12-09-11, 11:37 PM
|
|
ياصاحبي جيت اشتكيلك من احوالي ●● ●● ياصاحبي جيت اشتكيلك من احوالي
جيت ومدامك رفيقي ليه اطولها
العلم ومافيه يا اول واخر امالي
عندي رساله ولا ادري كيف اوصلها
للي خلتني وانا من قبلها سالي
ابيك توقف معي وتروح تسألها
وشفيها تفتح علي ابواب عذالي؟
وتحمل النفس حاجه ما تحملها
وشفيها رغم الوفا تتركني لحالي
وانا لجفاها تركت الدنيا باكملها
ان كان هذا زعل علمها يالغالي
ما كان قصدي ورب البيت ازعلها
علمها واللي يخلي قلبك الغالي
عن ضيقتي وين وصلت من تجاهلها
علمها كم لي وانا ماشلت جوالي
كله علشان ما اقلب رسايلها
علمها وشلون لامرت على بالي
اروح واضم صورتها واقبلها
علمها كيف انشغل عن كثره اشغالي
واسرح واغمض عيوني واتخيلها
علمها عني وعن همي وغربالي
علمها عن كل حاجه فيني تجهلها
وان شفتها دنقت تحزن على حالي
انسى الكلام وتذكر كلمه وقلها
قل شاعرك يعتذر ويعاهدك تالي
انه يرتب حساباته من اولها ويقول حتى القصيد اللي على بالي والله ماعاد اكتبه كان يزعلها للشــــــــاعـــــــــــــــــر : فهـــد المــساعـد ●●
dhwhpfd [dj haj;dg; lk hp,hgd |