منتديات كوفي كوب Coffee cup - عرض مشاركة واحدة

09-20-08, 07:10 PM

أما نوير بنتها سيده طول ماحنا نلعب وهي تنضف وتكنس وتمسح كنهاشغاله وتلبس مليون مره
نوير : أجل تبيني اسوي مثلس كل ما مريت على بنتس لقيتها تبوس في واحد ولابعدمتزوجه مليون واحد وبنت بعدكيف مدري
أنا :مالت عليكم كلكم العابكم تجيب المرض خلونا نلعب بلتل شكن لأني اخر مره كنت في الجزئ الاخير
ندوي :مادريتي
أنا :ويش
ندوي :نصور مسحه
أنا :جعل ذاالطرم الجلطه
ألمهم أحنى ساعه نتناقش ولميوه قاعده تلعب توم وجيري
وعلى طول غيرناه ولعبنا مصارعه عشان نلعب كلنا ولعبنا كلنا انا وشيخوه وريموه ومهوي ونوير وهنود وندوي ولميوه وكل وحده لعبت بلموصارع الي تحب
أنا.....(.لوفري )
شيخوه ....بلمصخره الي هي مسويه لجلط
ريموه ........(ليتا)
لميوه .......(توري )..عرفت تختار مصارعه مايعه مثلها ومتفصخه بعد
ندوي ...... ماعجبها احد من المصارعين تقول كلهم دفشه ويروعون وشيان وفي لاخير جلست تلبس ساعه مابغت تخلص
وسوت لها واحد كنه بنيه ماخلت شي حلو ماحطته في وجهه حتى حاطه له ظل مالت عليها لا ومسميته (تامر )على تامر حسني وانك نيم( توتو) صدق انها تافهه
مهوي .....مختاره( كين تكر)
نوير ......مصارعها المفضل (روب فندام)
هنود .......ملبسه واحد من قبل وملبسته بالطو ابيض يعني دكتور ونضاره طبيه ولبس كله اسود وما خده حركات المصارع (هولود) ومسميته (ريان)
وحطيناها ملكيه وجلسنا نلعب وشوفو الهده والازعاج وانا معني كنت تعبانه بس ما منعني تعبي من العب والفوز وتكفيخ البنات وخاصتن مصارع شيخوه الي مسميته جعفر وانك نيم (سويت مان )وا جلس اطق فيه لين تفل العافيه عشان ثاني مره تعرف كيف تلبسه لبس صاحي أما الحقيره هنود كان مصارعها الدكتور قوي مووت كل ماجيت ابي اكفخه سوت ذيك الحركه الي يشر بيده ثم يخنقني ومايفكني لين اطيح وما اقوم الى بعد شوي وريموه بلعنيفه المصارعه الي معها( ليتا )مسكت تامرمصارع ندوي الي كنه بنيه وكسرت ضلوعه وندوي طول الوقت تتحلطم( حرام عليس مايصير ياعنيفه ) ومهوي بمصارعها( كين تكر) مستلمه لميوه وجالسه طول الوقت ترضخ مصارعت لميوه( توري ) وبعد ماشفتنا البنات وكلهم بقوس من بعض ومشوخ لأن الوحده اذا عجزت تضرب الوحد في العب مسكتها على الطبيعه ولعت خييرها ألمهم قررت نشغل الفيلم وعلى طول وافقو وحطينا الفيلم ..(نو أنتري )وكنا متحمسين معه حدنا وخاصتن يوم راحو ينتحرون وندوي طول الوقت تمدح في (علي خان) وشيخوه عاجبتها عضلات (سلمان خان)
ونوير عاجبتها شخصيت أخوهم الكبير الي سيه مردي ويش اسمه "مدري ويش معجبها في شخصيته التافهه مثل شخصييتها " ألمهم أنتها الفيلم وبدو البنات يتهاوشون كل وحده تبي تشغل فيلمها الي هي جايبه وبعدالمجزره الي سووها شغلو فيلم جاكي شان وهنود ولميوه ماعجبهم وراحو يتمشون في المستشفى على بالهم في الكرنيش وكل شوي داخله علينا نيرس تقول ممنوع الازعاج ألمهم اندمجنا مع الفيلم الي كان روعه كله ايثاره وبعد ما انتها قامت شيخوه تطبق شوي من حركات جاكي شان على البنات ...وعفسو الغرفه ويصارخون البنات واخر ازعاج حتى انا بغيت اطردهم وكل شوي داخله نيرس ودكتور يبونا نقصر صوتنا حتى مره جات مريضه تقول ازعجتوني بس لا حياة لمن تنادي
