منتديات كوفي كوب Coffee cup - عرض مشاركة واحدة

08-04-11, 05:01 PM

* الفصل الثالث *
الجزء الأول :
&جده&

دخل الشقه متحمل اكياس من السوبر ماركت أبتسم وهو يسمع صوت طلال يغني بصوته
النشاز ..راح شافه فالمطبخ لابس مريله ويقلى بطاطس ومنسجم يغني ويرقص ..
فيصل : ورا ورا عاشو عاشو ..
طلال التفت له وضحك : ههههههه ههههههههههه متى جيت ..
فيصل : ذالحين وأطربني تغريد البلابل ههههههههههههه..
طلال يستهبل يجي يمسك فيصل مع رقبته : قول ماشاء الله لا تعطيني عين ..يالله قول قول..
فيصل : أقول وخر كتمتني ريحتك بطاطس مقليه ..
طلال : ياخي شسوي صحيت وضربني الجوع مالقيت شي غير البطاطس قمت هجمت عليها..
فيصل : أيه جبت أغراض من السوبر ماركت ..
طلال : ياخي وش أغراضه أنا ميت جوع أبي غدا ماجبت معك ..
فيصل : طيب طيب لاتاكلني ذالحين أطلبلك من المطعم ..ويرفع جواله ويتصل عالمطعم ..
طلال يشم : فيه ريحه ماتشم ..ويشهق البطاطس ..وجري عالمطبخ ويلقا المطبخ كله دخان ..
طفى النار وجلس يكح ...ويفتح الشباك ..رجع للصاله عند فيصل وجهه اسود ..
فيصل : هههههههههههههههههه ههههههههه ههههههههههههههههههههههههههه
وش ذا هههه..
طلال : بالله شكلي حلو ..تسلم ياحبيبي ...
فيصل : أقول أنقلع روعتني ..
طلال يعاند يجلس عالكنبه ويحط رجل على رجل ..
دق جوال فيصل ..
أيوه ياموضي تراك صجيتيني ...........قلتلك طيب ....................لا لسا ..................طيب
.....................طيب .................حاضر .................على أمرك..........................أفففف أقول
تراني عطيتك وجه .........................مع السلامه ..
طلال من سمع أسم موضي أرتبك : و ..وش تبغا أختك ..
فيصل : من أمس صجتني تبا تجي هنا جده ..قال أيش تبغا تغير جو..
طلال : طيب جيبها يأخي خلها تستانس مع الأجازه ..
فيصل : أذا جبتهم يبالي ادورلهم سكن واسيب شغلي وأقابلهم واطلعهم وامشيهم وصرفيه وكلام فاضي ..
طلال : أفا يافيصل ماهقيتها منك ..وشقتي وش فيها ..والشغل أنا أقابله لاتنسى أنك شريكي ..والصرفيه
أنا تحت أمرك باللي تطلبه ..
فيصل : لا لا ياطلال وش أجيبهم هنا صعبه ماراح تاخذ راحتك ..والشغل راح يكون ضغط عليك
بدل ماتقابل شغلك يصير تقابل شغلي وشغلك مع بعض..والصرفيه أنا عندي فلوس تكفي وزياده
بس أنا قصدي هالفلوس أولى أحطها فأشياء أهم من هالسفره ..
طلال : أقول أذا ماتبا تجيبهم هنا أنا اكلملك واحد أعرفه عنده شقق مفروشه يخفضللك السعر..وانشالله
ماتكون الصرفيه كبيره ..
ياخي حرام والله كاسرين خاطري خلهم يجون يتونسون ..هاه شقلت ..
فيصل : أمممم أفكر ..
طلال : أقول يالاخو وش تفكر ..أذا ماتبا تجيبهم ترا أنا بجيبهم ..
فيصل يضحك : هههههه ههههه طيب خلاص نجيبهم ...مسوي فيها نشمي أنت ووجهك ذا الاسود..
طلال تذكر الدخان اللي سود وجهه : هههههههههههههههههه هههههههههههه عناد لك
ماراح أغسله بتغدى معك وأنا بشكلي الحلو ذا ...
""""""""""""""""""""""""""

