قصيدة كفايه للمبدع الشاعر {طارق المحياس}..

للمبدع , المحياس}.. , الشاعر , {طارق , قصيدة , كفايه

قصيدة كفايه للمبدع الشاعر {طارق المحياس}..

قصيدة كفايه للمبدع الشاعر {طارق المحياس}..

كفايه صار لك شهرين غايب عني يالغالي
كفايه يا اعز الناس ترا والله ما اقدر
دخيلك لا تخيب فيك هقواتي وامالي
واذا انها عالصبر والله وغلاتك عندي راح اصبر
ابتحمل عنا فرقاك وحالي يرثي لحالي
معني والله لين اليوم مدري ليش بس تهجر
ابعرف شالسبب ارجوك وش اللي بس يجرالي
انا شسويت يا ربي عشان تثور وتتفجر
انا والله ما استاهل ابد كل اللي يجرالي
اقل ما فيها بس قــلي سبب خلاك تتغير
ابعرف بس شالموضوع علامك صرت ما تبالي
بذمة كل اهلك فـ يوم شفتني بشي انا مقصر
عطيتك قلبي وروحي وهبتك حالي ومالي
حملت احساس هالدنيا وعطيته لك وانا افخر
عشقتك عشق لا قبله ولا بعده انعشق تالي
هويتك موت واتخيل الين الموت واتصور
واذا جاني مسج منك مخزن رقمك الغالي
ولا أمسح رسالاتك اتم اقراها وافكر
واحلل كل كلمه بالمسج الله يا غربالي
واقول بخاطري معقوله حاسس فيني ويشعر
وارد اقول لأ يمكن تذكرني وهو سالي
لاني توني مطرش مسج طرش مسج يشكر
وارد اقول لأ ادري يبيني وحاسس بحالي
وارد اقول لا ما اظن على باله انا اخطر
الين اني انا اتاكدت قلبه بالفعل خالي
ولا غيري انا بقلبه يحبني موت ويقدر
لاني مره مـن المرات طرت فكره على بالي
نويت ازعل بدون اسباب واشوفه لو بيتاثر
ابعرف قدري بقلبه بيهمه وضعي الحالي
او انه راح يطنشني ولا يسأل ويستفسر
وفعلا دق ما جاوبت حرق لي والله جوالي
ثلاث الاف مره دق وانا مطنش ولا معبر
كتب لي بالمسج اطلع انا عند بابك لحالي
قسم بالله ما تطلع لاخربها انا واحدر
ومشكلتي اعرفه زين يسويها ولا يبالي
نزلت وخاطره مكسور يقول شفيك متغير
وقلتله بس ابتاكد اذا قدري معك عالي
ضحكلي وقالي اتاكدت ودمعه بلل المحجر
وطارت فيني الدنيا لمكاني صاحبي جالي
تعذر لي وانا الغلطان وانا اللي لازم اتعذر
بعدها عشت احلى ايام في قربه هنيالي
وصلنا لمرحله ما نفترق عن بعضنا واكثر
بعدها فجاه خلاني ولا يسال عن احوالي
وانا في خاطري ادري محال فيوم يتغير
ادق له ما يجاوبني بديت اشك في حالي
اخاف انه حصل له شي اخافه بس متكدر
لعب في قلبي الوسواس خياله ما تهيالي
حوالي الف مسج طرشت حبيبي يا عسى ما شر
ولا جاوب وانا قاعد على اعصابي وغربالي
حبيبي صار له اسبوع فيني حتى ما فكر
الين اني عرفت شلون اخلي خلي الغالي
يكلمني وجت فكره بعد ما مت وانا افكر
وفعلا اتصل فيني وبدت احزاني واهوالي
وكانت صدمتي كبيره علي الغالي اتغير
سالته قلت له وش فيك ما من شر يالغالي
وش اللي صار بالدنيا علامك ليش متبعثر
او انك يعني ما تدري بدونك صرت انا لحالي
ولا لي خلق اي انسان كثر ما فيك انا افكر
وجاوبني وقال ارجوك ابي هالدنيا تصفالي
انا مليت من وضعي واشوف الكل متغير
انا ضاقت بي الدنيا وابي ابقى انا لحالي
خلاص اتركني لا تسال وانا برجع عقب اشهر
وقلتله مو علي تكذب اعرفك تضعف قبالي
تكلم قول شالموضوع بدا قلبي يدق اكثر
سكت لحظه وقال ارجوك ابعد عني يالغالي
وخلني اذكرك بالخير وانته مثلي اتذكر
ولا اتطرش مسج واحد ولا اتدق لي ابد تالي
واذا لي خاطرن عندك لا تتكلم ابد سكر
وقلتله والله ما اسكر الين تقول وتصفالي
وقالي والله ما اتكلم ولو تبكي دمع احمر
ولكن شوف ربعك وانته تعرف بس وش جالي
خلاص افهمها عالطاير ولتحرجني بعد اكثر
وسكر والدمع فيني على الخدين همالي
قسم بالله ما ادري علامه قلبه اتحجر
فوادي انهار وانا حملي يهد جبال وجبالي
في لحظه صارت الدنيا في عيني هالكبر واصغر
حسافه ما توقعته يصدق فيني عذالي
حسافه ما هقيته يوم يصد عني ويتغير
بعدها صارلي ما صار وربي يعلم بحالي
فوادي باقي بس شوي واحسه مالجسم يظهر
بديت اعرق ومدري ليش وخابت كل امالي
انا اتوقعت كل الناس ولا توقعت هو ينكر
وقلت بخاطري خله مصيره يرجع الغالي
اكيد انه سمع اي شي وجوه صار متعكر
ولكن طول اغيابه وزادت فيني اعلالي
مرض قلبي تعب فكري واحسه جسمي متخدر
وقلت خلني اطرش له مسج واشكيله احوالي
وطرشت المسج وشوي دق لي ودون ما افكر
هلا والله يا اغلى الناس هلا والله بالغالي
الو طارق ما قلتلك لا تذكرني او اذكر
ابي بس اذكرك بالخير ياخي خلني في حالي
وقلت وخاطري مكسور انا اسف وما اكرر
قسم بالله لين اليوم وحالي يرثي لحالي
قسم بالله الين اليوم ولا ادري ليش اهو اتغير
قسم بالله ما غضت عيوني ولا هدى بالي
قسم بالله ما مر يوم الا وفيه انا افكر
قسم بالله قلت بنساه بس طيفه يتهيالي
قسم بالله لو حاولت انا انساه اتذكر
الين اليوم انا عندي امل يرجع ويصفى لي
اقول الشوق بيرده على فرقاي ما يقدر
الين اليوم وضحكاته وبسماته على بالي
الين اليوم ما ارقد كثر ما فيه أنا أفكر
ابعرف شالسبب ارجوك وش اللي بس يجرالي
انا شسويت ياربي عشان تثور و تتفجر
انا والله ما استاهل ابد كل اللي يجرالي
اقل ما فيها بس قلي سبب خلاك تتغير
ابعرف بس شالموضوع علامك صرت ما تبالي
بذمة كل اهلك فيوم شفتني بشي انا مقصر
انا راح انتظر ردك ولو حتى بمسج خالي
واذا ما جاني منك الرد وغلاتك عندي راح اصبر
سنه سنتين اللي يهم اشوفك ثاني قبالي
ثلاث سنين او اربع ابصبر يعني راح اصبر
ولكن حكم احساسك وجاوب يا اغلى كل غالي
بذمة والديك يهون تنساني ولا تذكر
يهون انك تخليني ولا تسأل ولا تبالي
يهون انك تنام الليل وتتركني انا اسهر
كفايه صار لك شهرين غايب عني يالغالي
كفايه يا أعز الناس ترا والله ما اقدر
دخيلك لا تخيب فيك هقواتي وامالي
واذا انها عالصبر والله وغلاتك عندي راح اصبر
واذا انها عالصـــــبر والله وغلاتك عندي راح اصــــــــــــــــــــبر..


