جتني وقالـت خـذ بقايـا هدايـاك
وهـاك الرسايـل وأعتبرهـا نهـايـه
وخل ذكرياتي والصـور دوم ويـاك
مابيـك تنسانـي وتنـسـى هـوايـه
وأستر على ماشفـت منـي وماجـاك
وعسـاك تذكـر ذكرياتـك معايـه
قلت أسمعي قالت عسـى الله يرعـاك
ماعـاد ينـفـع ياحبيـبـي كفـايـه
صاح الضمير وقال يالزيـن وش جـاك
ودي أعـرف اليـوم شنهـو خطايـه
ودي أعرف اللـي حصـل لاعدمنـاك
شاللي حصل بالضبط شنهـي الحكايـه
قالت ( خطبني ) شخص مثلك وشرواك
وأبــوي ملـكـه وحـطـم منـايـه
قالت وهي تبكي ترى الكل يفـداك
لكن ظـروف الوقـت زادت شقايـه
غصب علي اليوم أوادعك وأشوفـاك
مجبـوره ياقلبـي أفــض الـروايـه
لاتعتقد في يـوم أنـا بقـدر أنسـاك
أنت الوحيـد اللـي لهالقلـب غايـه
والقلب صابه وقتهـا ألـف دكـاك
والهـم أعلـن فـي حياتـي البدايـه