المشاركة الأصلية كتبت بواسطة إحساس

وعليكم السلام

هلا بك ياماجيستي

يعطيك العافية على كلامكـ المنطقي

لو ترجعين قسم أخبارنا بتعرفين إن الإيميلات ممنوعة في الكوفي كوب

إيميل الإدارة للتواصل بين مدير الإدارة والمشرفين أو بعض المشرفين

وهذا الشئ إختياري وحتى كثير من الشرفين اللي معنا مايدرون ومااضافوا لإيميل الإدارة

لأن عندي منطق إن كل شئ في المنتدى يكون ..

سواء تواصلي مع المشرفين أو المراقبين أو حتى الأعضاء

ومايوم أجبرنا أحد على الإضافة

كلاً براحته

كثير من المشرفين والأعضاء مايعرفون إيميل الإدارة

وماسبق أن تم نشره إلا في المسابقة الرمضانية قبل عامين

كانت ترسل إجابات الأسئلة على |إيميل الإدارة (( الرسمي ))

غير ذلك مافي .. إلا ماندر ..

أحياناً الإضافات تكون للتنسيق لبعض الدورات أو لبعض الأمور اللي تخص المنتدى

أو تكون شكاوي أو إقتراحات لا يسع المجال لذكرها أمام الأعضاء أو أمام المشرفين

والحمد لله ياماجيستي كلاً محترم نفسه ..

المدير اللي يبي يستغل منصبه أو منتداه بيستغله ولا مفكر بأحد

بس الحمد لله

الحين في الكوفي كوب نمشي في السنة الرابعة واللهم زد وباركـ

أعضاء ومشرفين يروحون ويرجعون ويجي غيرهم ونحن باقين على العهد ..

الكلام اللي يصير بين الأعضاء سواء شتم أو سب أو مدح أو حب أو .... كنت أهتم فيه فترة ..

الحين مافي إهتمام كلاً براحته يتكلم ..

عندي شئ مهم أتبعه ... في نقطه مهمة

الثقة ... الثقة هي أهم شئ لولى الله ثم ثقتي في الناس اللي معي هنا في إدارتي سواء مشرفين أو مراقبين ولا ماكان شفتي أحد منهم ..

كان أنا أشتغلت على منتداي لوحدي .. لكن مبدأ الثقة هو المطلوب بين الإدارة والمشرف

لأننا في قسم المشرفين عائلة واحدة نحاول نطلع منتديات كوفي كوب بأحلى صورة ..

أتمنى فهمتي المقصد كله من الكلام ...


بالنسبة للمشرفين الذكور ...

كل إدارة منتدى لها سياستها في تعين المشرفين

في منتديات ينزلون موضوع ويطلبون مشرفين ويحطون ماهب ودب من الناس ..

وفي منتديات على حسب المشاركات تعين المشرفين ..

وفي منتديات بالمصلحة تعين المشرفين

وفي منتديات بالواسطة تعين المشرفين

كثير طرق لإختيار المشرفين ...

في منتديات الكوفي كوب لي أسلوب أعتمده في إختيار المشرفين

وسؤاله قبل تعينه وتخيره في إختيار القسم اللي يعجبه والمناسب له ..

في أعضاء مجتهدين وعلى قولتكـ من الشباب كانوا موجودين

وطبعاً الأعضاء والمشرفين يشوفون الظاهر إن العضو هذا يستاهل الإشراف

أنا من خبرتي في عالم المنتديات أعرف المشرف اللي يستاهل واللي مايستاهل

وأعرف المشرف اللي وده يشرف لمصلحة أو لا ..

وأعرف المشرف اللي يحاول يستغل إشرافه لأموره الشخصية أو لأ ...

وأعرف المشرف اللي وده مصلحة المنتدى أو تطوير قسم معين أو يقدر يعطي من وقته للكوفي


حاجات كثيرة يمكن تغيب عن الكثير بس الحمد لله خبرتي وطريقتي في الإدارة تعلمني وتفرض علي هالشئ

ماأبي أضرب أمثلة على أعضاء مجتهدين لكن عليهم بعض الملاحظات اللي مافي أحد يعرفها غيري ..
والحمد لله من ستر على مؤمن ستر الله عليه يوم القيامة ..

حنا نذكر المحاسن ولا نحاول نتذكر السيئات

مثال بسيط : المشرفة هيفا .. كلاً يمدحها في وقت من الأوقات لكني شفت الوقت المناسب لها وللكوفي وتعينت في الإشراف ..
مع إنها تستاهل أكثر من الإشراف .. هذا إذا ماكان مراقبة أو حتى إدارة ..
لأنها تحب الكوفي وتهتم لمصلحة الكوفي وتخاف عليه وتبذل المستحيل لتطويره ..
ومواضيعها وتعبها خير شاهد
.. طبعاً مايهونون باقي المشرفين بس هذا مثال بسيط ..

ريحة القهوة ليه ترشحت وصارت مراقبة ..

نوارة القلوب برغم إنقطاعاتها وظروفها الصعبة للحين مراقبة ..

لأني أعرف إنهم هم اللي أعتمد عليهم بعد الله سبحانه
لو لقيت عضو ذكر على قولتكـ يستاهل الإشراف ماراح أتردد في ترشيحه للإشراف ..

وسبق إن رشحت أكثر من مشرف منهم نايم فوق السحاب لكن ظروفه ماسمحت له ..

إن شاء الله وصلت كل المعلومة ..

وأي مشرف له تعليق يتفضل ..

ترى المجال مفتوح والصراحة راحة لكم ..

أدري هذرتي كثيرة بس شدني الأسلوب اللي جا فيه الموضوع ..

وقلت أوضح بعض الأمور حتى للمشرفين الجدد .. أو اللي مرشحين للإشراف