمايل وفزمن صراخها قال:اشفيج خرعتيني
اسيل ابيل فشله شبيقول قاضيه هالبنت:ممتى جيت ماحسيت فيك
عامرحب يقهرها:من وقت بس اشلون بتحسين وانتي عايشه جومع الهز
اسيل يافشلي بس هوليش جامبجر لايكون فيه شي شكل اعيونه تعبانه:عامر ليش جاي هالوقت فيك شي
عامرلازين تحس:ايه تعبان معاي صداع بيفجرراسي
اسيل ارحمة شكله صج تعبان:روح ارتاح على فراشك دقايق وجيب لك ادول عشان الصداع
سمع كلامهالانه فعلاتعبان
جابت الدوا بسرعه من خوفها عليه ومافكرت تبدل جت اجلست جنبه وعطته الدوا
اخذمنها الحبوب وهو يتامل جسمها بالثوب المصري العاري اسيل استحت من نظراته قالت:تبي شي معين على الغدا
عامرحس برفضهالنظراته عمض اعيونه:كل شي من ايدج حلو مادري اشلون اتصرف اذا رحتي
اسيل ان شالله ماروح بس القأ جواب لسوالي عندك :عامر لحين تحس بالعور
عامربتنهد:ايه احسه يزيدبعد قال بنفسه يزيد من صدج وبعدج عني
اسيل نطت على السرير وجلست جنبه قالت:عامر بسوي لك طريقة امي لمايجيني صداع
عامرفاتح اعيونه من حركتها :شنو هالطريقه اذا تنفع لاتقصرين
اسيل باهتمام:ألاتنفع ان شالله لان الي فيك ارهاق من الامتحانات وتحتاج مساج لراسك
عامر:مساج انتي بتسوينه
اسيل تربعت وحطت المخده بحضنها قالت:ايه واشرت له ينسدح عليها
عامرياقلبي انتي بس المسيه بيدج يروح:وريني شطارتج وجا بينسدح رفع المخده وفضل ينسدح على فخوذها خصوصا ان الثوب فيه فتحات وباينه افخوذها
اسيل لاجذي برتبك وماعرف اسوي شي:عامرخل راسك على المخده افضل
عامرالي نايم عليه افضل من الف مخده:من قال افضل انا جذي مرتاح اكثروحس العوار خف
اسيل اعرفت شيقصد:مابعد سويت شي عشان يخف
عامرغمض اعيونه حس براحه من نومه على فخوذها:خلاص سوي
في الكويت
ابوخالد:متاكده موغاصبتها
ام خالد:لاوافقت على اني اقولهم يأجلون العرس سنتين
ابوخالد:على بركة الله ألاقول مرت عامرماحملت
ام خالد:لاولله
ابوخالد لايكون فيه شي لازم اكلمه عشان عالاقل لطلع فيه شي الحق على بنت اخوي اكيد بيكون فيه شي من انواع الدخان الي طاح فيه من عمره 13سنه لين 22 ثمان اسنين مو هينه
*اسيل تخدرت ارجولها وهاذا موراضي يقوم بالاول كسر خاطرهاوخلته لاكن الحين صارلها ساعه وقف دم رجولها
قالت:عامرقوم ارجولي تعورني
عامرغاط ولاسمع لها قالت وهي ترفع راسه:قوم ماتفهم
عامرناظرفيها :اشفيج
اسيل اتحاول تمدرجولها صرخت :اي رجولي
عامرمد لهارجولها وسوا لها تدليك خفيف وضحك:هههههه
اسيل مفتشله من تدليكه لها قالت بنفسها اشفيه انهبل:ليش تضحك في شي يضحك
عامربضحكه ذوبت اسيل بجمالها:مسرع مارديت لج الجميل
اسيل بضحكه:اي والله صح بس عواررجولي بسبت راسك شثقله
عامروانتي عوارراسي بسبة صدج:شسوي ماصدقت يخف العوار غطيت وماحسيت فيج
اسيل بحزن:سامحني والله لو اقدراتحمل جان تحملت بس ماقدرت