& الجنوب &

حسام مجلس شروق فحضنه ويلعب معها ..
شروق : أنت مله طيب ؟؟
حسام يبتسم ويقرص خدها : وأنتي مررره حلوه ..تحبيني؟؟
شروق تضحك وخدودها حمرت.. بصوت واطي : أيوه مله أحبك..
حسام يبوسها بقووووه : وتحبين مين ثاني ؟؟
شروق : أحب ثاني شذون أحتي ..
حسام بأهتمام : مين ؟؟
شروق : شذوووون أحتي أنا ..
حسام : ليش تحبينها ؟؟
شروق بلهجه طفوليه : كل يوم كل يوم تقولي قثه طوووووويله لين أنام ..ودايم تلبسني
وتمسطني وتلعب معايه وبس ..وأنا أحبها مله كثييييييل ..
حسام سرح ..آه ياشروق ..أنا شفتها مره وحده مدري شصار لي ..أنقلب حالي
ماصرت حسام الاولي ..كل شي فيني تغير ..من يوم شفت عيونك ذاك اليوم وانتي ماطلعتي من بالي
واضحك على نفسي اقول بانتقم وبسوي وبسوي ..والله انتي اللي سويتي في اشياء ..وكملتي
علي البارح ..آه ..وش أقول وش أخلي ..جمال ..أنوثه طاغيه ..أنسانه تملك احاسيس
ومشاعر ماتملكها انثى ..يالله وش فيني أنا كل ماتذكرتك أحس بأحاسيس غريبه ..أحاسيس جديده
علي عمري ماحسيتها مع بنت ..أنتبه على أبو ماهر داخل ومعاه واحد متوسط الطول أسمر
عيونه صغيره وله شنب بس.. ولاف الشماغ زي الحمدانيه الامراتيه ولابس على الثوب فالوسط
حزام وفيه خنجر >>أهل الجنوب يشتهرون بهالعاده ..
أبو ماهر : تفضل ياسعود حياك الله ..
سعود : الله يبقيك ياعمي ..
أبو ماهر : هاه ياولدي كيف التجهيزات للعرس ..وكيف العريس..
سعود : الحمد لله كل شي تمام ..ويضحك : والعريس ينتظر بكره على أحر من الجمر ..
أبو ماهر : أيه الله يوفقه ويسعده ..

عند شجون ..
ماجد : شجوووووووون شجوووووون ..
شجون : نعم ..أنا كم مره أقوللك لا تصارخ كذا ..
ماجد : مريم بنت أبو مناحي برا تقولك تطلعين الجبل معاي نتمشى ..
شجون : طيب قولها أجيب عباتي بس ..أقولك ماجد من فالمجلس عندنا غير حسام ..
ماجد : سعود ولد عمي ....
شجون :طيب روح قول لمريم جايه ..لوت فمها : وش يبي هالكريه ..
أمها سمعتها : شجون كم مره اقولك لاتقولين عن سعود كذا ..هذا بكره بيصير زوجك ..
شجون : هه يحلم ..
الأم : وش اللي يحلم ..هذا ولد عمك وأنتي محيره له من وأنتي صغيرة وهو شاريك ويبيك
والله ماصبر كل هالمده ينتظرك ..وترا بعد زواج علي جهزي يمكن يملك عليك ..
شجون أنقهرت : يما ..أنا زواج من سعود ماراح أتزوج ..وأذا زوجتوني بالغصب والله لأنتحر
وغير هذا الكلام ماعندي ..ولبست عبايتها وتلثمت وطلعت ..

