شكلي مو حلو!!! وش بيقولون عني ؟؟!!!

شكلي مو حلو!!! وش بيقولون عني ؟؟!!!

شكلي مو حلو ....!!!!!
الناس وش بيقولون عني ....!!!!!
انحرج من التجمعات....!!!!
اخجل من المواجهات ...!!!!
من الاخير ماعندي ثقة بنفسي !!!
.
كثير نردد أو نسمع هالكلام من اشخاص محيطين فيناااا صح؟؟
عشان كذا نبي نعرف اش معنى هالكلام ؟
ومتى نقوله؟ وليه نقوله ؟وكيف نقدر نوصل لحل ...؟
بدايةً لازم نعرف شي مهم انو...الثقه بالنفس مكتسبه يعني محد يولد واثق من نفسه ، يعني الناس اللي نشوفهم واثقين من نفسهم ويسيطرون على قلقهم وماعندهم صعوبات في التعامل مع الناس والتأقلم بأي زمان ومكان هم ناس اكتسبوا هذي الثقه واكتسبوا كل ذرة فيها.....

ثانياً... انعدام الثقة في النفس اش تعني ....؟؟؟؟؟
اعتقاد الشخص انو الناس يشوفون سلبياته ويعوفون نقاط ضعفه. وهالشي يؤدي إلى:
القلق بفعل هذا الإحساس و التفاعل معه(كيف...؟؟)
بأن يصدر عنك سلوك و تصرف سيئ أو ضعيف ، وفي العادة هذا التصرف ماله أي علاقة ب شخصيتك وأسلوبك وهذا الشي اللي صار يخلي عندك
إحساس بالخجل من نفسك.. و اكيد هذا الإحساس يرجعك مره ثانية إلى نقطة البداية.. اللي هي
...%انعدام الثقة بالنفس%
وبكذا تدمر حياتك بفعل هذا الإحساس السلبي اتجاه نفسك و قدراتك..
........ لكن.......
عمركم قررتوا التوقف عن جلد أنفسكم بهذي الأفكار السلبية،واللي تعتبر بمثابة موت بطيء لطاقاتكم ودوافعكم >>>شفتوا لأي درجه نظلم انفسنا واحنا ماندري؟؟؟
إذا اتخذت القرار بالتوقف عن إلام نفسك و تدميرها..تعال معي
نبدأ بالخطوة الأولى:
1**تحديد مصدر المشكلة:
وين مصدر هالاحساس؟؟
هل تعرضت وانت صغير للاحراج أو الاستهزاء بقدراتك ومقارنتك بالاخرين؟؟
هل السبب انك فشلت في شي دراستك مثلاً؟؟
هل احد المدرسين أو رئيسك في العمل وجهلك انتقاد جارح امام زملائك؟؟
أو ممكن يكون للاقارب أو الاصدقاء دور في زيادة احساسك بالألم؟؟
هل التأثير موجود للحين؟؟
حاول تسأل نفسك اسئله كثيره وتتوصل للحل لكن!!!!
كون صريح مع نفسك ولا تحمل الآخرين اخطاءك
رتب أفكارك .. استخدم ورقة وقلم واكتب كل ماتعتقد انه ساهم في خلق مشكلة عدم الثقه عندك.

2**البحث عن حل:
طبعاً توصلنا لمصدر المشكله الحين بنبحث عن حل...
تأكدوا إنا اذا حددنا المشكلة راح تبدأ الحلول في الظهور
لازم تكون في مكان هادي وتتحاور مع نفسك وتحاول ترتب افكارك
((مالذي يجعلني اسيطر على مخاوفي واستعيد ثقتي بنفسي ))؟؟.
شي مهم... إذا كانوا الأقارب أو الأصدقاء مثلا طرف أو عامل رئيسي في فقدانك لثقتك ..حاول توقف إحساسك بالاضطهاد مو لأنه توقف لكن لأنه ماراح يفيدك في الوقت الحاضر وراح يسهم في هدم ثقتك ويوقف قدرتك للمبادرة بالتخلص من عدم الثقة.

3**لازم لازم تقنع نفسك وتردد:
من حقي أن أحصل على ثقة عالية بنفسي وبقدراتي .
من حقي أن أتخلص من هذا الجانب السلبي في حياتي.
تأكد ان ثقتك بنفسك تكمن في اعتقاداتك.

في البداية لازم تكون حريص انك ماتقول كلمات يمكن تدمر ثقتك بنفسك
وتذكر ان الثقه بالنفس فكره تحطها في دماغك وتتجاوب معاها يعني انت اللي تخلق الفكرة سلبية او ايجابية
وتغيرها وتشكلها حسب اعتقادك عن نفسك...عشان كذا لازم نستخدم عبارات وافكار تشحنا بالثقة ونزرعها في الدماغ..
انظر لنفسك كشخص ناجح وواثق واحذف كل الكلمات المحمله بالاحباط من قاموسك...ليييييييه؟؟
لان ارتفاع روحك المعنوية مسئوليتك وحدك ،دايم حاول اسعاد نفسك واعتبر الماضي بكل احباطاته انتهى وانت قادر على المسامحة واغفر لكل من اساء لك (اهلك اقاربك اصدقاءك) لانك مو مسئول عن جهلهم وضعفهم الانساني.
لاتنسى بعد!!! تبتعد كل البعد عن المقارنه يعني...؟ لاتسمح لنفسك &نيفر نيفر& حتى لو بالكلام بس انك تقارن نفسك بالاخرين لييييه؟؟ عشان ماتكسر ثقتك بقدرتك وركز على ابداعاتك وحاول تطوير هواياتك وبكذا انت تكون الشخص اللي انت تبيه مو اللي يبونه الناس الاخرين...
حاول تقرأ عن الشخصيات اللي قادتهم عزائمهم ان يحصلوا على اللي أرادوه..
واختار لنفسك مثل اعلى ادرس حياته واسلوبه واكيد اكيد ماراح تلاقي افضل من محمد صلى الله عليه وسلم واصحابه.