عامرمعقوله تصرف معاي هالتصرف وهي مفكره تخليني ليش ماتفهمني سبب صدها:مشكوره ياقلبي ماقصرتي نمت لي ساعه عمري ماذقت احلى منها
اسيل ياعمري انت ماقدرت اترد عليه وسكت
عامرناظرفيها بتمعن واسيل خافت من نظراته قالت:ابيل نسيت اطبخ الغدا حبيبي دقايق ويكون كل شي جاهز قامت مسرعه ونست عوارارجولها
عامرانقهرواخذ المخده وحذفها من الحره ليش وافقت دامها عايفتني ليش
بعداسبوع
دش البيت وهومعصب خلاص معاد اتحمل ابوي وكره لي وظلمه من جهه وهاذي من جهه والي زادعصبيته ابوه دق عليه يبشره بنجاحه وفتح معاه موضوع حمال اسيل انقهر حتى بالامورالخاصه تدخل عمره ماتدخل بخالدوزوجته هم خذو سنه على ماحملت ساره وماتكلم ليش انا ليش شافها قاعده بالصاله
اسيل تخرعت من شكله هذا شكل واحد ناجح:عامر اشفيك لا يكون صارشي
عامروالشراريتطايرمن اعيونه:اشفيك اشفيك مالج خص فيني فاهمه وسمعي يااسيل ابي اعرف قرارج بالموضوع الحين عشان ارتب اموري قال بصراخ قولي بسرعه ترى مليت لاعت جبدي منج ومن ابوي قهرتوني كرهتوني بحياتي
اسيل قامت تصيح عامر عصب: هاذا الي فالحه فيه الصياح بس انا عرفت جوابج قبل لاتقولين وياليت تضفين كل قشج ولا تخلين لج شي عندي وراح لغرفته دق عليه خالد بيبارك له بالنجاح حصله معصب
اسيل ليش موراضي يفهم خل يقولي عن هالماضي وانا مستعده اسامحه راحت صوب حجرته سمعته يقول
عامربحزن:خالد مليت لمتى ابوي بعاملني جذي تدخل بدراستي وقال بتدرس تزوج
وافقت قلت ابوي ولازم اطيعه لاكن توصل فيه انه يتهمني بشي موفيني كون زوجتي ماحملت لالاياخالدمااسمح له واسيل راح اطلقها لان حتى البنت شكلهامغصوبه وماتبيني خل اتشوف رزقها
خالدحاول يهدي عامروقاله لا يتسرع ويصبر سكرمن اخوه وحس بصداع بيفجرراسه مسك راسه
اسيل اول ماسكرفتحت الباب
عامرشافها انسدح على السرير ويده على راسه:شتبين جايه
اسيل بين شهقاتها:عامر اسمعني لومره وبعدين تكلم وسوالي تبيه
عامرشسمع:قولي شعندج لاني تعبان وابي ارتاح
اسيل بخوف:عامرانا مانغصبت عليك مثل ماتصور اناوافقت فيك عن طيب خاطروكنت فرحانه كوني باخذولدعمي ماجد الي حسبة ابوي لاكن فرحتي ماكملت لان جاها من خربها في يوم العرس
عامرمتفاجأ:خربهايوم العرس
اسيل بحزن:ايه يوم العرس نسيت اصياحي واستغراب امي من تصرفاتي ذاك اليوم اطلعت مني المصوره وخلت الباب مفتوح وكان فيه حرمتين يسولفن عنك واشلون رضيت فيك وانت لك ماضي انا غشيمه عنه خفت صرخت ماكنت اقدر اسوي شي لاني خلاص تزوجت لمت عمي معقوله يكون غشني جيت معاك اهنيه بالبدايه كنت اخاف حتى اتكلم معاك بس بعدين شفتك مسالم قدرت اتكلم من غير لا افتح معاك الموضوع كنت خايفه لاانصدم بشي ماودي اعرفه لاني ارتحت لك وحبيتك لاكنك انت شفت المسأله طالت وانابعدي مالقيت حل ضنيت فيني ضن السوء بس لماتاكدت بنفسك سكت واعتذرت قبلت اعتذارك لاني مالومك مالقيت مني سبب مقنع بالي اسويه
