منتديات كوفي كوب Coffee cup - عرض مشاركة واحدة

09-25-08, 03:57 PM

وتطول لميوه وكانت اغنيت الي بتقصر تنوره وقامت عهود ترقص وكل شوي طايحه طبعن الفرشه كانت كبيره يعني مستحيل نطيح الى اذا احددز احد وعهود كن فيها سكون ارقصت من قلب وتهز وريموه ويا شيخوه كل وحده تدز الثانيه والي يرقص والي يسولف نوير تصور وهنود جالسه جنبها تنقط واول ما اقبلنا على الخيام جات جواهرمسرعه هي وولدها حمني يلحقها ونطحتنا وركبت معنى وهي متقطعه من الوناسه وشوي وتجي خلود داقه 500 مسرعه حدها وتبي تركب معنى ولا لقت مكان وهي تركض جنب الفرشه مسكت مهوي ودزتها من الفرشه وركبت هي مكانها واول ما الركبت لين جدتي واقفه وتورطت وجات مهوي مسرعه ونحاشت خلود ومهوي وراها وكانت الساعه 11 يوم وصلنا للمخيم الكل كان قاعد والحريم يسوون الغداء وحنى رحنى وفرشنا فرشه و جلسينا كلنا نلعب شرطي وشاب لين الظهر صلينى وتغدينا وبعد الظهر رحنى نقيل لأنا مارقدنا البارح وقعدتني هنوده العصر وكان الجو حلووو صليت ورحت حصلت البنات جالسين برا فارشين زوليه برا وجالسين عليها ويا الحريم وكانا في دكان كل انواع الاكل و العصير
والفواكه ونقعد نسولف
نوير : يمه شفتي عمتي رنود ياحضها فصلت من ثاني جامعه ولحد قالها شي موب انا فضحتوني عشاني قلت ماحب الدراسه
ام نوير : قولي لبوس اذا وافق كيفس
نوير : تراكم ناس حرميني حريتي موب انا الا كل البنات صح بنات
شيخوه : ايه صح حتى ماتخلونا نلبس على الموضه
جدتي: ماخليتو شي على الموضه مالبستوه حتى وهي تخالف العادات والتقاليد والدين
نوير : الا فيه شي على الموضه ما لبسناه
عمتي ساره : وشو انشاءلله
ندوي : اختي ليلوه شاريه شورت على الموضه والا لبسته
في هاذي الحظه التفتت خالتي هيا ام مهوي على امي وعطتها ذيك المحاضره
وانا تمنيت اذبح ندوي جعلها اللسنه
خلود :تراني زعلانه عليس ياجدتي
جدتي :ليه
خلود :لحين رايحه ومهملتني وتقولين ليه
جدتي :انا قلت اذا لقيتي مكان الركبي وانتي مالقيتي
جواهر :ومتى انشاء الله بتودينا
نجلا :احسن انكم مارحتو كان بتروحون وتخلوني
دلال:متى ياعمتي بتودين شلتنا تتمشى
جدتي :ومن شلتكم
دلال:انا وجواهر والهنوف وخلود وساره ونجلا
خلود :لالاتحسبوني من شلتكم انا توني نونو انا من شلت شيخوه
انا:لالوالله شلتنا مافيهم متزوجات
خلود يستخفاف:والله تراني بلا اكبر منكم بسنتين وشوي
مهوي :بس متزوجه وحامل بعد وحنى شلة وناسه كلنا عزابيه
خلود :ترا ذليتوني ليتني ماتزوجت ترا والله لخلي رحومي يطلقني وجلس على كبودكم كل ماقلت شي قالو متزوجه حتى جدتي بعد ذلتني
شيخوه :احسن قايله لس انا لاتزوجين ليه ماسمعتي نصيحتي
خلود :غبيه
نوير :توس تدرين
خلود :اذاتطلقت تدخلوني معكم في شلتكم شلة وناسه
هنود :والي في بطنس وين بتودينه ولا بيدخل معس في الشله مجانن
خلود :يعني مافيه امل
دلال: تراس يالخايسه كبري ومسويه فيها بيبي مابه غيرشلتنا تبينا ولا انطمي
