كل أرض تشيلك ياثقيل الحمول ..
وكل وقت كريم بالرضا والزعل

وين مارحت تلقى لك حبيب وعذول ..
وين ماكنت تلقى مثل ياسك أمل

ياطريق الترجي والوله والنحول ..
والله إني مشيتك لين حد الثمل

لا تظن المسافر من يسوق الرحول ..

من وقف دون حلمه عاجز ما رحل
وما لمخلوق منجا في الحذر والجفول ..

ماتصيب السهام ولا يطيش الأجل
الليالي خوات مير منهي البتول ..

والحوادث عشاير مير وين الفحل
اتذكر في عين الشمس طفل خجول ..

شالته في هدبها وقت لين اشتعل
أعجب الناس وهجه بالجدل والفضول ..

مادروا عن جمال الجرح لين إندمل
إن لثمت الزهور وصاحبتني الحقول ..

ماهقيت إن صافي الشهد عيب النحل
إن تعبنا نحب ولا لقينا قبول ..

ماتسر الأماني ولا يفيد العذل
مابقى في ضلوعي كود ريح معمول ..

لكن الله كريم .. وكل هم يزول ..
ماعلى الله بعيد .. ولو جفاك المحل







•...............................•



عِندمآ يَصبِح الجَرح أقَوى .,
يغُطي جًمآل ..الحُبْ
لآ يسَمع إلآ الهدوؤ .,ولآ تُسمع زَفرآأتْ العِشقْ
قآلهآ البَدر ,,,{
لا تقول احبك , لا تقول
عالي السكوت , ما اسمعك ..