القصة مررره روعة كوميدية رومنسية جريئة((سعوديه))

عنود دخلت وجايبه العصير تضيف بنات خالاتها شعرها الى نص كتفها وهاي لايت اشقر على ثلجي طووويله مشاء الله عليها حوالي 170 وجهها طووويل واسمر مافيها جمال ابدااا لاكن عليها جسم لابسه بنطلون جنز وتيشرت كله ترتر احمر كأنها رايحه حفله عنود عمرها حوالي23سنة ما تزوجت ولا فكرت تتزوج بنات الخالات لما يتجمعون لازم يسوون بارتي بس اللحين على عقل شوي بس لا زالوا اذا شافوا بعض نص العقل يطيح

عنود : يا حيا الله من جانا

غرام : يا هلا وغلا بأخت رجلي <<تقصد ليث >>

رفيف : ها ها ها بحلمك تاخذينه ذاك المملوح

مرام : لا ولله وش ناقصني انا

رفيف بدلع مصطنع: مو ناقصك شي بس عشاني احلى منك

عنود تسوي روحها طفشانه منهم بمزح : بس بس خلااص كل هذا عشان اخووي

اروى تتنهد تسوي ذايبه : بنات يوم ليث نحف ولله يا طالع شيييي مو طبيعي

ليث يعاني من سمنه مفررطه وزنه يمكن 190 وناقص 90 كيلو ومسوي زووبعه بالعايلة بس مو كثر زوبعة سمر لما تزوجت طووله 178 حوالي مشاء الله العايله كلها طوال بس برضه لازم ينقص

رفيف : يوووه بنات سمر بتجي اليوم

البنات كلهم: وووووووووووووووووووووووواااااااااااااااا اااااااااا اااااااااااااء

عنود تستوعب شوي : تعالي كيف تجي بصباحيتها مو المفروض اللحين مسافره لندن ولا باريس لشهر العسل

رفيف : اسكتي بس بلا شهر عسل بلا شهر بصل اهم شي سمر بتجي تخيلوا لنا سنتين ما شفناها
اروى : يووه قد ايش وحشتني صراخها وضحكها وهبالها
مرام : لا تتأملين واجد ممكن السنتين اللي خذتها عننا تغيرت فيهم
اروى : فال الله ولا فالك لا ان شاء الله
رفيف: ولله ما تدرين يا اروى
عنود : ولله كاسره خاطري تتزوج وهي بهالعمر وربي احسها صغيره
احلام تدخل وبمزح : اجل تبينها تعنس مثلكم
عنود : ووجع حنا عوانس
البنات رموا المخدات عليها من غير مطرود احلام اطلعي
طلعت
مرام : بنات ما تحسون غلط انه سمر ما اخذت فيصل وش تتوقعون ردة فعل فيصل
رفيف: اشش انطمي خلاص البنت تزوجت ما فيه شي اسمه فيصل <<ولله عاقله يا رفيف رفيف هاذي بنت تجمع بين العقل والخبال والأستهتار يعني كوكتيل بس فيها عصبيه بزيااده مشاء الله عليها قصيره نوعاً ما طولها 155 سم قصيره ولوو ما عليها نحيييييفة تحسها مجاعه إفريقيا وزنها 40 شعرها طوويل الي اسفل ظهارها يعني شكلها غلط قصيره وشعرها طويل بزيادة بس موراضيه تقصه قال ايش تحب الطويل واسوود ساااايح ستريت يعني و وجهها دائري تحس ملامحها ملامح هنديه في فلم هندي سمراء ووجها دائري عيونها وساع ورموشها طوال فيها ملح البنت 24سنه مخطوبه لولد عمها