** نجي هنا عند (بنك الذاكرة): ...
النقص الزايد في الثقه بالنفس مباشره يأخذنا الى ذاكرة غير منتظمة...>>معنى هالكلام..
ان العقل يشبه البنك كيييييف؟؟
كل شخص يودع كل يوم افكار جديده في بنكه العقلي وهذي الودائع تكثر تكثر وتتكون ذاكرته
وأول ماتواجهه مشكله أو يحاول يحل مشكله على طول يروح يسأل بنك ذاكرته : وشو اللي تعرفه عن هذي المشكلة؟
يقوم بنك الذاكرة يزوده أوتوماتيكياً بمعلومات متنوعه عن المشكله... وبكذا يكون مخزون الذاكرة هو المادة الخام لأفكارك الجديدة... يعني لما تواجه موقف صعب فكر بالنجاح لاتفكر بالفشل استدعي كل الافكار الايجابية لاتقووووول (يمكن افشل مثل ذيك المره) اذا قلتها راح تدخل الأفكار السلبية لبنكك وتصير جزء من الماده الخام لأفكارك.
لما تدخل في منافسة مع احد قول ..(..انا كفء لأكون الأفضل)
خل في بالك فكرة (انا راح أنجح) هي الفكرة الرئيسية السائدة في عملية تفكيرك لأن التفكير بالنجاح يجعل عقلك يخطط للنجاح
وأحرص على ايداع افكار ايجابية فقط (ولاحظ قلت فقط) في بنك ذاكرتك ولا تسمح لافكارك السلبية الدخول لبنك ذاكرتك وأخذ مكان لها .

هل فيه عوامل تزيد ثقتك بنفسك؟؟
اكيييييييد فيه ....
=لما نضع أهداف وننفذها تزيد ثقتنا بنفسنا مهما كانت هذي الاهداف صغيرة سواء على المستوى الشخصي أو في العمل.
=لازم تتحمل المسؤولية .. كذا تحس بأهميتك .. تقدم ولا تخاف .. لازم تقهر الخوف كل ماظهر ..
اذا سويت الشي اللي تخاف منه راح يختفي الخوف .. كن انسان نشيط .. اشغل نفسك بأشياء مختلفة .. استخدم العمل لمعالجة خوفك .. راح تكتسب ثقة اكبر.
=قول لنفسك كلام ايجابي كل يوم وصبح على نفسك بإبتسامه حلوه كلها تفاؤل ،
وتكلم يقولون الكلام فيتامين الثقة ،بس قبل لازم تتمرن ع الكلام.

=حاول تشارك بالمناقشات وثقف نفسك في كل المجالات هنا فيه معادله وش تقول ؟؟
انك اذا شاركت في النقاش زادت ثقتك واذا كان كلامك اكثر راح تتكلم المره الثانيه بسهولة.
لكن لاتنسى تتبع اساليب الحوار عشان مايقولون (يازينك ساكت ههههههه )
= لاتنسى تهتم بمظهرك لان المظهر هو أولمشي يشوفونه الناس منك.

= والأهم ... الصلاة وقراءة القرآن تمد الإنسان بالطمأنينة و السكينة وتبعد عنك الخوف من المستقبل، وتجعلك تعمل قدر استطاعتك وتتوكل على الله في كل شي.

=============
ادري اني اطلت عليكم لكن هذا كله لاني اتمنى الفائدة للجميع..

إحساس معجب بهذا

الموضوع الأصلي: شكلي مو حلو!!! وش بيقولون عني ؟؟!!! || الكاتب: احاسيس حالمه || المصدر: منتديات كوفي كوب

http://www.cofe-cup.net/vb

كلمات البحث

جامعة الإمام عبدالرحمن بن فيصل ، واجبات ، ملخصات ، ملازم ، أسئلة ، جامعة ، كوفي كوب

المصدر: منتديات كوفي كوب Coffee cup - من قسم: تطويــر الــــذات ~

---

a;gd l, pg,!!! ,a fdr,g,k ukd ??!!!

يسلموووووو يا دمر ....

الثقه بنفس شي ضروري واذا مافيه ثقه هناك نتائج ثانيه بتصير وبتسبب لك الاكتئاب و الرهب الاجتماعي وووو الى اخره....

يعطيك العافيه..

الله يعطيك العافية ياأحاسيس حالمة على الموضوع

لاتعليق ماعليك زود بالطب عالجتي اصعب الحالات بدون لا اشوف
لاني متأكده من ابداعكـ وصراحتكـ خيتؤ

طرح رائع الف شكر .

يعطيك ربي العافيه