ألمهم ارجعو هنودولميوه بعد ماحاسو المستشفى جلسنا الي يلعب والي يسولف ويعلموني بخبارهم من البروكل شوي داخله علينا ممرضه مخربه الجو المهم قلت للبنات عن كلام الدكتور بدر وضربة فيوزهم واكثروحده شيخوه وقررت مهوي هي وهنود بنيابه عن شيخوه الانتقام من د.بدر وينتظرونه يجي ومافيه امل فاقررت الخبله مهوي تروح تدوره
وقالت: لي اروح معها لكن انا كنت تعبانه ماقدرت وانقهرت ابي اروح معهم وراحت وياريموه وهنوده بنيابه عن شيخوه وقبل مايطلعون دق الباب د.بدر جاي يطمن علي
قال: رجاًياانسات خلو المريضه ترتاح
قالت: ريموه هي مرتاحه كذا
قالت :هنوده دكتور كن عيونك فيها حول
قال :هاه
قالت: نوير اف كن فيه ريح خايسه
قالت: لمياء كنها معك يادكتور وتجي مهوي وترج بيبسي لين قال بس وتفكه في وجهه لاموصغه ويعصب ويقول: ياقليلات الادب ويروح ونضحك ونضحك وترتاح مهوي نفسياً ومعنوياً المهم
جات الساعه 6 الصباح وكلمت امي
قالت: بتجي
قلت: لها انا برقد والبنات بيرجعون البيت
قالت: خلاص اذاقعتي دقي علي
قلت: اوكي شوي وجاء الدريول ياخذ البنات قايلين له يجي البارح المهم انا كنت موب نعسانه واكيد بطفش وانا قاعده بروحي
قلت: للبنات يقعدون
ولي قالت: امي تقول تعالي الساعه6
والي تقول: ابوي ومادري شنو المهم قعدت اتحلطم بنات عم خايسات ليتني عند خوالي وماعندكم دم واتحلطم لين راحو معاد فيه الاخواتي
قلت: ماعندهم دم شوي الا راجعين
قالو: خلاص بنرسل لهلنا رسايل نقول انا موب جايين الا الظهر
قلت: هاذولا بنات اعمامي ويرسلون الرسايل وتمت الموافقه ونجلس طفشانين شفنا 3افلام هندي وامريكي وصيني وملينا من لعب البليستسشن وجعنا
قالت: لمياء شرايكم نطلب فطوربما ان الدريول
موجود برا
قالت ندوي: ونطلع في حديقة المستشفى نفطر
قالت :مهوي شرايكم نروح للمطعم نفطر ونغير جو
قلنا: اوكي اف مشكله انا ماعندي عبايه ياربي شنسوي ؟؟؟؟ اذاجبنا من البيت بيكشفونا شنسوي ؟؟
قالت: نويرموب مشكله بنسوي عليس دئره لين تاصلين السياره والدريول لايتلفت لعنت خيره ونروح نشتري لس عبايه ونطلب سندويشات في السياره ونتمشى لين الظهر وبعدين من قالس ان احد بينتبه لس الي يشوفس اكيد بيقول شغاله
قلت :لا والله امشي بس امشي ونطلع وكانو البنات مسوين علي دائره وشكلي كان غلط لابسه ثوب ابيض منقط برصاصي حق مستشفى ولابسه نعال حمام بلاستيك ورابطه شعري وهومليان دهن وكلي لزقات واعرج وامشي لين وصلنا موقف السيارات ياربي على أي سياره جاي ونكلم الدريول والمشكله انه غبي توه جديد بعد ايش درينا انه جاي على ارمدا سياره كبيره وندور وندور واخيرا لقينا السياره واركب قدني تافله العافيه قالت هنوده اسمع رفيق مافي شوف يمين ولا يسار لو ماما انتا يجي يمين كلام شوف يمين انتا مافي شوف بس قدام شوف اوكي ويلتفت
