السلام عليككم ورحمة الله وبركاته

كيفكم ..؟

المهم موضوعي اليوم يحكي الواقع الي صاير حاليا وخاصهـ في مدينة الرياض << متى أفتك منها

كلكم عارفين أنو حياتنا كلها صارت مجمعات & مجمعات

أمس الي هو يوم الخميس كنت عند حياة مول وشفت العجب شفت البلاوي طبعا كل أسبوع تصير بس أمس بزيادهـ

بقولكم الي صار

أول شي تخيلو يا ناس وربي مو مصدق للحين بنتين والله ما يتعدو 2 متوسط وحدهـ منهم معاها قارورة خمر !!!!

وتمشي والشباب متجمعين عليها ولا 50 واحد

ثاني شي الشباب يتجمعون كلهم يسون قروب ويلا خذ لك مششاكل تحرش في البنات تحرش في السكرتيهـ

تكسير سيارات ما خلو شي ما سوهـ الي تتخيلوهـ صار

أجي أنا الي مالي ذنب أنا وأخوياي مساكين <<<< اطلع منها بس

المهم يجيك العساكر ويجرونا من بلايزنا قدام الله وخلقهـ هي أنت وش مسوين حنا يمين يسار

تخيلوو ردهـ يقول طال عمرهـ لبسكم مو عاجبني وش دخل أهلك أنت يعني

وياريت لبسنا في شي غلط يعني لو طيحني ولا شي منا مناك وربي مالي وجههـ أتكلم

بس كلنا لبسنا كلاسيك يعني عادي

المهم قاومنا يمين يسار منا مناك أنا أنحشت <<<< بطل واخوياي ركبوهم الدوريهـ

طبعا خلوهم في الدوريه لين سكر المجمع وقالو يلا ضفو وجيهكم

أنا الي بوصله لكم

ليه كل هذ1 يصير عندنا هنا ليه

يعني البنت الي معاها قارورة خمر ليه وش فيها هذى يعني ما عندها أهل يا ناس وربي صغيره قسم صغيره

وليه الشباب ما غير تكسير

ويجي واحد من الامراء معاهت جمس أصفر موقف السيارهـ على البوابه فوق الرصيف ويطلق نار

وما احد كلمهـ

وحنا الي على نياتنا راحت علينا

اناالي أبي اناقشه معاكم ليه كل هذ1 يصير وش فينا حنا ما ندخل المجمعات

يعني الشباب ما سو كل هذ1 الي من الطاقهـ الي فيهم وين يفرغوها يعني

ولا يجيكي واحد سوري ولا لبناني الزبدهـ مو سعودي ويدخل

ولما نسئلهم ليه يقول هذ1 ما يسوي مشاكل

لعنبو دارك حنا في ديرتنا ويصير فينا كذ1

تكفون أبي أسباب كل هذ1 وحلول لها أنا ما كتبت الموضوع الي من القهر وربي


لكم ودي