ماهو إنطباعك بعد الإختبار النهائي لمقرر محاسبة ادارية -المستوى الخامس؟

خلينا نكون صريحين ، الاختبار ما طلع عن المنهج وكلها اسئلة مرينا فيها ، يعني يسألك عن التوزيع ولا عن معدل التغير ومن هالكلام بالله يعني هذا ما كان موجود، مشكلتك اذا انت مو مذاكر زين او فقط اعتمدت على اسئلة الفصلي و الواجبات وبعدين تقول اوه صعب!!!

اذا انت فاهم كل مسئلة هي هذا المنهج ومتمرن عليها وقادر تفرق بينهم معناته ان الاختبار كويس لان ما طلع من هالاطار

اتفق معكم من حيث عيوب الاختبار ان مو موزعه ع المنهج بالتساوي وايضا اكبر عيب في الاختبار ان جايب سؤال ومثلا عليه ٥ فقرات أسئلة ، وكان هذا النمط متكرر كثير للاسف وهذا يأثر على الدرجات لان ممكن لو لخبطت في واحد باقي الاسئلة تتأثر بهذا الجواب

عموما هو قال ان بيجب سؤال وعليه فقرات بس تحمس الله يهديه وكثر منها

الصراحة انا بنظري الاختبار كان من اسهل الاختبارات اللي مرت علي لان الدكتور ما تعمق وجاب اشياء ومسائل طويلة ولا اشياء صعبة وبعد قراءتي لانطباع طلاب العام الماضي بعد الاختبار شفت ان اغلبهم قالوا ركز على اخر فصلين وفعلًا بالمحاضرات الاخيرة كان كل شوي يردد هذا مهم وهذا مهم ،حضرت كل المحاضرات ومشيت وحدة وحدة معاه وذاكرت الفصلي والواجبات وركزت تركيز كبير على اخر فصلين والحمدلله ضامنه درجة عالية ب باذن الله

الاسئلة بالنسبة لي صعبة .. انا نموذج 3 جاني

النظري جاب تناتيف بسيطة و ما جتنا بالفصلي او الواجبات الا سؤالين .. تقريبا

و العملي جابه من التوزيع غالبيته ابو الصعوبه و الله

ذاكرت المنهج كله و هذا مقدار استيعابي ..بس الواحد شيقول التوفيق من عند الله

ربي يوفق الجميع