اروى : من جد مرام ممكن تسكري على السالفه خلاص البننت بذمة رجال اللحين
مرام : اااااااف طيب ما قلنا شي ترى
رفيف : اروى ممكن تفهمين الدرج هاذي وش نقصد
اروى : مرام البنت اللحين متزوجه وبذمة رجال يعني لو زوجها يسمع لمحه بسيطه عن هالكلام بيروح فكره بعيد عن البنت وش تحبينه وش قالك وش قلتي له ويقعد ينبش في ذكرياته وتصير مشاكل في العايله وتتشوه سمعه البنت ويلاا عاد انتي فكري وش يبي يصير بعدين
مراام : يووه قد ايش انا دلخه ولله صدقتي اروى
((اروى)) بنت تمتلك اسلوب اقناع تحسها دكتوره نفسيه بكلامها وطريقه تفكيرها من عايله متووسطه لاكن البنت مثقفه كثيررر وعندها تفكير بعييييييد تقدس الحب لاكن ما تثق فيه شي اسمه حب تحسه حاجة مو بسهوله توجد واذا وجدت لازم تحذر منها وتحافظ عليها دبدووبه شوي بس حنوونه حيييل وزنها 69 وطولها 160 بيضااااء وجهها دب دووب وبيضاوي خشمها حااد كأنه سلة سيف رموشها قصيررره لاكن كثيفه عيونها صغار نوعاُ ما تعرف اللي شين ومحلي روحه غصب وتحس فيه لمحه حلا شعرها قصير قاصه قصه فكتوريا وبني فاااتح حواجبها مرسوومه عمرها 23 سنه
مرام نشوفها بعدين
__________________
نرجع لطلال وسمر
اقبلت سيارة فخمه بس موديلها قديم
طلال: هذاه جاء
سمر : ان شاء الله يكون هو
طلال : يا هلا ولله بفيصل الله يحييك اخبارك وانا اخووك
فيصل بكأبه ووجه شاحب : زين مبروك
طلال : الله يبارك فيك فيصل فيك شي؟
فيصل : لا مافيني شي ليه ؟
طلال : وجهك شاحب ومخطوف وهموم الدنيا على راسك
_____
(نشوف الحال عند سمر )
سمر في نفسها : فيصل ياااه يا قدمك معقوله هنت عليك يا ولد خالتي وينك اللحين داري ان مزوجه داري انهم غصبوني اييه الله يوفقك يا ..
_____
فيصل : قل للي في السيارة ينزلون عشان نرفع الجيب
طلال قرب من السيارة وعند دريشه سمر
طلال : سمر انزلي على جنب
سمر : ليه ؟ ؟
طلال : بنرفع السيارة
سمر : وانزل كذا قدام الرجال
طلال : يا بنت الحلال بتصيرين وراء السيارة ماهو شايفك
سمر : اوكي
سمر قلبها ناغزها فيصل فيصل مين فيصل هذا
فيصل وطلال يشتغلون على السيارة
طلال وهو يشتغل على السيارة : وش فيك انت تبي تهرج ولا اهرجك غصب
فيصل : سمر يا طلال سمر
طلال : سمر بنت خالتك ؟
فيصل: ايه سمر بنت خالتي
طلال : يا حووول ازعجتنا فيها ذيك البزر وش فيها بعد ؟
فيصل ودموعه في عيونه وحابس عبرته : تزوجت !!
طلال : اااااااااااااااييييييييييييييش كيف وليه ومو على كيفهم وليه ما تصرفت
فيصل والعبرة خانقته : ما علموني الا اليوم
طلال : وليه ما تكلمت وقلت لي اتصرف ادبر لك حل
((سمر تسمعهم و شاكه في الموضوع بس قاعدة تطمن نفسها ان هذا كله صدفه وابليس يلعب براس البنت لعب ))
فيصل : مو قادر مو قادر انا مو عارف اذا هي مغصوبه ولا لا اذا كانت بأرادتها فالله يسامحها
سمر بنفسها: الا الا هو صوته الا هو مستحييل لا لا مو هو الا فيصل الا اعرف صوته
طلال: طيب انت تقدر تستحمل انها مو موجوده معك وبذمه واحد ثاني
فيصل : اكيييد ما اقدر استحمل بس اذا كانت برضاها فمستحيل اخرب عيشتها
طلال : اقدر افركش زواجها بس توعدني انك تخطبها على طول مو كذا
فيصل : انت مو فاهم الوضع انا خاطبها من زمان بس ابوها عسر وما يبي احد من طرف امها
طلال : ليه ؟
فيصل : مطلقين من سبع او تسع سنين
طلال: يووه معليش هاذي اقدر ادبرها لك بعد
سمر بدت تبكي وتشااهق من البكي ايووه فيصل وميت عشانه ما اخذها وهي بذمه غيره ما يدري ان اللي متزوجها صديقه ما يدري
سمر في نفسها: غبي هو غبي وطلال غبي وابوي وغبي وامي غبيه وانا غبيه وكلنا اغبياء <<هلوست يا قلبي هي <<

