رجع يسأل عن أخباري بعد غيبة سنه وشهرين رجع شايل وجع صدره وقال أرجوك واسيني رجع كنه يحسبني سعيد بدنيتي أو زين وهو ما يدري الدمعة تسيل ولاتسليني دمع هالوجه
حبيبي لو تبي القمره عطيتك فوقها ثنتين بعد لو تطلب النجمة أبنطق جيتك اضويني
بعد هذا ضحك بعثر همومه سلهم الرمشين وقال الله يا الطيب وأنا ظنيت ناسيني
صراحة حيل تحرجني يا طيب يا أطيب الغاليين ولا ادري كيف بوفيلك حبيبي وأنت تعطيني
بعد هذا تسامرنا وتواعدنا بعد يومين ووصيته على قلبي وهو مثلي يوصيني
تواعدنا على الجمعة ((ولا جاني )) إلى الاثنين ومر أسبوع والثاني وشوقي يشتعل فيني
تصدق عاد يا السامع !! ولا جاني الين الحين وقبل تسأل عن أسبابه بجاوب ((وأنت واسيني))
لأنه مات في حادث وأنا مت بغيابه لين [[عرفت إني كذا ببقى ولا أحد يقوى يحييني]]
الواحد بهالدنيا مايدري متى يومه و راح يتواجه مع أحبابه ؟ وإذا فارق الدنيا بيكون زعلان منهم ولا مشتاق لشوفتهم !! منــقولـ الله يرحمك يـالغالي ويســـكنك فسييـح جــناته مآره وحشـتني