العلم واضح من عنوانه ، طبعاً إما إن الواحد يبقى ويتحمّل ويصبر عشان علاقة تدوم ؟ أو إنه يروح بكرامته ويريّح راسه ..
يعني يمكن انها تسوى ويمكن انها ماتسوى ..
//
لكن ركزوا في نقطة :
مو كل شخص بيروح بكرامته بيكون بخير ، ممكن إنه يتأثّر كثير ويتعب أكثر ..
خصوصاً اذا كان من النوع اللي يتعلق مرره ، نناقش هذي الفقره بعد ..
//
الكرامة شيء مهم واساسي وهي فوق كل شيء
ولكن لازم ان الواحد يستعملها بالطريقة الصح وبالوقت المناسب ..
يعني مثلا احيانا العلاقات وما اخص فقط علاقات الجانب العاطفي ؟
لا لا جميع العلاقات العامه من زماله الى صداقه ومصلحه وكل شيء ..
احيانا الطرف الآخر يمر بظروف قاسيه ، وبتتغير طريقة تعامله مع الكل
سواءً كان الشخص مهم له او لا
هنا ممكن ان الواحد يتسرع بحجه الكرامه ويتهور في حين كان الطرف الآخر بحاجه له
وبحاجه انه يراعيه ويبقى جنبه ويتحمل ..
يعني الكرامه مو حل في بعض المواقف لا ابد احيانا تكون ضرر
فهمتوا علي وايش اقصد ؟
//
نقطه أخرى حلو لما تجي الكرامه بالنهايه ..
يعني انك تكون الطرف الجميل والمبادر بالتمسك والبقاء
بحيث انك اذا رحلت بعدين مايكون الحديث اللي بداخلك يأنبك
انو ليش ما حاولت رغم تعلقك ، ليش ما حاولت تفهم الاسباب
يصير عندك راحه ضمير انك سويت اللي عليك وزياده لكن ما فيه نتيجه واضحه !!
هنا تبدأ تبعد من مبدأ كرامتك ومن بدأ ان وجهك ابيض وسويت اللي عليك وزود بعد