ويقول: انتي لوتبني انعمي ياحياتي انعميت طلع موب دريولنا طلع قطري ويصارخون البنات وينزلون وينحاشون ونزل بسرعه لاطايحه على وجهي
قال: بسم الله عليج ياروحي واركض لاشعورياً لين البنات عند الباب وادخل بينهم جعلهم المرض يدرون رجلي تعورني ما اقدر امشي بسرعه الاودريولنا جاي عند الباب جعل ربي ياخذه الغبي ونركب في السياره ونروح شارع الشافي نبي نشتري عبايه بس كل المحلات مسكره ونروح مجمع مركز التسوق العائلي مسكر ونروح مركز سفاري نفس الحكايه ونروح سوق الخميس والجمعه الساعه 7ونص ونلقى محل واحد مبطل قلنا لريموه انزلي هاذا اخر امل وتنزل وتشتري عبايه ونروح وفي الطريق ونا افك العبايه لا عبايه راس كيف البسها في حياتي مالبستها لا ولركبتي
قلت: الرجعو
قالو : انطمي عبايه تسترس وخلاص بعدين بتقعدين في السياره من الي بيشوفس . المهم وناخذ الساتدوتشات من تكى واي قلنا خل نتمشى لين نخلص الساتدوتشات ومنتمشى لين وصلنا خط البر
قالت: مهوي شرايكم نروح البر شوي ونرد
قالت :خلى نخلي الدريول ونا بسوق نصف ساعه ونرجع وبعد تشفون سواقتي الي تطورت والحركات الجديده
قلنا: اوكي ونجي عند محطه ونحط الدريول ونروح للبر وتسوق بنا مهوي ونستانس حدنا كل شوي وحده تسوق ونلقى ارنب uونطرده ونطرده لين وصلنا جحره ونقعد نكب فيه ماء وعصير وندخل فيه كيك كلشي دخلناه حتى شحاطي مالت المستشفى ونمشي شوي ونقعد على الرمل كان الجو يهبل ونكمل لين جات الساعه 1 الظهر ونجي نبي نرجع لكن السياره عيت مادري شفيها اظاهر خلص البترول قلنا خلى نتصل على اهلنا بس ياربي بيلعنون خيرنا شنسوي؟؟؟؟ لازم نلقى حلى ومر نصف ساعه واحنى نفكر وقررنا نتصل واللي يصير يصر لكن كانت مصيبه مافيه الرسال شهلورطه ياربي ونقعد كلوحد تلوم الثانيه لين العصر وقررنا نروح مشي لين الخط بس الخط بعيد حيل ونمشي والي تقول بنموت والي ياويلها من اهلها ونوير تصور نفسها بلموبايل وتسجل وصيتها
وتقول : يبه سامحني يمه سامحيني وترا كل الي صارمن ليلوه هي سبب المصيبه والارنب بعد له يد في الموضوع المهم سامحوني وتصدقولي وترا انا الي حارقه البليستيشن حق عزوز وعطو خالتي سلمى خمسين متسلفتها منها واكيد بتقلوني ميته ادفنوني مع جدت صديقتي رشا لاني احبها ولا تنسون حطوني في تابوت وكل سنه حطو على قبري ورد ابيض " متأثره بالمسلسلات المكسيكيه "
وكل وحده في وادي تحاتي نفسها ومشينا بس انا كنت تعبانه مااقدر امشي واجد المهم قرب الليل ونقعد نصيح اقصد يصيحون لأني مالي نفس ومر الوقت واحنى متورطين ومنشي لين صرنا في وسط صحرا مافيها احد غيرنا وصارت ظلمه ما نشوف وخايفين ونسمع صوت طيران قلنا اكيد هاذولا سكون مايبيله ونقرا الاذكار ونصلي وندعي شوي الاومغمى على الدبه شيخوه ونتورط نولع عليها بالموبايل بعد ايش قعدت