قلت لازم افاتحه جيت لك وصديتني وقلت لاتسرعين في وقت فكري عدل عامرريحني وقل لي شنوهالماضي
عامرالي انصدم بكل كلمه قالتها جلس وقال:اخاف تعرفين يااسيل وتصيرين اقسى من ابوي علي
اسيل لهدرجه السالفه جايده ياربي:عامراوعدك اني بسامحك اذاقدرت ومراح اقسى عليك
عامرمديده لهاعشان تجلس جنبه وقال لها كل السالفه من اولها
في الكويت
خالدبعصبيه:يبه ليش تعامل عامرجذي حرام عليك ارحم حاله شكله بيهاجروالسبه تصرفاتك معاه
ابوه:ليش شكالك انا ماقلت شي سوا اني سألت عن سبب تاخرحمال زوجته قام عصب
خالد:يبه انت سالتني هالسوال اول ماتزوجت معن ساره خذت سنه ماحملت شمعنى عامر تدخل بخصوصياته
ابوه سكت ماعرف شيقول هو فعلاتمادى مع عامر
خالدبحزن:يبه تدري ان عامر كلمني وهويصيح لشنك اتهمته برجولة وهزيت كيانه تدري بكلامك هذا هدمت حياته وحياة اسيل لانه قالي بيطلقها ويجي يردها الاسبوع الجاي ويودعكم الوداع الاخيرويرد يستقرهناك
ابوه:يستقرعلى كيفه
خالد:ايه يستقرليش موعلى كيفه هوقال عمري ماعصيت ابوي وكل طلباته اوامر لكن خلاص مليت وجاالوقت الي بقول فيه لا
طلع خالدوخلاابوه منصدم من كلامه
*اسيل وعيونهامانزلت من عامر:معقوله عمي قاسي لهدرجه كل الشباب بوقت المراهقه يغازلون ويسوون هالحركات بس يكبرون يعقلون
عامرحط يدينه على وجهها وقرب منهاقال:ابوي ثارت جنونه لانه هو مدين والكل يشهد له ويجي واحديفشله قدام الرجال ويقوله بدال ماتنصح اقضب ولدك عامر الهايت بين المجمعات يلحق بنات خلق الله عصب ذاك اليوم وطقني طق نفعني صح عمره مامديده علينا بس انااشكره على ضربه لاني دريت بخطاي يااسيل وصحيت
اسيل اشوي وتصيح احضنة وقالت:عامرسامحني تكفى
عامرالي الدنيامو سايعته من حضنها له لف ايدينه عليها وحضنهازياده وقال:ماسويتي شي يااسيل عشان ازعل منج
اسيل بجت وقالت:الا اكنت غبيه من كلام الحرمتين تخيلتك مجرم قاتل وزاداصياحها
عامرضحك على تخيلاتها وبعدهاعنه ومسك اكتوفها وقال:اخ لواعرف هالحرمتين الي خربوا علي اسعدلحظات حياتي جان ذبحتهم وصرت قاتل صج
اسيل وهي تمسح ادموعها:حتى انا لوشايفتهم جان قطعتهم بسنوني حسبي الله عليهم
عامرضحك بخبث:ليش حتى انتي خربوا عليج مثلي
اسيل حمروجههاوعضت على شفايفهامن الفشله
عامرضحك وقام اسيل اوقفت
شافته راح صوب اليت وطفاه قالت:عامرليش
عامررد لهاو شالهاوقطها على السرير وقال:اش ولا كلمه
*ياصاحبي ماشفت مثلك بهالناس
فيك الوفاوالوقت شح الوفافيه
انت الذي لأظلم الليل نبراس
ولاجارت كروب الدهرصحت اناديه
وانت الذي بين الذهب خاتم الماس
غالي ثمن عندي ولاحديوازيك*
