كل الرضا عن طيبتنا وعن لطافتنا ، لمن نكون الطرف المبادر بالاعتذار ، أو نكون الطرف المبادر بالتطوع وعمل الخير ، كل الرضا عن أنفسنا لمن نحب الخير للغير .
وأحيانا نسوي شغلات حلوه ونلقى مقابلها إساءه أو تصرف يوجعنا ، يمكن يجينا شعور الندم وقتها وخيبه عظيمه ، لكن بقرارة نفوسنا راضين بالجمال اللي قدمناه ، لأن مبادئنا وأخلاقنا الشخصيه مبنيّه على اللطافه وعلى الشيء الحلو ، ولأننا بعد تعودنا .
كثير أحيان نكون بموقف المعدوم الشخصيه بنظر البعض ، لكن ما يهم ، أهم شيء رضا أنفسنا ورضا الله قبل كل شيء واهم من كل شيء ..
حلو لمن نكون نعطي بدون مقابل ، لمن نكون الشخص اللي الكل يحبه ويكون له بصمة خير بكل مكان يتركه ، أجمممل أثر نخليه وأجمل كلمه نعطيها ، إيوه حلو كثير إحساس الرضا عن أنفسنا كثير شعور جميل ومريح ..
مهما كان مجتمعنا قاسي ومهما كان مجتمعنا يألمنا أو يسيء لنا ببعض الشغلات ، لا نغير مبادئنا وأخلاقنا ، نتمسك بدستورنا وبأفكارنا ، نتمسك بعاداتنا الحلوه اللي كبرت معنا واللي يكون لها أثر جميل ، نكون قدوه لغيرنا بجمال جوهرنا وبجمال طيبتنا ..