فيصل : وهاذي السيارة صلحت
طلال. . معليش يا خوك حملتك همي
طلال : لا تقول كذا لا الخك بالعجره
فيصل : هه تصدق معي عجره
طلال : اااااح وشوله
فيصل : كذا . .طيب انا أستأذن اللحين
طلال : بترجع الرياض .؟
فيصل : لا رايح الدمام
طلال : ليه ؟
فيصل : اغير جو يمكن اطلع من هالكأبه
طلال : زين معك عناوين العيال هناك عشان توسع صدرك عندهم وكذا <<طلاااال اجتماعي بحته<<
فيصل : لا مشكور بهدي اعصابي هناك بس
طلال : على راحتك اجل اشوفك على خير
فيصل : ان شاء الله
طلال : بمان الله
فيصل : الله يحفظك
سمر تشاهق من البكي وهي على البساط نزلت نقابها وغطوتها لأن الدموع ملتهم تبكي من قلب و قلبها محروق عليه . . مع انها ما تحبه كثر ما هو يحبها حبته بحدود وحاولت انها تكرهه بس ما قدرت لاكن وقفت حبها له عند حد بس راحمته ومنقهره من غطرسه ابوها واجباره لها على الزواج وتحطيم قلبها الصغير المليان بالأمل والطمومح وكيف تسلط ابوها حطم احلام ناس واجد أي أنثى تتمنى انها تتزوج واحد يحبها لييييه يسوي فيها كذا ليه حرمها من امها ومن ناس واجد غالين عليها تكررهه وتكره كل شي فيه
طلال شاف شكلها وهي تبكي تقطع قلبه عليها بكيها يكسر الخاطر تعرف الشخص اللي يحبس يحبس يحبس بكيته بعدين ينفجر بالبكي على شي سخييف كانت تبكي وما تبي توقف تبي تطلع كل الحزن اللي بقلبها ما جتها رغبه بالبكي كثر هالمره
طلال جلس جنبها : سمر سوسو حياتي.. سكت لحظه ليه قالها حياتي هي مو حياته يبي يسكتها يعني ولا حسها تمكلته بمجرد انها تبكي قدامه
كمل طلال : سمر شفيك
سمر تبكي . .
قرب طلال منها زياده : سوسو وش فيك لي تبكين
سمر نزلت راسها و زاد بكيها
طلال رفع وجهها لوجه ومسح دموعها ناظر في عيونها في الم ظلم حرمان خيانة قهر
طلال عمره ما حس روحه حنون كثر هالمره حضنها حضنها وبقووه يبي ياخذ كل الأم اللي في قلبها لقلبه بيبها تعيش يبيها ترتاح يبغها ما تبكي <<ليه ي طلال يعني بس عشانه تبكي قدامك كسرت خاطرك ونستك حبك الأول <<
سمر لما طلال حظنها كانت تبي تختبي في حضنه ما تبي حضنه ينتهي تبغى طول عمرها في حضنه محد حضنها ابدااا دايم تمثل دور القويه اللي ما تبكي و ما تحضن الا مخدتها مخدتها اللي تحضنها تحس الجماد احن عليها من احبابها اول مره شي من لحم ودم وروح يحضنها ما ذاقت طعم هالشي والليحن تذوقه وماتبي تعيش دون ما تذوقه
سمر.. عشر دقايق . . ربع ساعه . . ثلث ساعه
سمر في حضن طلال بس اسكتت كفت بكي من ربع ساعه
طلال بهمس وحنيه : هاه سمر تبين نمشي
سمر ذوبها صوت طلال تحبه لا لا مستحيل تحب اصلاُ القلب ما يشيل الا واحد معجبه فيه ابصم لكم على العشره
سمر وبصوت مبحووح بعد البكي: اوكي
قامت ولبست غطوتها والنقاب وجلست في السيارة شال طلال البساط وركب حرك السيارة الساعة 4 الفجر بقى ساعتين على ما ياصلوا
طلال بصوت حنون : جوعانه ؟؟
سمر: يعني مو مره
اصوات معده سمر
طلال : هههه قصدك مررره
سمر: هه جايز
طلال : اللحين اوقف عند محطه اعبي بنزين واجيب شويه خرابيط
سمر: اوكي
في الرياض
ام فيصل وام سمر جو لبيت ام ليث اللي هي ام عنود
صار في البيت
ام محمد وام ليث وام سمر وام فيصل وام بدر وام ماجد <<يا كثرهم مشاء الله >>
يتحضرون لأستقبال سمر صحيح الوقت متأخر لاكن عاد سمر بكت وحضنها طلال ما نقدر نسوي شي
نشوف شو صار :
ام ماجد : يالله لا يصير فيهم شي المفروض انهم هنا من ساعه
ام فيصل خيفاانه كثير تهمس لأم سمر فاطمه : وش فيهم ولله اني خايفه من فيصل
فاطمه تطمن اختها : لا لا مو حاصل الا الخير انتي تعرفي فيصل يقول يقول ولا يسوي
ام فيصل بشك : ليييته ولله الله يسمع منك
ام بدر : اعووذ بالله تعوذي من بليس تلقينهم بنشروا ولا تأخروا بفندق عن المحطات تعرفين معاريس
ام ليث : طيب وش رايكم تجون لغرفه الضيوف اهدى لكم من احسن من انكم واقفين كذا عند الباب
ام محمد : ايه ولله انك صادقه
ام ليث : طيب حياكم الله
دخلوا غرفه الضيوف
: : في غرفه البنات : :
مرام : ZzZzZzZ
رفيف : بالله هاذي تششاخر
اروى : هههه ايه يا حبي لها فديتها
عنود : مرام من جد قومي ولله سمر لو جت وشافتك نايمه ان تتحطط
مرام ونصها نوم : ما نمت ما نمت مانا استرخي بس
رفيف : يا عيني على الأسترخاء
مرام : ااااااااااش انطمي انتي خليك صفر على الشمال
رفيف : ان شاء الله عمتي
رفيف بهمس : البنت حششت مو ؟؟
اروى : ههههه شكلها
مرام : رفيفوووه اسمعك يالدرج
مرام : شخصيه مرحه اربع وعشرين ساعة ضحك وطنازه ما فيه وقت للجد العقل هذا حاذفته من القاموس فيها دلاخه على طيبه على لعانه ماتدري وش تسميها طويله نوعاً ما 165سم وزنها حلوو بنسبه لجسمها 55 كيلوو شعرها كيرلي زي ميريم فارس وطويل بشرتها مو بيضا ولا سمرا جايه في الوسط بشرتها تعبانه شوي بس فيها ميزه هاذي البنت عيونها عسلييييه تذبح والباقي حط عليه اكس يعني البسي نقاب الربع وعشرين ساعه يا مرام وبيخقون عليك ان شاء الله عمرها 20 سمه قريبه من سمر كثير