صحت ولقته جنبها نايم حمر وجههاحيا من شكله كان محوط خصرها بيده وخرت يده وقامت
عامرحس فيهابتقوم سحبها وقال:وين وين رايحه
اسيل الي نصدمت قالت بحيا:عامربسوي لنا شي ناكله حنا حتى العشاماتعشينا
عامرجلس وقال:معني ميت جوع بس احس شبعان بشوفتج ياحبي وقرب لهاوباسها
اسيل بخجل:عامر قوم خل نفطر ونشوف شروق الشمس مع بعض
عامر :باقي وقت على الشروق خلاص روحي جهزي الفطور على مااخذشاورواجي لج
اسيل بفرحه:من عيوني وقامت وطلعت
عامرالدنياموسايعته اخير قدر يفهم اسيل ويعرف سبب نفورها منه
خذله شاوروطلع لبس بجامته راح لها لقاها مجهزه الفطوره جامن وراها وحضنها بقوه وباس اخدها:احبج ياقلبي
اسيل نصبغت من الخجل قال لها:شمسويه فطورترى اذا ماشبعت باكلج ولاتلوميني ساعتها
اسيل وخرت عنه وقالت: لا تكفى كاالاكل كل وخلني
عامرجلس وقال:باكل مع ان طعمج احلى وفتح لها كرسي قال :تفضلي ياحياتي خل نفطر
اجلسوا وافطرو مع بعض
بعداسبوع
في الكويت
ابوخالد:ولدج ماكلمج تو موهو قايل بيجي هالاسبوع ليش ماجا
ام خالدالله يكون بعون عامر مالومه لوماجا:يقول بيجون الاسبوع الجاي ان شالله
ابوخالدلايكون يجذب وصج قرر يستقرهناك قام وراح عنها
عندعامرواسيل
اسيل عاشت اجمل لحظات حياتها بهالاسبوع خصوصا ان عامراجل زيارتهم لاهلهم اسبوع يقول لها خل اختلي فيج لواسبوع زياده ولاحقين على السفر
جامن مكتب الحجوزات واكد حجزه بعد يومين يسافرون دخل شافها تكلم امها ابتسم لها وردت له الابتسامه جلس على التلفزيون وكان يسمع مكالمة اسيل شاف وجههاحمر وعيونها تبققت ضحك اكيدامها تسالها عن شي محرج سكرت من امها وجت صوبه وقفت قدامه قالت:شصار على الحجز
عامر مسك يدهاوقعدها جنبه قال:مستعجله تبين الفكه مني
اسيل بخوف:ماقلت جذي لاتألف بس مشتاقه لأهلي موت
عامر حط راسه على كتفها:افا وانا ماشتقتي لي
اسيل حمدالله وشكراشفيه استخف:عامر كلمني عدل شصاربالحجز
عامربضحكه:بقول بس بشرط
اسيل ياهي الشروط الي ماتخلص ماقوله شي الا حط له شرط ماصخ يابوسه يامدري وش:اخلص موافقه يابوشروط
عامرضحك:تقولين لي شقالت لج امج وخلت وجهج ينقلب
اسيل ابيل كشفني الله يهداها الوالده كل ماكلمهاتفتح موضوع الحمال تقول صارلج سبع اشهور ماتدري اني مااعرست الامن اسبوع بس قلت:شي خاص
عامرضحك:كاشفج عن الحمال صح
اسيل بخجل:شدراك
عامر:طريقه ارتباكج يدل ابفهم اهلنا ليش فيهم اعجله وبعدين تونا خل نستانس اشوي والله كريم بعدين
اسيل:مادري عنهم بس يالله قول شصاربالحجز
عامرحب يجننها:شرط ثاني
اسيل شالت المخده الي على الكنبه وهفته فيهاونحاشت عامر ضحك عليها وقال:شرطي الاحمر ابيه الليله عشان اقولج
اسيل وقفت عندباب الغرفه قالت بعصبيه:سخيف مولازم تقول انابجهز اغراضي ومتى ماحبيت نسافر بكون جاهزه ومدت السانها له وراحت
