هذي قصة معلمة ابوها ربى ولد اخوه اليتيم احسن تربيه .. وزوجه بنته ويوم صار العم على فراش الموت
وصى ولد اخوه ببنته قاله: بنتي أمانه برقبتك ..رد عليه: بنتك بعيوني
ومرت السنين واحتاجوا يشترون بيت فأخذت هالمعلمه قرض وشرت البيت .. ولكن للأسف كتبته بإسمه
ومرت الايام والسنين وقال لها بيوم من الايام بنرمم البيت .. وسكنها بشقه صغيره ..وطلقها وهي ماتدري
بعدين سمعت هالمعلمه انه تزوج عليها وسكن زوجته الجديده ببيته اللي للحين تدفع أقساطه .. وبكل
قساوة قلب قالها ماااااعندي لك شي ولالك شي عندي
انفجعت وتواااالت عليها الامراض وجاها جلطه بالراس ووصت وهي على فراش الموت انه تذكر قصت
بقصيدة
توفيت مقهوره ..
الله يرحمها ويعوضها بالجنه ..
عشرة سنين طويلة روحت في ظرف ساعه
يا خسارة عشرتي ضاعـت مـع راع الرديـه
ويش عذرك يوم ضيعت الوصيـة والوداعـه
الله اكبر كيف نفسك صـارت لظلمـي جريئـه
باع ودي يا أهل الفزعات والنامـوس باعـه
باعنـي مثـل الـردي اللـي نـوى بيعـة خـويـه
ما قويـت أقـاوم دموعـي ولا عنـدي مناعـه
صارت دموعي على خدي مثل وبـل الرزيـه
ويش أسوي بالعشير اللي خذلنـي ياجماعـه
ذلنـي مـن عقـب مــا مـديـت لــه كــفٍ نـديـه
اندفـعـت وليتـنـي رديـــت قـلـبـي وانـدفـاعـه
كان ما شفـت المهونـة والتمـادي والخطيـه
مثّـل الـدور الدرامـي واجتـهـد فـيـه ابـراعـه
أنتج الفيلم الخرافي وأعلن اسم المسرحيه
ضاق في عيني فضاها عقب كبره واتساعه
وانكتب لي حـزن ثانـي قابـل الحسنـه بسيـه
مـا اشتكـى للنـاس لله رأس مالـي القنـاعـه
اشـتـكـي لله رب الــكــون خــــلاق الـبـريــه
ما بقالي في حياتي غير صبري والشجاعـه
اصبر لمـا صـار وعزومـي بعـون الله قويـه