اكمل بكررى لا لقيت تفاعل وانا جالسه اقراها معاكم^^

،

،

،

يعطيك ربي العافيه ـه يا قلبي

وننتظر الباقي ^^

لا تتاخرين


مج ـنـــــونــه

المشاركة الأصلية كتبت بواسطة مج ـنونه

،

،

،

يعطيك ربي العافيه ـه يا قلبي

وننتظر الباقي ^^

لا تتاخرين


مج ـنـــــونــه

ابشرري لعنونكي نوني بنززل بارتين اليوم^_*

الله يعافيكي

المشاركة الأصلية كتبت بواسطة Myth Dall3

ابشرري لعنونكي نوني بنززل بارتين اليوم^_*

الله يعافيكي

،

،

،

انتي كل يوم تقولين بكرا
مدري متى بتنزلينها :p
يالله عاد ترى تحمست حيل ـل


مج ـنونه

تابع الفصل الثالث
رفيف بهمس : البنت حششت مو ؟؟

اروى : ههههه شكلها

مرام : رفيفوووه اسمعك يالدرج

مرام : شخصيه مرحه اربع وعشرين ساعة ضحك وطنازه ما فيه وقت للجد العقل هذا حاذفته من القاموس فيها دلاخه على طيبه على لعانه ماتدري وش تسميها طويله نوعاً ما 165سم وزنها حلوو بنسبه لجسمها 55 كيلوو شعرها كيرلي زي ميريم فارس وطويل بشرتها مو بيضا ولا سمرا جايه في الوسط بشرتها تعبانه شوي بس فيها ميزه هاذي البنت عيونها عسلييييه تذبح والباقي حط عليه اكس يعني البسي نقاب الربع وعشرين ساعه يا مرام وبيخقون عليك ان شاء الله عمرها 20 سنه قريبه من سمر كثير