فالمجلس..
حسام نفسه مهو فهالعالم بعد ماسمع هالكلام من سعود ..وش يقول ذا وش يخرف ..
دقات قلبه زادت وحس نفسه مخنوووق وصار يهز رجله بسرعه من التوتر ....
معقووووله .....
""""""""""""""""""""""""

& لندن &
ماهر منسدح عالسرير ويتقلب يحاول ينام ياربي هذي ماهي حاله ..ليش ليش يادينا
أنا وش سويتلك تعامليني هالمعامله ..دايم تحرجيني
قدام اللي يسوى واللي مايسوى ...تنهد .. جمالك ودلالك قناع تخفين خلفه شخصيه شرسه وقحه
شخصيتك أبد ماهي لايقه على جمالك ..المفروض تكونين بنوته ناعمه هاديه مسالمه..أففف
أنا هالحين وش لي بجمالها ..طالع الساعه 1:13 ص ..أنا وش فيني زي هالوقت فسابع نومه ..
خل أدق على سعد هالغبي يمكن يحن علي يجي يسليني مادم مافي نوم ..
سعد وصوت أغاني عنده ورجه وهوسكران : هلا والله ..
ماهر : وينك أنت وش هالرجه اللي عندك ..
سعد بالقوه يتكلم من تأثير الشراب ولسانه ثقيل : هاه ..وش تقول مـ..مهـ.. مهوري
حبيبي أ..أنا ماسمع ..هه هه ..أحم أم ..أ..أيش ..
ماهر : أففففف ..وقفل فوجهه ..هالحين وش أسوي ...خل أحاول أنام ..

عند سعد فالملهى الليلي ...
الموسيقى عاليه والأنوار خافته ماعدا ألوان الليزر تدور فالصاله ...مجموعه من الساقطات
يتمايلون على الموسيقى الصاخبه بحركات أغراء خادشه للحياء ..وملابسهم الفاضحه
تبين أكثر مماتستر ...جالس على أحد الكراسي وهو فحاله سكر وماسك كأس الخمر ويشرب
وثنتين من الساقطات وحده عن يمينه ووحده من شماله ..وكل وحده بدورها تتمايل عليه
وتمسح على جسمه بشهوه عارمه ...وهو مبسوط فهاللحظه اللي يغيب فيها العقل
وفيها يستبيح المحرمات .....
""""""""""""""""""""

& الجنوب &
حسام حس بالضيقه من الكلام اللي سمعه وقرر يطلع يتمشا برا شوي
طالع الساعه 5:20العصر ....طلع يمشي برا وباله مو معاه ..طيب أنا وش لي فيها
أذا مخطوبه ...مخطوبه !! هالكلمه أربكتني وضايقتني !! ليش!! وش فيني ..
وهذا اللي داخل خطيبها !!...ويبا يملك فأقرب وقت!! ..تضايق زياده ..

عند شجون ومريم جالسين على صخره كبيره أسفل الجبل ويطالعون الجبل ..
مريم : لا لا بكره تجيكم وتزورونها بس هالحين ماعندنا عرايس يطلعون ليله زواجهم ..
شجون : والله مروه هذي هبله المفروض تطلع فآخر يوم لها تودع العزوبيه
وتفلها ..
مريم : ياشيخه من الحيا صارت ماتطلع من غرفتها ..تقولين لي خليها تطلع معانا ..
شجون : ههههههههه ياساتر كل هذا حيا ...أقولك روحي قوليلها شجون تكلمك ..يمكن توافق
تطلع ...
مريم قامت واقفه : طيب أمري لله بحاول فيها بس حطي فبالك
أنها ماهي جايه ..بس نحاول ..وراحت..

بعد شوي ..شجون سمعت صوت خطوات وراها ...أكيد هذي مروه ..ولفت بسرعه
وهي تضحك : أخيـــــــــ.... أرتبكت وجات تبا تقوم بس أنزلقت رجلها من الصخره وكانت
بتطيح فالأرض بس حسام كان أسرع منها راح لها جري ومسكها وطاحت فحضنه ...
هنا طاحت طرحتها وتناثر شعرها الطويل على وجه حسام وكتوفه ...تعلقت عيونهم فبعض
حسام دقات قلبه كل السعوديه والشرق الاوسط يسمعونها ..شجون حاولت تفك
نفسها منه وتقوم بس هو كان ماسكها بقوووووه ..ويطالعها ويطالع شعرها المنساب على
وجهها بنعومه وجزء منه على كتوفه ...
شجون صارت ترجف من الموقف المحرج ووجها أحمر
ودقات قلبها طبول : لـ..أحم ..لـ ..لو ..س م ح ت
ممكن تسيبني أ..أروح ....
حسام حس على نفسه وسابها وهو متفشل من نفسه ..وهي راحت تجري وهي مرتبكه ..
حسام بسرعه : شجون ..
سمعته شجون ووقفت وهي معطيته قفاها ..
حسام قرب شوي منها بأرتباك : شجون أنا آسف ..
شجون : صار خير ..وكملت طريقها ..
""""""""""""""""""""""