مع خااااالص ودي,.

الموضوع الأصلي: قصيدة كفايه للمبدع الشاعر {طارق المحياس}.. || الكاتب: بروفسور عربجه || المصدر: منتديات كوفي كوب

http://www.cofe-cup.net/vb

كلمات البحث

جامعة الإمام عبدالرحمن بن فيصل ، واجبات ، ملخصات ، ملازم ، أسئلة ، جامعة ، كوفي كوب

المصدر: منتديات كوفي كوب Coffee cup - من قسم: قافية شاعر

---

rwd]m ;thdi gglf]u hgahuv V'hvr hglpdhsC>>

صح لسانه

وأختيار رائع منك بروفسور

يعطيك العافيه :)

الاروع مرورك
يسلموووو
حبيبتي
لا خلا ولا عدم..

يسلمووووووووووووووووووووووو يالبروفسورهـ يعطيكـ العافيه

سنه سنتين اللي يهم اشوفك ثاني قبالي
ثلاث سنين او اربع ابصبر يعني راح اصبر


ترآ آعشقه هآلنفر
يسسلم قلبكَ

انا كون يعاااافي قلبك حبيبتي
منورررره

ورد
من مااايعشق احاسيس هالانسان
من جد جررررررررررررح
نورتي

إبداعات بلا حدود وتميز كبير وعطاء سخي

أحرف ذهبيه وكلمات ألماسيه بمعانيها الساميه

تحياتي العطره ي عربوجه

والله حركااااااااااااااااااااات خوخه وش الابداع ذا
حسيت اني مع نزار قباني
هههههههههههههههههههه
حبيبة قلبي والله تو مانورت الحته وه يالبى نورك
يسلموووووووووووووو

صح لسان كاتب القصيدة

أبيات أبدع فيها

والله يعطيك العافية على النقل