السلام
اخباركم ؟ عساكم بخير
اليوم و لاول مره اعرض خواطري للناس
وحبيب اني اعرضها في منتدانا الغالي
واتمنى انها تعجبكم و طبها هالله هالله بالنقد
بنقدكم نرقى للافضل ^^
و الحين اول خاطره لي بعنوان
ولادتـي
يافرحت هلي بهاليله
الكل يكلمني و يهني بدخولي 17
مادروا إني مت قبل لا أنولد
أبصرت عيني للحياة
في 29 – 1
و الابتسامة أخذت مجراها
ع شفاة والداي
الكل مبسوط بوجودي و الكل فرحان
جدي أنا بالنسبة له أول حفيده
وبنت ولده أول فرحه لعياله
الكل يشهد بمكانتي عند هلي
لو أبي شي تسمع كلمه لبيه
يقولها الصغير قبل الكبير
ماقول لكم ذا الشي
لغرور فيني لا
هلي علموني إن المغرور بيجي يوم و ينكسر غروره
الكل يحسدني و الكل يتمنى مكاني
بس ماتمنى لأحد مكاني
عشت احلي أيام طفوووله في وسط هلي
كل يوم له ذكرى حلوه كل يوم
دخلت الروضة وكبرت و كبرت اماالي و أحلامي
و وقت تخرجي من الروضة
أشوف أبوي يحضني و يبكي
وبكيت معه مادري ليه ؟؟
بس يعز علي أشوف دمعته
مسح دمعتي و هو يقول لي
يا بابا كبرتي وبتدخلين المدرسة
والحمد الله إني شفتكقبل لا أموت
وأنتي بتخطين أول خطوه للقمه
استغربت كلامه و ما فهمته
طفله صغيرة شنو عرفها بمعنى المووت
طنشت بضحكه و قلت له بابا تعال نروح لماما
تعال نروح لماما أوريها شنو خذيت وشنو شريت لي
وظلت كلمه الموت تردد في ذهني
و يوم من الأيام حلمت بكابوس
و صحيت مفزوعة
أتلفت يمين و يسار
وبدت علامات الخوف تزداد ع وجهي
وين أبوي وينه ؟
مو عادته يداوم في يوم إجازته
وصرت طفله تصارخ بكل زوايا البيت
تسمع صدى صوتها يبه وينك
يبه وينك أحتاجك يا يبه وينك ؟
انفتح الباب و دموعي ع الخدين منهال
أترجيت الله انه يكون أبوي و خاب ظني و شفت
جدي داخل و يحاول يبتسم و يخفي ملامح حزنه
وفتح لي ذراعيه و ركضت له و طوقني بذراعيه
وصحت قلت له
أبوي وينه؟
وين أبوي ؟
وكل ماقلت وين أبوي
أشوف الدمع انهال ع خده ويحاول يخفيه بشماغه
مانطق بكلمه بس دموعه و نظره عينه ابلغ من أي كلام
ياليته كمل سكوته و مانطق
نظر في وجهي و قال لي ابوكِ راح مشوار وما ظنتي يرجع
صرخت في وجهه و قلت أبوي وينه
أبوي ما راح أبوي عايش
أبوي ما راح أبوي موجود
أبوي كان نايم معي أبوي و حضنته قبل لا أنام
أبوي موجود و الحين بيدخل و يقول
لي تعالي ماشفتك اليوم وبياخذني لحظنه الدافي
وبيلمني بكل حنان
كيف راح ؟ كان معي الصبح
و انهارت طفله بحظن جدها
ما بعدها تعرف غدر الزمن
بس تعلمت و أخذت منه درس
محد يآمن لزمن و محد باقي
أبوي راح و راحت معه روحي و راح معه كل طموحي
طموحي الحين إني احقق حلمه
والحين عرفت سر كابوسي و عرفت معنى المووت
و عرفت ليه ابوي قالها
تجوون اليوم و تهنوني
تهنوني ع شنو ؟؟
تهنوني ع ولادتي بذا اليوم
انتم تهنون شخص ما فيه روح
و سلامتكم
اتمنى الكل يشارك برايه و مايجامل ^^
اختكم :
live