& جده &
صحت على صوت الجوال ..ردت بصوت كله نوم ...
ألو .....هلا مها ................أيش ............وش اللي نطلع الصبح كنا طالعين ................
...................طيب أنا ماشبعت نوم ................والله الساعه ثمان ؟؟............مها مابغا أطلع
.......................... لا مابغا أطلع ..................طيب شرايك تجيني نسهر ونكلم ندى......
والله نروح نسهر عند ندى من زمان مارحنالها ..............أيوه كذا تعجبيني .......خلاص ألبس
وأنتي مريني ............بايات ..
قامت اخذت شور ولبست برموده جنز سماوي وبدي اخضر وحزام بني وصندل بني..حطت كحل
أخضر وقلوس وردي ..ولمت شعرها ذيل حصان ..لبست عبايتها ونزلت تحت لقيت أمها
جالسه فصاله الجلوس تتفرج عالتلفزيون ..
هديل : يماا..
زهور : هههههه أخلصي ..
هديل : هههه أبغا أروح نسهر عند ندى أنا ومها ..
زهور : موالصبح أنتي عند مها والحين عند ندى ..متى يجي دورك أنشالله ..
هديل : ههههههه بكره ..هاه شقلتي أروح ؟؟
زهور : طيب روحي وخلي جوالك فجيبك عشان أطمن عليك ..وسلمي على عمتك ساره ..
هديل : أوك مام ..سمعت صوت جهاد نازل من الدرج ويغني غربي بصوت عالي مسوي صدى
فالبيت ..شافهم جالسين وجا عندهم ..
جهاد : هلا والله بمام ويبوس راسها ..
زهور : ههههههههه أخلص ..
جهاد يحك راسه : يعني كاشفتني ..
زهور : أكيد وتقلده (هلا والله بمام ) ..
هديل وجهاد : هههههههههههههههههههه هههههههههه ..
زهور : عيالي وحافضه حركاتكم ..أخلص ..
جهاد : بطلع مع اصحابي الشاليهات ثلاثه أيام ..
زهور : أيش شاليهات ..لا ..
جهاد : ليش يماا ..والله بس يومين ..
زهور : لا ..أخاف عليك من المسابح ..
جهاد أنقهر : يما لين اللحين تعامليني عأساس أني بزر ..رجال أنا وش طولي ..
تخافين علي من المسبح ؟؟؟!!!
هديل : هههههههه ههههه يابزر ..
جهاد : أنطمي أنتي لا أتوطاك ...هاه يما شقلتي ..
زهور : لا ماتروح ...أنت مجنون انا اعرفك تقوم تسوي حركات هبال دايم فالمسبح
خابر ولا أذكرك قبل العام يوم أنك تسوي غواص وتدخل تحت المويه وتدوخ ..
لو مالحقنا عليك كان رحت مني ..ولا شاللي خلاني أشيل المسبح اللي فالحديقه برا غير خوفي
عليك ..
دق جوال هديل ...قامت : يالله باي مام ..وطالعت جهاد : باي يالبزر ههههه وراحت جري ...
جهاد : يما الله يخليك ويسلم على يدها ...الله يخليك ..
زهور : اوك أخليك تروح بشرط ..
جهاد فرح : أشرطي ..
زهور : ماتدخل المسبح ...والجوال مايفارقك ..
جهاد مد بوزه : وأنا ليش رايح ؟؟عشان أسبح ..
زهور : أجل خلاص مافيه ...
جهاد : لا لا لا خلاص موافق ...
زهور : أوعدني أنك ماتسبح ..
جهاد : أوعدك ...