عامرلحقها ودخل الغرفه طالع فيها لقاها تجهزلها شنطه قال بيقهرها:لاتحطين الاحمر ابيه الليله والسكري باجر جاوحضنها من ورى
اسيل حاولت وتخره قالت:عامر خلني اجهزاغراضي
عامرباس خدها وخر عنهاو
انسدح على السرير وقال:حبي رحلتنا بعد يومين
اسيل انقزت من الفرحه:صج حبيبي بعديومين ياي يافرحي
عامرفرح لشكلها اشلون تنقز:علأقل كافيني بوسه على هالخبرالحلو
اسيل اطلعت اعيونها:عامروالله استحي
عامر:متى بتفكيني من هالحيا الي ذابحج ترا انا زوجج تجرئ شوي عشاني
اسيل تخصرت وقالت:حلات البنت بحياها ياقلبي
عامرقام من السريروراح صوبها وشالها اسيل بصياح:عامر نزلني تكفى
عامر:موقبل ماتخلين هالحيا وتبوسيني
اسيل بستسلام :زين بس نزلني ضحك عامر ونزلهاعقب اخذ الي يبيه
اليوم رحلتهم
في المطار
خالد استقبلهم بالمطار مع امه
عامركان ماسك ايداسيل ويمشي اول ماشاف امه راح لها ركض وحضنها اشتاق لهاحيل غاب عنها سبع اشهور حب راسها ولف على خالدوحضنه
اسيل اثرفيها عامراشلون يحضن امه تمنت وجود امها في هالوقت
اثناء سرحانهاماحست ألا والايدين تحضنها طالعت لقته ام خالد سلمت عليها وشوي وتبجي وخرت عنها
طالع فيهاعامر ومسك يدها وقال:مشتاقه لامج بعدباجر بروح لهم
اسيل امسحت ادموعها:صج
عامربحنان:صج ياحبي
اوصلوالبيت
سلم عامرعلى ابوه برود كان وده انه يحضنه لاكن خاف
ابوخالدفرح من داخله بشوفة عامرومرته سلم على عامر وشاف سلامه الجاف له حس بحزن شاف اسيل وقال بحنان:منتي مسلمه على عمج اسيل
اسيل شافت سلامه الجاف لعامرازعلت وجت بتسلم تفأجأت فيه يوم ضمها عمها صج يحبها ويغليهاحتى هي تحبه بس من درت بمعاملته لعامر تضايقت منه
بعدالعشا
جلس بوخالدمع اعياله يسولفون كان يسولف بالشغل وحوسته ولاعبرالي توه جاي من سفر
خالدبضحكه:اقول عامرشرايك تكنسل روحة الشرقيه الي عقب باجروتروح معي لشاليه عامربضحكه:تبي اسيل تذبحني
عادانا واعدها
ابوخالدبجديه:زين الي حطيت لهااعتبار وصرت تخاف منها
خالدبعصبيه:يبه شقاعدتقول
عامر:خله ياخالدهو من جيت ايدورالزله علي عشان يهاوش قام وطلع
خالدبحزن:ارتحت الحين يبه ماقول ألا الله يهديك بس وراح وخلاه
ابوخالد حزبخاطره من تصرفه البايخ مع عامر
في غرفة عامر دخل غرفته مالقا اسيل تذكر انها عند جمانه قال خل اطب عليهم
عندجمانه
كانت طاقتها سوالف مع اسيل
دخل عليهم عامرفجائه قال وهويسوي نفسه معصب:الظاهر انج نسيتي انج زوجتي والمفروض تنامين بغرفتي مو عندجمانه
اسيل انصبغ وجهها من الفشله وبقت اعيونها وماقدرت ترد
جمانه حبت تقهرعامرمثل مافشل اسيل قالت بعصبيه:لا عيوني اسيل بتنام عندي لان ورانا سهره رقص بعدمابدأت
عامرراح عنداسيل ومسك يدها وقال:اعتقدانها متزوجه واحد الي هوانا واذا عندج رقص رقصي بروحج لان اسوله ابيها ترقصلي سحبها ومشى
