|
!!!!!مــعاناة الشباب!!!!! السلام عليكم شخباااااركم من زمان عنكم انا راح اطرح موضوع شوي البعض يعتبره عندنا خط أحمر وهو بخصوص احنا الشباب و معناتنا من الجميع قبل فترة طلعنا احنا والشباب للثمامة طبعا المكان اللي يكون مقابل شالهيات قرية الثمامة اللي تكون مقابلها يعني في البر لكن يكون موجودين العوائل هناك طبعا احنا حاولنا نكون بعيدين عن العوائل طبعا وصلنا للمكان المطلوب ونزلنا من السيارة بعد فترة وقفت عندنا سيارة كانت سيارة عادية الظاهر كانوا يطالعون فينا بعدين حركوا بالسيارة شوي و الهيئة عندنا نزلوا من السيارة سلموا علينا طبعا سئلونا اسئلة كالمعتاد وش عندكم قاعدين هنا..؟ وش تسووون هنا ...؟ جوال من هذا ...؟ طبعا في الوقت هذا كانت النظرات لنا كأننا مسوين شي او بالاحرى كان يدور شي طبعا ما لقى شي عندنا فكر شوي وقال لنا لاتقعدون هنا هذا مكان عوائل قلنا له حتى البر عوائل طبعا ما كان يبي نجادل معه في الكلام قال لنا اذا ما رحتوا بأركبكم معي طبعا احنا ما نبي مشاكل و حركنا على البيت وبس انا تعليقي على شيئين اثنين فقط هو إلى متى الهيئة تمارس مع الشباب الضغط نفسي يعني ليش ما يكون في حسن نية قبل سوء الظن انا مأدري هل الهيئة تحاول في الفترة الحالية تنفير الشباب منها لأن اغلب تصنيف السكان اغلبه شباب يعني إلى متى الهيئة راح تكرهنا فيها يعني لازم اكون مطوع حتى الهيئة تشوفني احسن واحد سؤالي هو : الهيئة هل وضعت للأمر بالمعروف والنهي عن المنكر فقط ....؟ الشي الثاني : بالنسبة للعوائل يعني قالوا سوق قلنا معليش عوائل ومالنا لزوم ندخل سكتنا قالوا الاماكن الترفيهية لازم عوائل قلنا عوائل واحنا مو شرط نسلي انفسنا سكتنا رحنا للبر نوسع صدورنا قالوا لنا عوائل يعني احنا ما ندري نروح للمريخ علشان يكون مافي عوائل يعني هل تريد الهيئة و ممن يحاولون منع الشباب من دخول تلك الاماكن هل المقاهي اللي يكثر فيها شرب الشيشة هي اماكن الشباب ...؟ نبي تفاعل |
رد: !!!!!مــعاناة الشباب!!!!! ..~ شف ياأإأ اخ‘ـوي انا والله ما صار لي قد صار لي موقف مع الهيأة من قبل علشان اقدر اح‘ـكم ع‘ـليهم بس لآ تتوقع يالغإأإلي كل منسوبي الهيأة كذا يعني في منهم ومنهم وري اللي ينح‘ـطون ع الجرح ويبرى لكن انا تعليقي ع الشباب وييييين يروحون والله هذا سؤالي اللي يح‘ـيرني انا كشاب سع‘ـودي في بلدي وييييييييييين اروح لأماكن مع اخ‘ـوياي!!!!! الله المستع‘ـأإأن بس والله إنا تع‘ـبنأإ واح‘ـنأإ نتكلم عن ذا الموضوع آآآخر شي وصلت مع‘ـي إني اروح لرئيس بلديتنا واكلمه عن ذا الموضوع بس ابي دع‘ـم اخ‘ـوي وربي اح‘ـنا نع‘ـأإأإني من نفس المشكلة يمكن المناطق اللي فيها انفتاح شوي اللي في المملكة هم اللي مبسوطين لكن وش نقول غ‘ـير الشكوى لغ‘ـير الله مذلة :frown: تقبل مروري يا بع‘ـدي :CE_DP_Stealer: اييي صح‘ يشرفني إني اول من رد ..^^ ~.. |
رد: !!!!!مــعاناة الشباب!!!!! انا اقول صآرت المقآهي او بالأحرى القهــوه اكثر ذهاباً للششبآب لعــدم وجــود امآكن يذهبون إليها وهاذا سسبب تعود إليه الدوله لأن اي ششخص كان مايعرف هالمكان ومن الطفشش رآحه اعتقد ان السسبب الرئيسي هو الدوله بسس وش نقول غير حسسبي الله ونعم الوكيل تسسلم يمنـآك يالغالي على الطرح الرآئع |