البنات : هههههههههههههااااااااااي

مرام ونصها نوم : خخخخخخخ الله من السخافه قايله نكته انا

رفيف : هههه لا ما قلتي نكته بس انتي بحالك نكته

مرام ودها تتهاوش : انتي هيه وقفي الميانه ترى ما اسمح لك

رفيف : طيب طيب انتبهي يطق لك عرق

مرام : رفيفووه انطمي لا الخك يا وجه البومه

رفيف : بنت بنت هيه يا بزر احترمي نفسك

اروى : بنات من جدكم تتهاوشون

مرام : ليه مو مصدقه اروى هانم مو عاجبك هواشنا ولا لازم امعط شوشوت هالنتفه اللي قدامي

رفيف : خخخخخخخخخ اقول روحي شوفي روحك وجهك اعوذ بالله تقل مشخاله

مرام : كووولي تبن يالتبن مالمشخال الا وجهك اصلا انتي غيرانه مني

عنود : خير خير ان شاء ولله وين حنا احترموا وجودنا طيب

رفيف: كولي كبر راسك عنود انتي مالك شغل

عنود اسكتت خافت تدخل في المشكله لانهم يتكلمون بصراخ وهي مسويه ثقل هاليومين ما تبي تخرب البرستيج <<اقوول الله من الدلع

يتبع في الفصل الرابع . .

الفصل الرابع. .
رفيف: كولي كبر راسك عنود انتي مالك شغل

عنود اسكتت خافت تدخل في المشكله لانهم يتكلمون بصراخ وهي مسويه ثقل هاليومين ما تبي تخرب البرستيج <<اقوول الله من الدلع
___________________________
نكمل هوشه البنات بعدين نروح عند الشباب اللحين

ليث دخل صاله العيال وتنحنح : سلااام عيال

الشباب : هلااااا بالنحيف

ليث طنشهم طفش من ذي السالفه : عيال ما تدرون وين فيصل

بدر جدع قير البلايستيشن وترك لعب االكوره <<للحين موضه البليستيشن ما صارت قديمه يا بدر : يقولون انه هج

ماجد عصب من بدر : انت هيه يالبزر وش قاعد تقول تستهبل ولا تستخف دمك

بدر مستغرب من عصبيه ماجد : ههههه وش فيك عصبت لا من عمي

ليث قاعد يتفرج عليهم ويشوف اخرتها

ماجد : ما عليك منه ليث هذا انسان سخيف مافيه فايده من وجوده في الدنيا

ليث : ادري ما جبت شي جديد

محمد دخل ومعاه كرتونين بيتزا هت : السلام عليكم

محد رد عليه مالهم خلق بعض

محمد : السلام سنه ورده واجب

ليث تعوذ من بليس وبدون نفس : وعليكم السلام ..

محمد رااايق ومشتهي سواليف وهم مالهم خلق بعض : زين ولله فيه احد محترم

بدر : خخخخ وش قالوا لك عيال شوارع مو محترمين

محمد : لا مشاء الله عليك هاذي رديت عليها بس السلام ما ترد

بدر: انطم ولي يرحم والديك

محمد قعد وقعد البيتزا وصب الببسي وبداء ياكل : تفضلو كرتونين ماني ماكلهم لحالي \

ليث : الدايت ما يسمح

ماجد سافههم ويشتغل على الاب توب وبدر على البلايستيشن <<شايفين التناقض

محمد : ههه ما عنيك انت . . اصلاً وانا داخل امك هاوشتني هواش لما شافت البيتزا معي تقول ولله ما حللك اذا اكل ليث هههه احليلها خالتي سهام

ليث لا تعليق : . . ((شخصيه ليث ثقيله وفيه رزانه))

محمد : وانت ماجد ما تبي

ماجد : مشغول مشغول مو فاضي لك

محمد : بدر تبي ؟

بدر : محد يبي كان رحت عند خوياتك ياكلون معك

محمد مستغرب من طريقه كلامهم وش اللي قلبهم فجاءه محمد: تحتاجون دوره في التعامل والذوق مع الناس

