’ آنتَ وضميركِ ’ ! - عبدالله البكرَ

#1 09-17-11, 12:17 AM

تخطي وأقول .. إن أنا المخطي ولا أتشرّه !
وتخطي بعد .. وأعذرك وآقـول مايـدري

وفي كل طاري .. يمر تخطي كـذا مـرّه !
وأخاف حملي يزيد .. وينكسـر ظهـري !

جايز .. اكون الحليم اللـي ظهـر شـرّه
وجايز يكون الغلط منـي .. وذا عـذري ..

يا صاحبـي كنـت أحبـك حيـل بالمـره
ولازلت أحبـك .. ولكـن العتـب يطـري

أحيان أشوفك " بعيـد وخايـف آضـره "
وأحيآن أشوفك قريب .. إرتاح في صدري

ليه أسألك عن جروح القلب .. والحـرّه
وانت أبخص الناس في جرحي وفي حـري

يا صاحبي .. لو مسك كل ٍ علـى سـرّه !
ما كان الأحباب .. سموا حبهم " عذري "

وأنا تعبـت أسحـب الأحـزان .. وآجـره
وأحفر بأثر جرتي .. قبـر يغـدي قبـري

إما تكـون الحبيـب اللـي قـرب مـرّه
والا عسى الله يقدرنـي علـى صبـري

وأنـا أحبـك .. ولا بـآعـاود الـكـرّه
حتى ولـو كبريائـك .. صـار يستجـري

مإخترتـك تـذوق حلـو بكـاي أو مـرّه
اخترتك .. تحس بأحلى شي فـي عمـري

فـلا تكابـر .. وأنـا ماعـاد بأتشـره !
وإنت وضميرك .. وفكر قبـل لا تسـري

’

للشاعر / عبدالله البكر