السلام عليكم ومساء الخير على الجميع بخصوص مقرر إدارة التغيير والتطوير خلال مذاكرتي لهذا المقرر لاحظت كميه المعلومات والتعدادات والمعلومات المتفرعه من كل تعداد كميه حشو
خلال مذاكرتي لهذا المقرر لاحظت كميه المعلومات والتعدادات والمعلومات المتفرعه من كل تعداد
كميه حشو وكلام كثير بهالماده لدرجه ماعرفت هل تصنف سهله او صعبه, كميه الكلام تشتت
اذا عندكم طريقه او معلومه عن مذاكره هالماده افيدونا
وعليكم السلام ..
عزيزتي الدكتور محمد سرحان المخلافي له شرح روعة ومحمس وله اسلوب مميز اللي يخلي جميع الطلاب تتفائل بالخير وتتفاعل معاه في البث المباشر
بس حبيت اقولك ان هالمادة تعتمد على الفهم ثم الفهم ... وعلى كلام الدكتور تفهمي عنوان الدرس وشو هو مفهوم عنوان الدرس راح تفهمي محتوى الدرس كله ، وأنصحك انك تتابعي جميع المحاضرات للبث المباشر لانه يذكر دائما اسئلة اثناء الشرح واغلبها جت لينا بالاختبار ، ويستخدم دائماً التلميح في البث المباشر ، الشي الثاني انه يطرح عدة اسئلة في المحاضرات المسجلة تقدروا تستمعوا ليها وراح تفيدكم ، واذكر اربع المحاضرات الاولى كانت عبارة عن قراءة من الكتاب لكن بعدها صارت المحاضرات ممتعة معه ..
لا ابشرك أثناء البث لا يلمح ولا هم يحزنون
يقلك هذه المادة طبق فواكه ..
كلوا من كل الثمرات
في احد يبي ياكل عنب بس؟ تفاح بس؟ برتقال بس؟
لازم كل الاصناف مقدر اعفيكم من شيء !
المادة صحيح دسمة و مليانة معلومات لكن اعتمدي ع الفهم ممكن اذا كانت الفقرة فيها تعداد تقرأي كم واحد فقط مش الكل
الدكتور في محاضرات البث المباشر و المسجلة دائما يؤكد على بعض النقاط أو النماذج أو النظريات و يقول هذه مهمة و بالتالي هذا فيه نوع من المساعدة ، و البعض يقرأها سريع و ما يركز عليها على أساس انها مش مهمة كثير أو تكون مكررة
دائما عند المذاكرة و انت تسمعي المحاضرة المسجلة خلي المحاضرة النصية يمك و القلم و دوني اذا قال شيء مهم راح يساعدك هذا الشي كثير
شوفي عزيزتي شعاع بما ان المادة تعتمد على الفهم اذا شغلي مخيلتك وعدي المادة مثل اثاث بيتك يحتاج تغيير وتطوير في اثاث البيت واكسسواراته واكيد اكو تغييرات تجي تدريجية واكو تغييرات تجي سريعة على قولتهم الجدري الثوري وطبعا انت ماقمت تغيري في اثاث بيتك الا اكو اسباب وكذلك طرحت لك افكار وهي مثليها بالمدارس الفكرية ،طبعا ماكو تغيير الا فيه مشاكل داخلية بالبيت وعدي البيت هو المنظمة والمعارضين اخوانك وكل تغيير داخلي للمنظمة هو احد الاثاث اللي بالبيت سواء كنب او طاولة طعام ، بكذا انتي راح تستوعبي عملية التغيير والتطوير وراح اتاخذي a+ ان شاء الله .