خلود :خلاص ويش نسمي شلتنا مثلهم
جواهر :نسميها الكبار
خلود :بايخه
الهنوف :نسميها اااا المتزوجين
خلود :تبين تذكريني كل شوي اني متزوجه
ندوي :سموها شلة الأكابر
ريموه :لا سموهاشلة الزاحفين
مهوي :سموها القوياء
خلود :اكلو تراب محد طلب اقتراحاتكم الي كنها وجيهكم
نجلا:شلة النواعم
الهنوف :والله فكره بدرس الموضوع بعدين
انا:ويع امحق شله
الهنوف :احسن من شلتكم
انا :تبطون احنى شلتنا عزابيه و24ساعه مع يعض موب مثلكم مايجمعكم غير الطلعات الحين اذا رجعنى للبيت عمتي ساره بتسافر اكيد وبنات عمي سلطان بيروحون لبيوت ازواجهم والهنوف بتروح لبيتها الي في اخر الحوش ونجلا ودلال بيتقابلون في بيت جدي
شفتو ليه شلتكم بايخه
خلود تدعي من قلب :جعلكم ياربي تتشتتون وكل وحده تاخذ واحد من ديره ولا عاد تشوفون بعض كلكم يا
بنات النايف وجعل ا
وتقاطعها جدتي :الله لا يسمع منس تبين تشتتين بناتنا
خلود طالعه منقلب:احسن
انا : لونس ماخذه احد من عيال عمانس كان الحين عندنا
خلود :اصلا انا عندي شله هناك في بيت خوالي
شيخوه :ومن شلتس
خلود :ويش دخلس
نوير :لايكون سر
هنود :اكيد انهم الشله السرين
خلود :تنكنون مالت عليكم يالمملين
مهوي :كلش عاد انتي مونستنا
خلود :على الاقل احشن منكم انتو 24 ساعه مندعسين مانشوفكم الونتو مسوين جريمه
انا :لا والله تنكتين مع وجهس ترا على عصرس انتي ام المصايب
خلود بصوت عالي :اااي انتي أي عصر مصدقه روحس اني كبيره تراني توني متزوجه امس يالخايسه والشله ذي كلها تراني انا كان رئيستهى وستحلستيها بعدي ولا نسيتو
لميوه :أي احد يتزوج يطلع من الشله
انا :ايه يمه نسيت
امي :خير
انا :ترا بتعلم السواقه مثل مهوي ولامهوي احسن مني
امي :هاذيك السيارات روحي تعلمي من الي مانعس
انا :لا ابي ادخل مدرست سواقه
خالتي هيا ام مهوي :خلي مها تعلمس تسوقين
انا :لامابي مهوي تعلمني ماتعرف تسوق
هنود :الله يادنيا
مهوي :انا الحين ماعرف السوق نسيتي الله يادنيا
انا :ويش
نوره ام طلال :ومن الي مضيعكم الصيف الي
طاف في البر غير مها
نجلا :شفتو انها تعرف تسوق
انا :ودتنا في ستين داهيه وياسواقتها البايخه
مهوي :يانذلات هين
امي :ليلى لاتعلمتي كيف تسوقين ذيك الحزه عيبي على مها
انا :ايه صح نسيت
مهوي :خلاص مافيه امل ترقعين
انا: انا كلنابي اقول اني اذا عرفت السوق قلت كذا
حصه ام شيخوه :يعني رقعتي كلها نفس الشي
لولوه :ليتس جلستي على الاوله كان ارحم الحين درت انس اذا عرفتي تسوقين بتتمنذلين فيها
مهوي :هاذا اذا ساقت
انا :انشاء الله صح يمه
امي :ايه صح
ريموه :وانا بعد بسوق
امي :اذا ساقت ليلى خلاص ليه انتو بعد تسوقون
ندوي :عادي كل العالم تسوق
عمتي ساره :ليكون ناويه تسوقسن في الدوحه
ندوي :عادي وين العيب
عمتي ساره :العيب انه بس وحده تعرف تسوق فيكم وبعد موب ذيك السواقه واول ماساقت بكم ضيعتكم في البر وهاذي بس وحده اذا تعلمتو السواقه كلكم ويش بتسوون
معادبنا لقينكم الى في النقيان تطعسون