رد: !!!!!مــعاناة الشباب!!!!! ههههههههههههه اشوف كل الموجودين يحكون معاناتهم :jOY06369:..ياحرام ياحرام ياخي حسوا فينا شوي .:tears:.انتم متى ماتبون تطلعون حنا ياعمري علينا مانطلع الابالسنه مرره بعدين ياسر التويجري يقول:bz606030: ... لا تقيس الدار هاذي مع ربوع فينا = ولا تقارن هالشباب بواحد لبناني أبك ذولا مجرمين وعالم منجنه = عشقهم لحم الجمال وطبخة الضباني والكلام مو معمم لكل الشباب بس لاتلومون الهيئه..:dunno: الله يعطيك العافيه اخوي ع الموضوع ..بس انا عندي نصيحه:rolleyes: خوذو لكم استراحه ولا خيموا عند البل برا الديار اريح لكم:biggrin::biggrin: |
رد: !!!!!مــعاناة الشباب!!!!! هههه .. انا مع كلام اختي حلى الكون .. :smile: وعلى الهيئة ..الله يعين .. الغلط من نفس الاهل لانو الاهل هم اللي يمكن دقين على الهيئة .. شدعوه شافو شباب جانبهم خلاص ليه .. البر بر ابوهم هو .. كلنا حر في حياتة .. .. |
رد: !!!!!مــعاناة الشباب!!!!! أخي الفآضل اذا كنتم انآس ذو اخلآق عاليه فغيركم لآ .. العيب ليس بالهيئه وليس الاصلآح للهيئه بل العيب في المجتمع فـعلينآ ان نسعى للأصلآح.. في حآضرنا المؤلم . .نتعآيش مع وآقع لـآ يترك مج ـآل ل ـلـأستمتآع فـ عندما تخرج مع عائلتك ويأتي شباب >اذا كنت بنت . . ويعكروا عليكم الصفو .. (يجي ابوك يقول يلآ مشينآ :biggrin:) قهر والله قهر .. سؤالي هو : الهيئة هل وضعت للأمر بالمعروف والنهي عن المنكر فقط ....؟ انا من وجهة نظري نعم ..الشي الثاني : بالنسبة للعوائل يعني قالوا سوق قلنا معليش عوائل ومالنا لزوم ندخل سكتنا قالوا الاماكن الترفيهية لازم عوائل قلنا عوائل واحنا مو شرط نسلي انفسنا سكتنا رحنا للبر نوسع صدورنا قالوا لنا عوائل يعني احنا ما ندري نروح للمريخ علشان يكون مافي عوائل يعني هل تريد الهيئة و ممن يحاولون منع الشباب من دخول تلك الاماكن >>> البر بصرآحه لكم الحق .. بس الناس هاليومين ماتصدق مكان عام الا تبدى حركآتها >> مش الكل طبعآ آ هل المقاهي اللي يكثر فيها شرب الشيشة هي اماكن الشباب ...؟ انـآ احزن ان ارى شعبنآ يرتتآد مثل هذه الامآكن:tears: ولكن ارجع واقول لو أُصلحَ الشعب واصبح كل فرد فيه يخآف على الناس مثلثما يخشى على اهله لكن الان خير امه .. ولآتنسوآ قوله تعالى .. .. ( كنتم خير امة اخرجت للنآس تأمرون بالمعروف وتنهون عن المنكر .. ) يعطيك العآفيه عالططططرح .. |
رد: !!!!!مــعاناة الشباب!!!!! تسلّممّ آخووي كــآسر آلحب ع آلموضوع آو بآلآحــر{ى آلمع ـنآآهـ... منّ جد يآحرآآمّ كل مكــآنّ عووآئل عوآئل لآحوول وآلله لو آنّي شآآب آطق من آلطفش خخخ بس آنآ آشووف آنّــو عنّـآآ بآلشرقييهـ آحس آلشبآآب مآخذّيينّ رآحتهم نوعـآآ مآآ>>>مو حييل وآذّآ ع آلهييئهـ مو كلهـم هيييييك بس آنآآ مرهـ شفت موقف بصرآحـه زعلت آنو هيئتنّـآآ هـذّآ تع ــآآملهم مع آلشبــآب بس آكيييييييييييييد مووش كلهم {{فيييهمـ آلخيير وبصرآحــه وجودهــم في آغلب آلآمــآكن يشعر بـآلآمـــآنّ لآنّــو موو كــل آلشبــآب محتـرميينّ:6yz06119: ...........آلسمووحه ع آلإطــآلهـ........... |
رد: !!!!!مــعاناة الشباب!!!!! بصررآحه من جد معـآنآة ضآغطين عليكمـ مرره يآحررآمـ :LAC[1][1]: لو يحطوون آلمكآن مرره يكون حق آلشبآب ومرره حق آلعوآئل :sktlshina-ed758c126 |
رد: !!!!!مــعاناة الشباب!!!!! اقتباس:
كانك فعلت المنكر طبعا لا احد يقولي مو كلهم لكن احنا شفنا وعانينا يعني انا اتكلم من شي شفته صحيح اتوقع الشرقية والغربية هم اكثر الشباب مرتاحين بعدين اهلها المنطقتين تحس ناس راعيين وناسة يعني مو مرة مشددين شاكر لك على مرورك شرفت الموضوع |
