|
(اص عيب) .. (لاتعلم احد) ........وبعدين ؟؟ بسم الله الرحمن الرحيم السلام عليكم ورحمة الله وبركاته كيفكم ان شاء الله تمام. . موضوعي اليوم جريء شوي بس هو مشكلة وكاثره هالايام وبقوة وحبيت اناقشها معكم وبالذات اننا جيل بنكون امهات واباء المستقبل موضوعي هو ( التحرش الجنسي بالاطفال ) وخصوصاً من قبل السواقين والناس الي نثق فيهم (الاقارب) دايم الاحظ السواق يشيل البنات الصغار ويوديهم المدرسه ويرجعهم:jPR06251: طيب وين الام الي حرام فيها هالكلمه وين الاب الرخمه الي مخلي شرفه وعرضه مع هندي ولا بنقالي ولا فلبيني ..يعني اذا الاب ماحرص على اطفاله بيحرص عليهم الاجنبي ولا احيانا يكون مسيحي او هندوسي والادهى من كذا بالسوق ياعالم الام مخليه بنتها ولا ولدها الصغير مع السواق برا وهي جوه تتسوق :sktlshina-284a86446 يختي انتي وش دمك وش احساسك باي عقليه عايشه:sktlshina-284a86446 والفئه الثانيه الاقارب لانهم اقارب نعطيهم كل الثققه:smile: وللاسف صار البلا منهم ياخال ياعم ياولد اخت او ولد اخ واحيانا الاب و الاخ الله يكفينا . . الطفل دايم نمنعه من الكلام عن اعضاء جسمه وعيب اسكت ولا تقول واذا جاء يشتكي لامه قرصته وقالت عيب اص الطفل بهالطريقه اذا تعرض للتحرش ماراح يقدر يتكلم مما يعطي فرصه للمتحرش انه يتمادى عليه ويستغله كل مره. . اقتباس:
امانه هالتعليق مو يفجع يعني كل اربعه اطفال بينهم طفل يتعرض للتحرش:sktlshina-284a86446 يعني بعد كم سنه بيصير كل 4 اطفال يتعرض 3 منهم للتحرش واحد منهم يسلم بس:frown: ليه الاهمال ليه والله العظيم اسمع قصص تدمي القلب عن الاطفال واكثر مانسمع ياسواق ياواحد من الاقارب والمشكله لاصارت بنت تقتل وهي حيه تقضي طفولتها ومراهقتها وشبابها وباقي العمر معقده نفسيا وتعبانه وماتقدر تتزوج وتعيش مثل باقي البنات والسبب طيش شاب او استغلال سواق لها وهم عاشوا وهي الي شالت العاقبه بروحها وان كان طفل تلاقيه يكبر وهو مهزوزه شخصيته مصاب بامراض تناسليه فاقد الرجوله ويعيش ماله اي معنى بالدنيا المجتمع يحتاج لتوعيه يحتاج ينقص من لسانه كلمة عيب ماذبحنا غير كلمة عيب حتى الام اذا اكتشفت ان طفلها تعرض لتحرش حطت ايدها على فمه وقالت لاتقول لاحد عيب ليه عيب ليه مانردع هالفئه الحقيره اللي قدرت تهتك جسد طفل ليه مانعلم الطفل وشلون يصرخ اذا احد لمس اماكن معينه بجسمه ليه مانعلمه شلون يدافع عن احترام وخصوصية جسده لاتقولون طفل مايفهم لا يفهم ويستوعب حتى لو استوعب ليه هالحرص عالاقل يستوعب ان هذي خصوصياته ولا يحق لاحد التعرض لها وان تعرض لها احد لاززم يتكلم لازم يقول لامه او ابوه "المشكله كبيــــرةة والحل بسيــــط" لو كل مُدرسة او مدرس في ابتادئيه او تمهيدي يشرحون للاطفال كيف يحافظون على انفسهم وخصوصية اجسادهم تدريجيا بتقل هالمشكله انا ما اقول نمحيها من المجتمع لانه مستحيل لكن اقل شي نقلل منها قدر المستطاع نحاول نوعي الامهات بالبيوت نحاول نخلي الطفل طفل بكل شي الا بشرفه . شي والله يقهر ويعور القلب :mad: اتمنى اني ماكنت مكثرة الكلام وان شاء الله وصلت الموضوع بالطريقه الصحيحه واللاسلوب المقبول بقلم اختكم /غرام .. والموضوع مفتوح للنقاش:CE_DP_Stealer: = ) |
