 |
منتديات كوفي كوب Coffee cup
(http://www.cofe-cup.net/vb/index.php)
- المستوى الثاني
(http://www.cofe-cup.net/vb/forumdisplay.php?f=184)
- - بخصوص المراقبات
(http://www.cofe-cup.net/vb/showthread.php?t=64547)
بخصوص المراقبات ( الريان ) السلام عليكم .. اخذت بريك من المذاكره وجيت احش في المراقبات عشان نشوف لنا حل لان فيه اخفاقات بالاختبارات لازم ييتحملونها المعروف ان اجواء الاختبارات تكون مشحونه والواجب توفير الهدوء والتعاون عشان نعرف نحل اما ان الجامعه تجيب حريم غير مؤهلات لا اسلوب لا اخلاق ولا نظام هذي مهزله من اول يوم بالاختبار وهم لاعبات فينا نفسياً الا كم وحده اول يوم كويسات وعقبها خربوهن العجز الباقيات :jOY06369: فاهمات المراقبه خطأ مايمدي الوحده تقول اا قالوا اصصص ولا كلمه ولا صصصوت شوي وتعطيها كف نعنبوتس ابي ماء طيب اموت :frown: وهي اصصص ااصصص لين قمنا نبلع ريقنا لين يفرجها الله وعاد اللي تحرك رقبتها ينشبون لها نعمممم فيه شيء ؟؟ لا مافيه شيء ابي اطق رقبتي ساعتين مدنقه حسبي عليتس :biggrin: والثانيه اللي تراقب البيانات عاد ذي كولمبو ناقصها عصى كهرباء ليشششش ماكتبتي رقمك الاكاديمي ؟؟ هااه؟ البنت تحط يدها في وجهها خايفه تهفها كف :tears: طيب وخري كوعتس اللي كنه ركبه بعير عشان اكتبه ، هذا غير الفرفره فوق روسنا كنهم حراثات تدك الارض وهي تمشي دك من اللي في خاطرها ودها تدعسنا اهم شيء مانتنفس .. اول اختبار المراقبه تقول لا تتحركون الكراسي تطلع صوت طلعوا البنات يعرجون من التشنجات ! والثانيه تقول خشي ورقتك ولا تميلين طيب يالذهينه اللي يمي نموذجها مختلف عني خليني اجلس على راحتي !! وياكثر القرارات اللي يجيبونها يابنات لاتطلعون خطوط وانتم تلونون الاجابات يابنات غمقوا اللون يابنات حطوا دويرا على الجواب يابنات يابنات الله يشغلتس ويفكنا منتس باختبار الرياضيات تمنيت اني اختبر في قسم الشباب كود المراقب يغششني :qiz06251: اقصد يمكن عندهم هدوء وتنظيم , لا جد جد لازم نشوف لهم حل مصخره الرياضيات ماتكرر ويتحملون اخفاقنا عاد عذر جاء على طبق من ذهب :biggrin: هذا غير المراقبه اللي تجاغر في الاسياب يالله اطلعوا يالله ياطالبه البسي عباتس في الحوش < ماخلت احد :biggrin: المطلوب نبي نرسل للدعم الفني الان هذي الرساله : El.support@uod.edu.sa نحن طالبات المستوى الثاني تخصص ادارة اعمال وحصل من بعض المراقبات تجاوزات بالاسلوب والتعامل السيء وتم منعنا من الاله الحاسبه في اختبار الرياضيات ومماطله بالوقت وعدم التعويض كما انهم يسببون جو من التوتر والموانع اللتي ماانزل الله بها من سلطان ويفتقرون للرقي والنظام نرجو الحد من هذه التجاوزات وشكراً لكم استغفرالله لي ولكم من كل ذنب وبرب اكمل المذاكرة واذا تذكرت شيء برجع اسوي تحديث :biggrin: |
رد: بخصوص المراقبات صدقتي حنا من السمستر الماضي متعبينا |
رد: بخصوص المراقبات ^ عشان كذا نبي نحط حد لان معناها هالاسلوب بيستمر لين المستوى الثامن |
رد: بخصوص المراقبات تم:bz606030: |
رد: بخصوص المراقبات الحمدلله م صادفت مراقبه كذا ماخذه راحتي ع الاخر �� |
رد: بخصوص المراقبات الحمدلله اللي عندي مرا عسسل |
رد: بخصوص المراقبات هههههههههههههههههه الله يعينك عليهم الحمدلله المراقبات اللي عندي عسسسل بس جت وحده بأختبار الماث والله ان ودي اقوم واكفخها جابت لنا القلق كل شوي تقول باقي ع الوقت. كذا ومن غير الفرفره رايحه وجايه بس ما توصل نفس اللي عندك من المراقبات. |
رد: بخصوص المراقبات انا ابالغ في الوصف خاصه الماء هههههههه بس الفرفره والتشديد والتسكيت والمنافخ لا صادقه .. صدقوني كلهن كذا بس انتم على نياتكم ماتنتبهون < غصب |
رد: بخصوص المراقبات اقتباس:
|
رد: بخصوص المراقبات اهم شي يبطلون يلبسون كعب والله راسي صدع واهي تلف وتدور مع الكعب غير الاضاءة السيئة في القاعه كأنك داخله قبر |
| جميع الأوقات بتوقيت GMT +3. الساعة الآن 12:55 AM. |
الدعم الفنى المجانى من روابط فى بى اطلب الان دعمك مجانا
HêĽм √ 3.2 OPS BY: ! ωαнαм ! © 2011-2012
new notificatio by 9adq_ala7sas
جميع المواضيع والآراء تمثّل وجهة نظر كاتبها فقط ولا تمثّل منتديات كوفي كوب بأي شكل من الأشكال ما لم يوضّح غير ذلك
Content Relevant URLs by vBSEO 3.6.0