رد: !!!!!مــعاناة الشباب!!!!! اقتباس:
شيشة او دخان صدقني مع الوقت في تكرار الذهاب للمقاهي راح يشرب وممكن تكون سبب في اشياء أخرى من بعدها شربه للشيشة يعني الفراغ اللي حاصل او التشديد من بعض رجال الهيئة راح يولد شباب يتعلم سلوكيات اخطر من اللي تمنعنا عنها الهيئة شاكر لك على مرورك الرائع |
رد: !!!!!مــعاناة الشباب!!!!! اقتباس:
شوفي انا مسألة خروج المرأة عندنا تعتبر خط أحمر بالعريض احنا ما نلوم الهيئة احنا نلوم بعض اعضاء الهيئة اللي يسبق النية الشينة على الزينة انا والشباب عندنا استراحة لكن إلى متى احنا نبي نغير من جدران إلى جدران الله يعافيك شاكر لك على كلامك |
رد: !!!!!مــعاناة الشباب!!!!! اقتباس:
حتى لو فرضنا داقين على الهيئة المفروض على الهيئة دام شافنا قاعدين في مكان بعيد اقصد عزلنا انفسنا عن العوائل معناها احنا نبي ننبسط لكن رجال الهيئة بعد الكلام معهم كانوا مشددين خصوصا ان احنا كنا لابسين جينز و اتوقع الشي هذا اغضبهم علشان كذا قالوا لنا توكلوا على الله الله يعينا احنا الشباب شكل مالنا إلا السفر إلى الخارج |
رد: !!!!!مــعاناة الشباب!!!!! الموضوع في غاية الرووعة أخوي كاسر الحب الرجل بطبعه يحاول دائماً يتغلب على المصاعب الهيئة الله يهدي البعض منهم ينظر نظرة عامه للشباب بأنهم سيئين لكن في الكثير من رجال الهيئة يقدرون وضع الشاب السعودي ويعرفون كيف يتعاملون معه تخيل معي لو إن الشيخ محمد العريفي في الهيئة أكيد بيكون أسلوبه حلو وأكيد بيخليكـ بطيبته وأسلوبه تقوم من نفسكـ هذي مشكلة الهيئة واللي يشتغلون فيها سواء بعضهم تطوع أو براتب بالنسبة للأماكن اللي أغلبها عوائل أنا من وجهة نظري أن الشاب خلاص الأماكن اللي يروح لها محدودة ( بر - كورنيش - أيام معدودة في المجمعات ووو... ) يمكن أيام الأسبوع يكون الشاب مشغول سواء بدراسة أو عمل لكن أيام الخميس والجمعة هي حق الطلعة . الإستراحات أو الديوانيات هي حل غير المقاهي العامة للتجمع . العوائل مثل ماقالوا بعض الأخوات معنا في الكوفي الطلعات قليلة لهم ومن حقهم يتنفسون شوي لكن إذا ماكان للشاب ضرر عليهم فما اشوف مانع من الجلوس والطلعة . ماأقول إلا الله يعين وإن شاء الله نشوف الوضع يتحسن أكثر وأكثر الله يعطيك العافية على موضوع النقاش ياكاسر الحب |
رد: !!!!!مــعاناة الشباب!!!!! اقتباس:
صحيح كلامك يعني يكون الظن السيئ قبل الظن الحسن وهذ موجود بين اغلبية رجال الهيئة بزيادة صدقني لو كان مثل نوعية الشيخ محمد العريفي او الشيخ سلمان العودة او من المشائخ اللي له طريقة في النصح او حتى في طريقة الأمر بالمعروف والنهي عن المنكر لكان الهيئة من افضل الاجهزة للشباب لكن بالنوعيات الموجودة ما اعتقد ان الهيئة سوف تكون الافضل بل سوف تكون من الاسوء اخوي احساس اذا انت في الشرقية وعندك الاماكن احنا في الوسطى ما عندنا إلا شغلتين (المقاهي - البر) و اذا جيت تسافر برى قالك لاتسافر للخارج هنا افضل سياحة داخلية ....؟!!! ولاتنسى بعد الاجازات .. تخيل نفسك تروح للمكان يوميا صدقني تتطفش ديوانية او غرف العزاب يعني اخوي احساس اتوقع البر للجميع مو محكور للعوائل لكن في ناس خلاص تعود على شي اسمه عوائل آمين ان شاء الله شاكر لك اخوي احساس على مشاركتك |
| جميع الأوقات بتوقيت GMT +3. الساعة الآن 06:55 PM. |
الدعم الفنى المجانى من روابط فى بى اطلب الان دعمك مجانا