. . محد رد عليه كلهم مشغولين بس ليث اللي كان يهوجس

قطع الصمت ليث :محمد ما تدري وين فيصل

محمد بمزح مو في وقته : يقولون انه هج

بدر : شفتوا انا قايل لكم

ماجد : من جدك تكلم

محمد وهو يتذكر : لا امزح معكم اذكر وانا طالع من فله الحش شفته بوجهي وكان وجهه شاحب ومصفوق مدري وش فيه سالته شفيك فيصل ما رد علي سفهني سفهه معتبره مع انه مو من اسلوبه الطتنيش تعرفون فيصل قد ايش صدره وسيع


ليث : نفس اللي فكرت فيه

ماجد : وش فكرت فيه ليث

ليث : لا لا ابد سلامتك

طلع ليث ورتركهم كأنه اكتشف شي خطير

بدر ما كلم ماجد علاقتهم شوي مكهربه والاسباب راح تبان بالاجزاء الجايه كلم محمد ترك ماجد

بدر : محمد وش فيه ليث ؟

محمد : ماني قايل لك الا اذا جيت تتعشى معي

بدر : هههههههه طيب يالغالي وهذانا جينا


نروح لطلال وسمر

الساعة 5 الصباح

السياره موقفه عند المحطه سمر تتفرج على البقالات والناس الرايحه والجايه والبنشر والسيارات اللي تغسل واللي ترفع ووقت الشروق كان الجو حلو نوعاً ما بس وصاخه المحطات خربت المنظر اللي بعين سمر يعني وحل وزيوت وحفر على الازفلت والجدران مكتب عليها منظر غير حضاري الله يصلح الحال طلال داخل البقالة

طلال لما دخل البقاله شافها وسيعه شوي مو زي عاده البقالات اللي دايم في الشوارع وكان فيه كذا قسم دخل الشيبسات اخذ كم شيبس حجم عائلي و2 بيبسي . . لحظه سمر تحب الببسي ولا لا خل اروح اسألها <<سؤال غبي طلال كل هذا تلزق

سمر وعايشه جو في الهواجيس صوت الدريشه يطق

ثطع حبل افكارها

فتحت الدريشه كان باقي على عيونها بقايا كحل سايح من كثر البكي بس عيون سمر تقول انه سمر في حاله تأهب لقصه جديده في حياتها

فتحت الشباك . .

سمر : سم

طلال وبوجه بشوش : سم الله عدوك . . بسألك تحبين الببسي ولا لا و ايش تحبين اكل كيك ولا شوكلا مدري وش اللي يعجبك بصراحه <<طلال منحرج ما يدري وش اللي تحبه سمر من اللي ما تحبه ما امداه ماله يوم متزوجها والصباح هذا بيتم يومين

سمر منحرجه تقول في نفسها : يؤ من جده هذا يبيني اتشرط ولله فشله

سمر بصوت مسموع : ام شوف انا ذوقي وسيع اكل أي شي بس بدال الببسي مويا او عصير برتقال لانه الببسي ثقيل شوي على معدتي

طلال في نفسه : ههههههه صدق البنات خرابيط ودلع اجل لو تدري اني اشرب على الريق لبن نياق وش تقول

طلال بصوت مسموع : اوكي . .

طلال راح

سمر رجعت لأفكارها . .

الجو راااايع خياااال وقت الشروق فيه احلا منه الدنيا طالعه بنفسج مو شمس ولا ضلام ووقت ربيع مو حر ولا برد

من لي غيرك يا عمري . .

لو بعدت ورحت عني ..

لو تحس بس اللي فيني . .

لحظه ما تتخلى عني ..

جوال طلال يدق وصوته عااااااااااااالي بزياده اللي برى الشباك يسمعونه

سمر تكلم نفسها : يووه يعني الى هادرجه ما يسمع معليه على الأخر وش الصمخ اللي فيه مبين اذنه تعبانه بس لو انها تعبانه ما .. . .

نسيت اني اعشقك . .

ولا تنسى اني بفقدك ..

بلحظه وداعك ياهي صعبة ..

بالحييل صعبة . .

خليني احطه صامت كل الهنود تلفتوا لا لا مو زين اتلقف عليه اللحين يحسبني انبش في خصوصياته اللحين يسكت . . سمر حبيبتي هدي شووي