ياعـيـن كـفـي دمعـتـك لاتهـلـيـن
قـوي الصبـر هـذا زمـان العجـايـب
ماقـد سمعنـا رجّـع الـدمـع غالـيـن
ولاسمعـنـا رد دمـــع ٍ مـصـايـب
بـدل دموعـك حاولـي بيـنـك وبـيـن
قلـب ٍ عسـاه اليـوم ينسـى الحبـايـب
مااقول انسـي .. حاولـي كـود تنسيـن
خـلاص راحـت غايـتـك بالغصـايـب
الحـب قصـه والبطـولـه لشخصـيـن
وختامهـا كـل ٍ مـن الـحـب تـايـب
ماهـوب مثـل اللـي نضنـه مـن سنيـن
مانـدري انـه يـودع الـراس شـايـب
كنـا نظـن الـحـب يـرسـم بقلبـيـن
وسهـم ٍ علـى القلبيـن بالحبـر صايـب
واليوم اشوف الحـب فـي دمعـة العيـن
كـنـه غـريــب ٍ دون دم وقـرايــب
انشهـد انـه شـتـت الـحـظ أثنـيـن
راحـت وتهنـا فـي بحـور ٍ غـرايـب
راحـت وانـا واطلالهـا اليـوم باقـيـن
تـرقـب عيـونـي بابـهـم والهبـايـب
اذا انفتـح كـل الخفـايـا بــي تبـيـن
واذا تسّكـر جـاوب الـدمـع غـاايـب
انـا قـويالقلـب اصبحـت مسكيـن؟!
يحـق لـك يالعيـن خـاوي السحـايـب
ياعـيـن هـلـي دمعـتـك لاتمـلـيـن
غلطـان انـا يومـي ردعتـك وخـايـب
وآخر وصيـه مـن فهـم حالتـي زيـن
وآمـن بقلـب ٍ راح فـي الحـب ذايـب
ينحـت علـى قبـري رمـوز ٍ بحرفيـن
وينحـت سهـم وقلـوب فـوق النصايـب