رد: (اص عيب) .. (لاتعلم احد) ........وبعدين ؟؟ الله يصلح ويهدي النآس :sktlshina-284a86446 :sktlshina-284a86446 يعطيك العآفية غرآم |
رد: (اص عيب) .. (لاتعلم احد) ........وبعدين ؟؟ يعافيك ربي |
رد: (اص عيب) .. (لاتعلم احد) ........وبعدين ؟؟ يعافيكم عالمرور:CE_DP_Stealer: نورتوني:redface: |
رد: (اص عيب) .. (لاتعلم احد) ........وبعدين ؟؟ الله يصلح النااس ياارب يسلمووو |
رد: (اص عيب) .. (لاتعلم احد) ........وبعدين ؟؟ اللهم امين:redface: مشكوره على المرور:CE_DP_Stealer: |
رد: (اص عيب) .. (لاتعلم احد) ........وبعدين ؟؟ من أمن العقوبه أساء الأدب :smile: الواحد مايقدر النعمه الى عنده الأطفال نعمه من ربي كثير يفرط فيهم ولا يهتمون والخدم متولين التربيه والمسؤليه للآسف وغيرهم يدفع فلوسه يتعالج يبي طفل :( |
رد: (اص عيب) .. (لاتعلم احد) ........وبعدين ؟؟ كلام سليييم بس من يسمع !!:frown: يعطيك العافيه عالتواجد منوره:CE_DP_Stealer: |
رد: (اص عيب) .. (لاتعلم احد) ........وبعدين ؟؟ قبل كم يوم كنت أتكلم مع خوآتيَ بموضوع آنو لآزم نعلم آطفآلنآ < خوآتنآ آلصغآر آو حتى آبنآئنآ بآلمستقبل لآزم نعلمهمَ كيف يحفظ نفسه من هآلأشيآء وش هي آلعوآقب آللي بتحصل لو م حفظ نفسه >< وأكبر غلط آللي ذكرتيه أنو آلآم تقول عيب ! حتى وآلله أنآ آشوف كذآ تقول عيب لطفلهآ ؟! ليه عيب ! < لو حصل لاقدر الله وأحد تحررش فيه , أكيد م رآح يقول وبيسكت :( حححححرآم وآكبر حرآم ! كلآمك ي عوآطف عين آلععقلَ وم آزيد عليه :( وي ليت آلكل يآخذ بكلآمكَ , توعية آلأمهآت و آلمعلمآت هذآ آهم شيء :) وبيخفف صصح من شعبية هآلموضوع >< ومن نآحية ثقتنآ بآلسوآقين أنآ من نآحية مجتمعي آلحمدلله ثقتنآ بآلسوآق م تزيد عن حدهآ ولى نخلي الاطفآل معه آبدن :) آلله يحفظ أطفآلنآ وآطفآل آلمسلمين من كل شر وسوء :( عوآطف , صرآحة م قدرت آتكلم عن كل آلنوآحي آللي تكلمتي فيهآ لآن كلآمك يكفي ويوفيَ وي ليت آلكل يآخذ بكلآمك :) آهنيك ع جرآءتك وتنميقك للموضوع , مآشآء آلله آبدعتيَ ولك تقييمَ وأن شآء آلله نشوف لك موآضيع جديدة ومبدعة مثلك كذآ |
رد: (اص عيب) .. (لاتعلم احد) ........وبعدين ؟؟ يسعدني والله تواجدك ونقاشك للموضوع .. الي كنت انتظر احد يتفاعل بجد في السالفه لانه مو شي سهل ابد والحمد لله جيلنا فيه احد متفتح على هالموضوع وكثير اشوفهم حريصات حتى وهم للحين ماجابوا اطفال ويارب انه التوعيه توصل لاكبر عدد من الامهات وحتى الي ماتزوجت لانه حنا الي بنبي الاجيال القادمه اختي هيفاء اثلج صدري ردك :CE_DP_Stealer: ومشكورة عالتقييم (وان شاء الله تتابع ابداعات الكوفيين من اقلامهم انفسهم) ويعطيك الف العافيه اختي:CE_DP_Stealer: |
| جميع الأوقات بتوقيت GMT +3. الساعة الآن 04:55 PM. |
الدعم الفنى المجانى من روابط فى بى اطلب الان دعمك مجانا