موسوعة شاعرنا المبدع][فهـد المساعد][..

مرّني طيفـك .. وطيفـك صاحبـي مـدري عـدوّي جايبٍ صوتك .. وصوتـك سكـة الذكـرى الحزينـة قال أنا جوّي تكـدّر .. قلـت : ماهـو كثـر جـوّي قال فرقانا غبينـة .. قلـت : وأكثـر مـن غبينـة قال : أنا بأموت من غيبتك قل لـي ويـش أسـوّي؟ قلت : أنا أبغى الموت في غيبتك .. قل لي بس وينه؟! قبل ترحل .. كنـت أقـول بيسـرح أيـام ويضـوّي مثـل ماعودنـي اليـا اشتقـت لـه جابـه حنينـه بـس هالمـرة ثمـان شهـور وضلوعـي تــدوّي كل يوم أشتاق لك .. يلعـن أبـو الشـوق وسنينـه كـل ماعشمـت قلبـي .. قـال ياضلوعـي تقـوّي ورحـت أنـا ويـاه نرقـب رجعـة اللـي فاقدينـه نوب أقـول اليـا رجـع بكـون فـي قمـة هـدوّي ونـوب أقـول الا أبزعـل وأتلـى مابينـي وبينـه كل يوم أجلس علـى جـال البحـر وأقـول تـوّي .. .. لاسألني : مافقـدت الحلـم فـي لمسـة يدينـه ؟! مادريـت أن البحـر ماقـال لأمـواجـه تــروّي ! و مادريت أن الغـرق هـو حجّـة غيـاب السفينـة مادريت .. أو مابغيت أدري .. ولاأدري وش بسوّي لو رجعت .. وشفت طيفك فـي الممـرات الحزينـة وين ابنسى وانت طيفـك صاحبـي مـدري عـدوي مارضى يتـرك لغيـره شبـر واحـد فـي المدينـة!

أيـ والله أن شوفتـه تستاهـل عنـادي اللـي عشانـه تركـت الـدار والتربـه مااقـول لـك شوفتـه نستّنـي بـلادي لكنّـهـا يافـهـد نستّـنـي الغـربـه وش عاد لو قلت عني ضايع وغـادي ؟ وش أبركه مـن ضيـاعٍ دلّنـي دربـه تبغاني ارجع ! وأنا ياصعـب معـوادي مـادام همّـي نسانـي وأنقلـع سربـه الهم هــ اللي تشـوف انـه علـيّ بـادي ياليتك تشوف كيف يصيـر فـي قربـه الله يحـرم ... عيونـي لّـذة رقـادي أنّي معه .. مااعرف حزني ولااشعر بـه هرجك فوادي وأنـا ياخـوك فـي وادي الله يخلّـيـك ... حـالـي لاتعّـذربـه راضي بحالي كذا ... واللي يجي عـادي لعيون منهو ركـز فـي قلبـي الحربـه بصوته , شقاوته , مزحه , طبعه الهادي يملا عليّ الفضا .. من شرقـه لغربـه يكفيني أنـه غـدا هـو شربـي وزادي أو تقدر تقول أنـا اللـي زاده وشربـه ياخي أذا الحب عيب ! فــ شفني آنـادي : سجل ..... أنا من عرف عيبه وجاهر به وسجّـل هنـا كلمـةٍ تستاهـل عنـادي بقولها قبـل أسافـر وأتـرك التربـه : والله ماأقسى من الغربـه عـن بـلادي الا .. شعوري وانا في بـلادي بالغربـه

يا رفيف الماء .. وفجر العيـد .. وأحـزان الموانـي يا أكثر أهل الأرض طيبـة قلـب .. وأسـرار دفينـه المكـان اللـي هنـا .. مليـان ضحكـات ، وأغانـي والكـلام اللـي بغيـت أقـول .. يحتـاج ل سكينـه ! شوفي الركـن البعيـد هنـاك .. كنـه صـدر حانـي هـذا هـو اللـي يليـق ب شاعـر وبنـت حزينـه! أنسـي الشـارع ، وعتمـات الزوايـا، والمبـانـي هاتـي يدينـك نلـف الغـيـم ونشـكـل مديـنـه !! عنـدي الليلـة كـلام وصمـت .. وأخـاف الثوانـي تظلمه .. أو تظلـم اللـي فيـه كـم ضاعـت سنينـه بـس لازم تسمعـيـن الـلـي أبــي ولا تـرانـي لو ب أعيده لك .. نسيت .. ورحت أقول اللي تبينـه شي واحد قبل ما أبـدأ .. مـا أبـي أي شـي ثانـي يخطر ف بالك .. وأنا أكشف لـك شعـور تجهلينـه ! إن أنا .. وبكـل مـا تحملـه "أحبـك" مـن معانـي كنت،وراح أبقى أحبك .. لين .. مدري وش هو لينه !! بـس والله ماقـدرت أنسـى .. ولا همـي نسـانـي لا ذكـرت إنسـان .. فيـه أسـرار مابينـك وبينـه كـل مـا تطـري علـي فكـرة هــواك الأولانــي أشعـر إنـي أنطعـن مليـون مـره مـن يديـنـه! أشعـر إن عيونـك.. الله مـا خلقهـا إلا عشـانـي كيف كانت تبتسـم لـه؟!.. قولـي إنـك تخدعينـه !! صورة إنـه كـان يمسـح دمعـك .. تزلـزل كيانـي وكيف كـان يلـم شعـرك .. ويتبعثـر فـي يمينـه حتى اسمـك يـوم رحـت أدلـــله .. حظـي رمانـي.. بنفس الاسم اللي يقول .. بذمتـك ماهـي غبينـه !؟ وكنـي اللـي .. كـل مـا أناديـك بالاسـم الفلانـي أطلـب النسيـان .. يتـرك منـه شـي تذكرينـه !! لا تظنينـي أنانـي .. لا .. أنـا مانـي بــ أنـانـي لو سلمت من الغرق . بأمـوت فـي ظهـر السفينـه! يا إني ما أكمـل وأعانـي .. أو أكمـل ثـم أعانـي.. كل ما اسمع طاري اسمه .. أو تجي عيني في عينـه! أينا كـان الضحيـه ؟.. وأينـا اللـي كـان جانـي ؟ مـدري !.. ولكـن قـراري لازم إنــك تقبليـنـه: مثـل مـا أكـره فكـرة إنـه واحـدٍ ياخـذ مكانـي ما أقدر أجلس في مكـان إنسـان.. كنتـي تعشقينـه! ....................كنتـي تعشقينـه!

[

[

[

بطآقآت شعريه لفهد المساعد

فـقــدت فـــي الـشــدّه حـبـايـب وخـــلاّن

هانـت عليهـم عشـرتـي بــس ماهـنـت

خانوا .. وقلت أن الزمن مثلهم خان

لـكــن بـعــد مـاشـفـت زولــــك تـطـمّـنـت

وعرفـت مـن فقـدي لهـم أنــي إنـسـان

ماعـاد باقـي لــه مــن العـالـم الا أنــت

أنــت السـبـب ياقـلـب فــي كــل مـاكـان

مشكور ياقلبي على الطيب وأحسنت

فـي خاطـري كلـمـه عـلـى حــد طـوفـان

بقـولـهـا .. والــيــوم شـفـتــك وهــوّنــت

لـكـن تـذّكـر لـلأسـف قــدر الإمـكــان :

أن الـجـفـا رجّـــال وأن الـوفــا بــنــت !