اسيل لازودها فكت يده و قالت بعصبيه:لاولله لعبه انا عندك انت واختك تهاوشون علي
عامربضحكه:ايه لعبتي انا
جمانه:اسيل ماعليج منه هالغثيث جلسي معاي
عامر:لاولله ماغثيث غيرج صج ماتستحين
جمانه :مادري منوالي مايستحي اناولا انت يا
اسيل قاطعتها:انتي ماتستحين اتسبين زوجي وقدامي بعد
عامربعدي والله:حياتي خل تولي وتعالي نروح لغرفتنا
اسيل بتنهد:زين
جمانه:مسرع ماسحرج اسول اناجمانه رفيقتج وبنت عمج
عامريحرها:حبيبتي انتي غير وانا غير صح اسول
اسيل ابيل اشلون اراضي الاثنين قالت:ترى غثيتوني اثنينكم شكلي بقول لعمي يحط لي غرفه بروحي وراحت وخلتهم
عامر بأسى:افا اهون عليج اسول ولحقها
اسيل بعدماطلعت مشت وماحست ألاوعامر محوطها بيده اسيل بضيق:شتبي رح كمل هواشك مع اختك وفشلني قدامها
عامر فتح لها باب الغرفه ودخلها وسكره قال:فشلتج انا متى
اسيل بعصبيه:لاولله ناسي كلامك عنداختك وتقلد صوته
انج زوجتي وتنامين بغرفتي شهالكلام جد استحيت
عامر مات من الضحك وجلس على السرير:ههههههه
اسيل جت عنده وقامت اطقه بيدها بخفيف قالت:وتضحك بعد
عامرسحبها من يدها وجلسها بحضنه قال:الحين هاذا فشلج لوقايل شي ثاني شبتسوين
اسيل بقت اعيونها:ليش شكنت بتقول
عامربضحكه:مثلا يالله حبيبتي مشتاق لج
اسيل جت بتقوم قالت:عشان اذبحك زين تعودتقول مثل هالكلام مره ثانيه
عامرمسكها قال:زين بس وين بتروحين
اسيل بغزل:بروح ارقص مع جمون
عامروقف وراح للباب قفله وقال :احلمي يااسيل تطلعين
بعد يومين
اسيل الدنياموسايعتها بتروح لامهااوقفت على راس عامر لين صحته الصبح و انزلت هي وعامر مرو على عمهاوامرته سلموا عليهم
ابوخالدوام خالد:وعليكم السلام وقالت ام خالد:وين بتروحون من صباح الله خير
عامربأبتسامه:الشرقيه
ام خالدبتعجب:الشرقيه ليش
عامربضحكه:اسيل تبي ماما
ماحس ألاواسيل رافسته بظهره
قال:اي
ابوخالد معقوله منسجم معها كل هالانسجام بيطلقها ليش:متى بترد
عامرغريبه معقوله بيشتاق: متى مابغت اسيل وناظر فيها وابتسموا لبعض
ابوخالد:ليش اسيل بتردمعاك
عامربتعجب :اكيد بتردمعاي
ابوخالدوقف وقال:دامك تبيها ليش تقول لخالدانك بطلقها
عامر بعصبيه:ومن قال بطلقها الموضوع ان صاربينا سوتفاهم وتصالحنا وبعدين ترا مليت من جفاك وقسوتك و صرخ لمتى ارحمني تكفى
اسيل غارت عيونها بدموع
ابوخالد:ترفع صوتك علي ياصايع تبيني افضحك عندمرتك وعلمها بسوادوجهك يا
اسيل بصراخ:بــــس ماسمح لك تكلم عنه جذي فاهم واذا عن ماضيه اناعارفته ومسامحته بعد مومثلك ماتعرف تسامح
اجلست على الارض تصيح
عامر رفع اسيل وقال:قومي اسيل مالاداعي تطلبين من ابوي يسامح لان خلاص معاد ابي هالمسامحه لف عليهم وقال:يمه سلمي على اخواني لاني من الشرقيه بسافر