الله ياخذها كنا فاضين لها المهم ويمر الوقت ونمشي في الظلمه وكنا نقرب من الطيران الساعه كانت 9 صار لنا 8 ساعات ضايعين ونطالع لا ليتات
الحمد الله ناس ونقرب شوي شوي ونشوف شباب واجد في مخيم ألي كان عباره عن 3 خيام ووحده مبطله من قدام والباقيه لا وبيت شعر وكانت على شكل دائره وفارشين فرشه في الوصط و فيه سيارات واجد حول المخيم 3فكسارات وددسنين وجمس وكامري ونيسان سبورت ولكسز وسياره حلوه ما عرف اسمها و مكسيما وكان شابين على عشاهم بعيد شوي عن الخيام بحوالي 8 امتار وكان فيه اكباس واجد و ألشباب كان شكلهم واجد اكثر من عشرين واحد ومتوزعين
فيه ثلاثه كانو عند ألعشاء الي كان فوضه في كل مكان طايح صحن والقدور متناثره والغواري والسكاكين واكياس وخمام ومواعي وصخه
فوضه لأبعد الحدود "مدري كيف بتجي لهم نفس يتعشون ذا العشا الي وصط ذا المزبله الله يقرفهم "والي جالسين على الفرشه ويلعبون ورقه وفي شباب كانو عند السياره ألكشخه الي مدري ويش اسمها ومشغلين المسجل على اغنية( صرحي صودري )حقت عبد الله بلخير الي كلها طيران ومستنزلين يرقصون رقص موب طبيعي وواحد كان رابط غتره ويهز ذاك الهز الي اتحدا الرقاصه دينا تهز مثله وواحد كن فيه سكن يرقص رقص غريب وواحد داخل عرض قاعد ييول يولة الامراتين والباقين مسوين عرضه وكان فيه بعد 3 شباب جالسي على تندت انيسان مدري ويش يسوون وفيه واحد كان شكله راقد فارش له مرقد بعيد وراقد اكيد ما يبيهم يزعجونه واحد كان فوق الخيمه وكان عنده اريل شكله جالس يعدله والباقين الي رايح والي جاي ألمهم بعد ما قزينا الخيام وشفنا الوضع جلسنا نفكر شنسوي بصراحه خفنا من الشباب الي كانو واجد ونفكر ونفكر ووصلنا لقرار ثنتين يروحون يقولون لهم ان سيارتنا خربت وتعالوساعدونا وتطوعت نوير ولميوه ونحفضهم ويش يقولون لشباب نص ساعه واخيراً استوعبو وسألناهم قبل يروحون نتئكد انهم حافضين صح
قالنا :ويش بتقولون
قالو: بنقولهم سيارتنا خربت قريب هني وابوي وامي واهلي فيها وتعالو ساعدونا
قلنا :برافو عليكم يالله روحو وحاولو تكسرون خواطرهم
وراحو واحنا انراقبهم من بعيد وكنا خايفين عليهم موت من الشباب ونقول الله يستر وفجئه ارجعو بسرعه
قلناكلنا: شيفكم
قالو: بسراحه خايفين وما نقدر نروح ودورو فكره ثانيه
.وبما اني الذكيه الوحيد الي بينهم
قلت: خلى نروعهم لين ينحاشون وطبعاً مارح يروحون على السيارات كلها بس شلون شلون
قالت: ندوي ببطل عبايتي وبتلملم فيها وباصيح يعنني سكنيه
وبعد اقزهم على طريقي يمكن اشوف احد فيهم حلو وانتو اول مايطقون اركبو في اقرب سياره وانابركب ونطق
قلت : وخير يعني اذا كان فيهم واحد حلو
قالت ندوي : عادي اشوفه
قلت وأذا شفتيه وبعدين
قالت ندوي :ويش فيس انتي تدرين اني احب الناس الحلوين وبعدين يلله خلنى ننفذ الخطه