ريموه :ايه صح وناسه التطعيس وخاصتن في النقيان متى بتعلم اسوق ياربي
ندوي :صح وناسه كان كل يوم في شارع
وتقصر صوتها الحب ياحبي
انا :اف كان وناسه كليوم لف في الشوارع وكتشف الاماكن وعرف كل صغيره وكبيره تصير في الدوحه وكان انا الحين حافضه خريطت قطر
نصوراخوي :ايه صح كان ونثه على الااخر
امي :عقب الي قلتوه انسو السواقه
انا :نصور ويش مقعدك معنى
نصور :عادي
انا :لا موب عادي قارفني عبود ولد خالتي مشاعل من كثر مايجلس مع الحريم وتسوي مثله يالله فارق
نصور :هو الي ناصحني اجلث معكم اصلان
انا :مالت عليك انت وياه قم طس جعل عبود يموت
هيا ام مهوي :لا تدعين عليه ماعندها غيره لايموت راحت فيها
ندوي :كلش دعوت ليلو مستجابه
انا :ليه انشاله ماتستجاب شايفتني مثلس خايبه
ندوي بستخفاف :ليه ويش فيني خايبه
انا :كليوم طايحه على المسلسلات المكسيكيه وانتي تدرين ان الي يشوفها ماتقبل صلاته اربعين يوم وانتي ينتهي مسلسل وتابعين مسلسل والمسلسل يمكن يجلس يشتغل سنه كامله
ندوي :انتي على بالس مطوعه المسلسلات المكسيكيه مثل أي مسلسل موب غير عنها بواجد
انا :الله اعلم وانا اصلان موب اكبر همي انت بس ابي اعلمس ليش خايبه
ندوي :انطمي انطمي كل البنات يتابعونها موب انا بروحي
امي :ما انكم فضيحه ماتستحون كل وحده تطلع بلاوي الثانيه
انا :انا ماعندي بلاوي
نصور :ولافلام الهنديه
انا :قم فارق جعلك الجلطه ...
واخذ شبس وخذفه وقام وراح
نوير :الله يعينس ياخاله عنود على بناتس فضيحه
امي :الله يعيني استر عليهم منا وهم يفضحون انفسهم منا
ريموه :ترا مارحنى بعيد نفسس انتي وخالتي هيا وخالتي مشاعل موب كان مثلنا
خالتي هيا :بسم الله علين احنى موب فضيحه
ريموه بعصبيه :ويش قصدس
هنود :ريموه احترمي نفسس لا تعلين صوتس على امي
ريموه :قولي لمس لاعاد تكذب وموب قايله شي
هيا بعصبيه:انا اكذب
ريموه :ايه تقولين انتو موب فضيحه وجدتي نوره معلمتني بكل فضايحكم يومكم كبرنا نسيتي ولا اذكرس
هيا :العنود شوفي بنتس ريم معاد لابتاكلني
امي :ريم خلاص عاد
ريموه :هاذا انتو يكبار دايمن كذا تقطون كلمات كبر الجبال وذا قلنا شي سكتونا اشرهه موب عليكم علي الي جالسه معكم
وقامت ريموه ووقفت
ريموه :يالله قايس تروحون معي نلعب كوره مع العيال
امجاد :خلينا جالسين
عبير :لا بروح نلعب يالله
انجود :امجاد بتجين ولا انطمي
عهود :يالله
امجاد :خلاص بروح وامر لله
ريموه :ترا موب غصب
امجاد :خلاص بروح معكم
ريموه :لميوه تروحين معنى
نجلا :لاخلو لمياء اخا يصيرلها شي
عبير بستغراب :شي مثل ويش
نجلا :تطيح وتتعور
ريموه :ترانا نلعب في تراب موب فوق جبل
لميوه :مابي خلاص روحو
عبير :كلش ميتين على لعبس يالمايعه
نجود :بلاكاسره خاطرنا كنس مسكينه
لميوه بميوعه :ليه شايفيني اشحث
عهود :خلوها هي الخسرانه
لميوه :ليه لاكون رايحين توقعون على صفقه بلاملاين
عبير :وجودس معنى اكبر صفقه لس
لميوه :وييييع صفقه خسرانه