امه بخوف :ليش يمه ماصار لك يومين من جيت ماشبعت منك يمه
عامرباسى:معليه يمه سامحيني واذا انتي ماشبعتي مني في غيرج ملوا ويتمنون فرقاي
مسك يداسيل وطلع معاها
في الطريق
كان ساكت ومايسمع آلاشهقات اسيل
عامرباسى:اسيل ليش تبجين ماتحمل اشوف ادموعج
اسيل بين شهاقها:ليش عمي يسوي جذي فيك
عامر:مادري يااسيل حتى انا تعبت وانا اسئل نفسي هالسوال ومسك يدها وقربها من فمه وباسها
قال:بس خلاص معاد يهمني اهم شي ان اسوله حبيبتي راضيه علي
اسيل امسحت ادموعها وقالت:راضيه ياقلبي والله راضيه
عامربضحكه:اقول اسيل ماعندكم في الشرقيه فنادق فخمه
اسيل:ليش
عامر:بنرتاح فيها لي وقت العصرانروح لأهلج
اسيل:لاتكفى ماقدراصبر للعصر
سالم :وانا بتقدرين تصبرين عني
اسيل طالعت فيه وابتسمت قالت:لا ماقدر طبعا بس خلني اشوف اهلي اولا
عامر:تامرين امر
في بيت بوخالد
ام خالدبصراخ:ارتحت اللحين هاذا هوسافر ومعاد هو راد
ليش قلبك اسود ليمتى بتم ذاله حتى قدام مرته ماحترمته
ابوخالد :انا ماقلت شي انا سمعت من خالد انه مومرتاح بزواجه وبيطلق وحبيت اتاكد
ام خالد:وعسى تاكدت ان شالله تطمنت ان حياة بنت اخوك مراح تدمر وولدي بالطقاق
ابوخالد:احترمي نفسج يامره ولاترفعين صوتج علي
ام خالد:احترمتك طول عمري وانت ماحترمت مشاعري كام خلاص مليت ويكون بعلمك اذا سافرعامر بلحقه فاهم
ابوخالدعصب من كلامها وتضايق من تصرفها وتهديدها
في الشرقيه
ام اسيل:حبيبتي مافيها شي انتي بس روحي لطبيب واسألي عن سبب تاخرالحمل
اسيل مفتشله ياربي شقول لها:يمه حبيبتي عامرقايل لي لا تفكرين بسالفة الحمال ألا بعد سنه ونص
امها:كيفج دامج انتي وزوجج متفقين
اسيل:ايه يمه متفقين
بعد اسبوعين
عامرباسى:اسمح لي ياخالد ماقدر وحنا مسافرين اليوم
خالد:عامرعشان امي حالفه انها لتلحقك والوالدمعصب من رايها
عامر:خالد سلم على اهلي وقول لأمي تعوذمن الشيطان وتهون ولا اقول خلها تجي تونسنا اسبوع
خالد:هذا اخر كلامك
عامر:ماعندي غيره يلا لاتنسى سلم على الاهل
بعد شهر
ام خالدمازالت مصره انها تروح لولدها وابوخالدرافض هالشي
عندعامرواسيل
اسيل خلصت شغلها وراحت ترتاح شوي لانها تحس بتعب ادخلت بفراشها ونامت ونست توقت تلفونها عشان تسوي الغدا
عامرجا من الجامعه تعبان وجوعان بس يبي شي ياكله وينام دخل ومالقى اسيل بالصاله مثل العاده ناداها بس ماردت راح لغرفة النوم دخل واستغرب نومتها بهالوقت قال: اسيل اسيل
اسيل قامت وقالت:جم الساعه وليش طالع مبجر
عامر^.^:اي مبجرقلبي الساعه وحده
اسيل اشهقت:ابيل ماطبخت
عامر:ليش
اسيل:اسفه حبي حسيت بتعب وقلت بنام شوي وشكلي نسيت احط المنبه وراحت علي نومه
عامرقام يبدل ويوم خلص انسدح علي السريرقال:خلاص مومشكله بنام
اسيل بحزن:لاعامر لاتنام على لحم بطنك بروح اسوي لك شي خفيف يسدجوعك وراحت ركض للمطبخ