بيت ندى ..
ندى طالعت نفسها فالمرايه ولبسها تنوره بني قصيره فوق الركبه وبلوزه حمرا كت وعليها
كتابات بالذهبي جايه خطيره مع بشرتها الناصعه البياض >>دعايه تايد ..
وشعرها الاشقر وعيونها الخضرا ..وجسمها الممشوق ..رن الجرس ..
راحت تركض فتحت الباب .. دخلت مها وهديل مع بعض : هــــــــــــاي..
ندى ضحكت وأشرت لهم تفضلو ...
مها تفسخ عبايتها كانت لابسه شرت جنز غامق وتحته سرتش أخضر فسفوري لين تحت الركبه ..
وبدي أورنج صارخ ..وفاتحه شعرها المجعد ونافشته زياده بالرغوه ..ولابسه
أساور خيوط كثيييره أخضر وأورنج ...وجزمه كوتش اورنج وشراب اخضر ..:: وين عمتو ساره
نبا نسلم عليها ...
: عمتك جايه لبنت أخوها القاطعه ..
طالعو شافوها نازله من الدرج وتبتسم ..
مها : أنا قاطعه ياعمتو الله يسامحك بس ..وتروحلها تسلم عليها ..
هديل تدف مها : وخري خليني أسلم على عمميمتي..
ساره تضحك : هههههه أيه رقعو ..وحده تقول عمتو ووحده تقول عميمتي ...تحسبوني بنسا أنكم
لكم مده مازرتوني ..
مها بدلع : عمتوووو والله أنشغلنا مع الاختبارات ...وذالحين فضينا مع الاجازة تلاقينا كل يوم
مبلطين فوق راسك ...
هديل تذكرت شي : أيوه صح ...مفاجأه ..
مها بحماس : وشووو ..
هديل : أبوي حجز لنا ولكم ولعمتي ساره عالندن ..الاسبوع الجاي ..
مها : ياااااااي وناسه ..كلنا مع بعض ..
ساره : والله حلو بس..يمكن حمد مايوافق ..
هديل : وش مايوافق ..لا يروح هو أنتي وندى تعالو ..وتطالع ندى تبتسم ومتحمسه معاهم ..
ساره : أوك أشوف ..
وكملو البنات سهرتهم ....
{ عايله ساره ( أم ندى ) 34 سنه ..مديره مدرسه ..زوجها أبو ندى متوفي من 13 سنه ..وتزوجت
من حمد 42 من سنه تقريبا .. وساب وضيفته الحكوميه بعد ماتزوج ساره وصارت
هي اللي تصرف عليه ..وبعدين راح تعرفون شخصيته ...
ندى 15 سنه ..زي ماعرفتو أنها بكمى ..جميله ملامحها أجنبيه..أخذتها من أبوها أمه أسبانيه ..شعرها
أشقر لين آخرظهرها وعيونها خضرا وبشرتها مرره بيضا ..نحييييفه وطويله ..هاديه ..حساسه وكتومه }

فالمطار ..
طلال وفيصل جالسين ينتظرون رحله أهل فيصل ..
فيصل : شف شف هذي أمي ...لا لا مو هي ...لا لا هذي اللي وراها ..لا لا موهي برضو ..
أيووووه هذي موضي ...لا لا موهي ....
طلال يطالع فيه بطرف عينه : لا لا هذي ...لا لا هذيك ..ياخي ترا صجيتني لسا رحلتهم ماجت ..رحلتهم توصل
الساعه 12 ...وهالحين 11:25 ..يعني لسا لسا أفهم ..........

نهايه الفصل الثالث الجزء الأول ..
...الحين تعرفتو على معظم أبطال
قصتنا تقريبا ..وش رايكم فيهم ؟؟؟
توقعاتكم تهمني حيل؟؟؟
القاكم على خير في الفصل الثالث
الجزء الثاني ..