نجلا :بنات خلاص ماتبي روحوالعبو خلوها
ريموه :اشبعي بها
وراحت ريموه وشلتها وخذو معهم امل ومشاعل بنات عمي فيصل ودانا بنت سلطان ومنال بنت عمتي ساره
وخذو الكوره عشان يلعبون
وعمتي هيا التفتت على امي وعطتها محاضره بخصوص ريموه بس بصوت واطي وجلسو البنات والحريم يسولفون
الهنوف وندوي ونجلا ولولوه ولميوه يسولفون عن المكياج
وامي وخالتي هيا وحصه ام شيخوه وام طليل يسولفون في خلق الله ماخلو احد ماحشو فيه وجواهر ودلال ومهوي ونوير ورنود يسولفون عن المغامرات والمواقف
وانا وشيخوه وخلود جالسين نتهاوش انا وشيخوه نقنع خلود انها خلاص ماد بها من الشله وهي غصب تدخل معنا تقول عاد بجي معكم حتى ولو سكيورتي لشله مدر كيف
ذي مافها حيله تستوعب انها خلاص موب من الشله عشانها تزوجت ألمهم شوي وجاء ماجد
وقال :يقول ابوي جيبو كل البزارين وانتي يايمه شيخه
جدتي : ليه
ماجد: بروح نتمشى شوي كلنا
شيخوه :ياسلام وحنى مالنا رب
ماجد :خلاص باقول لبوي
وبعدين راحت جدتي وياالبزارين مرهم جدي على السياره وخذاهم وقالنا جدي اخذو راحتكم ترمابه احد الشباب كلهم بيروحون وبعد ساعه ولا ساعتين بنجيكم
المهم بعد مارحو البزران وجدتي وجدي والشباب مابقا في الخيام غير شلتنا رنود ومهوي وانا وهنود وندوي ونوير وشيخوه ولميوه وشلت ريموه الي هي ريموه وعهود ونجود بنات سلطان وعبير وامجاد بنات نايف وشلت النواعم علاقولتهم الهنوف ودلال وساره عمتي وجواهر ونجلا وخلود
والحريم الكبار امي والولوه وهيا خاتي وحصه ام شيخوه ونوره ام طليل والبزران الصغار من خمس سنين و تحت
غدير بنت عمتي ساره ورامي ونص نص هاذا اصغر اعيال عمي سلطان واسمه ناصر ومسمينه نص عشانه جاعمره سنه وزباده ماطلع له غير نص ضرس وبعد اختصار لسمه
وريماس وخالد بس نسمبه وخوخه يعني دلع عيال عمي وليد
والجوري بنت خالد ولد عمي سلطان وحمد ونسميه حمني وخوه سلطان وامه تسميه احيانا سلطه هولا عيال جواهر بنت عمي سلطان وهم اكبر شياطين في الدوح وخالد ولد عمي فيصل وبس المهم
كلنا مجتمعين على الفرشه ونسولف
خلود بحزن مصطنع :شوفو العذاب
نوره ام طلال :وينه
خلودبحزن :العذاب الي انا فيه
امي:ويش العذاب الي انتي فيه
خلود بحزن:ضايعه هويتي
شيخوه :يعني انتي بدون
هنود :سحبو منس الجنسيه
مهوي :يعني انتي موب قطريه
نوير :لاحول ولاقوة الابالله
نجلا :شوفي ويش انتي مسويه لين سحبو منس الجنسيه
ريموه :حراام من الي بيعطيس جنسيه الحين
رنود :اصلان وين بتلقا جنسيه مثل الجنسيه القطريه
خلود بعصبيه:عمى انتو اذا فتحنو ثميكم معاد تعرفون تسكرونها انا موب قصدي الجنسيه يعني الجنسه القطريه
دلال :لايكون قصدس انس بويه
لميوه :ولامسترجله
هنود :لميوه نفس الشي المسترجله والبويه
عهود :لا البويه تتشبه برجال والمسترجله هاذي خالصه يعي صايره رجال
جواهر :لا يكون انتي ياخلود من ذولا الي يتكلمون عنهم
نوير :لعن الله المتشبهين من الرجال بنساء ومن المتشبهات من النساء برجال