في بيت بوخالد
ام خالد:تراني قلت لخالد يحجزلي وبروح لولدي
ابوخالد معقوله مصره على رايهاوتروح قلت بعصبيه:اعرفي انج لرحتي له مالج رجعه لهالبيت
ام خالدودموعهاتنزل بحرقه: انت طول عمرك قاسي ومافي قلبك رحمه بس خلاص نفذ صبري يابوخالد ومشكور على الثلاثين سنه الي عشتها معاك وراحت تصيح لدارها
في الليل
خالدبتوسل:يمه الله يرضالي عليج تعوذي من بليس وقصري الشر
امه بصياح:ليش دايم اناالي اسكت وكتم غيضي ليش دايم انا المقصره وهوماتطلع منه العيبه
خالد يقرب منهاويبوس راسها: حشى يابنت محمد مامنج اقصور بس انتي تعرفين طبع ابوي الله يهداه حار
امه وهي بين شهقاتها:وانا شقاهرني غير عصبيته وقلبه القاسي على اخوك وبجت وكملت:حتى بجيته لنا ماتهنى قام يسبه قدام زوجته ويقلل من قدره تلاقيه الحين منحرج منها هذا اذا تمت عنده بعد الكلام الي قاله ابوك قدامها
خالدبضيق:يمه اهدي وبعدين اسيل ماتخلت عن عامرولا راح تخلى عنه لانهم يحبون بعض وترا اسيل تدري بسالفة عامر مع ابوي وسبب جفا ابوي لعامر
امه:صج يمه يعني هومرتاح بزواجه
خالدببتسامه:اخر راحه يمه صح كان رافض هالزواج لان ابوي اجبره على هالشي بس لما تزوج اسيل وشاف طيبتها واخلاقها غيررايه وعرف ان ابوي معه حق لانها كانت له عون ونيس في الغربه
امه برتياح:الحمدالله والله يتم عليهم هالسعاده لان عامر حبيبي يستاهل كل خير بس
خالدبتوسل:يمه ردينا لطير يالي
امه بتوسل:خالد افهمني انا ماشبعت من شوفة ولدي وبروح له
خالد:بس انتي سمعتي ابوي شقال
امه:ماهمني كلامه ابوك اهاني بتالي عمري يخيرني فيه ولا في ضناي واناام وعمر الام ماتنازلت عن عيالها وبروح ويليت تخلص اموري وترا بيك تروح معي
خالدعرف ان مافيه فايده وان امه معاد تقدر تحمل قسوة ابوه مثل اول قال:الي تشوفينه بس بتمين عندعامر على طول
امه:لا بقعد عنده اسبوعين بالكثيروبعدين برجع وبيت اختي مفتوح لي
خالدبعصبيه: حشى والله ماتسكنين عند احدوراسي يشم الهوى انا من باجر بشوف لنا بيت نسكن معاج فيه
في اليوم الثاني
ابوخالد تضايق من اصرار مرته على قرارها وحزبخاطره انها تتركه بعدهالعمر
ابوخالدبتنهد:سمعت ان رحلة امك بعديومين
خالدبضيق:ايه يبه
ابوخالد:من بروح معها
خالد:انا بوديها سكت اشوي وكمل:يبه انا قررت ادور لي بيت عشان بس تردالوالده تسكن معاي فيه
ابوه سويتيها ياحصه وعصيتيني في تالي عمري قام وطلع وهو معصب
خالد:الله يستر

شوشو

يعطيك العافية ويجزاك الخير

مع احترامي لك

كلي حلى

ربي يعآفييك

شوشو يعطيك العافية علىى الرواية ,
يتم النقل للمكان المناسب

تسسسلم يمينك ع تسذآ نقلات رووعه ياقمر

يعطيك العافية ياشوشو على الروايه

استمتعــــــت بالروايهـ انا وخواتي

تسلميــــــــن اختي شوشو