سجل حضوركـ ببت شعر يعجبك :)

ما مقسوم احبك وابتدي وياك
بس مكتوب دوم بحبك نعاني
ما اكلك انساني بس اكلك روح
وياك الوكت محتار خلاني
اعتب عالزمان الما جمعني وياك
… وبدرب السراب شلون مشاني
بعد كل البنيتة وبية ما ضل حيل
اجة بلحظة الزمان وهدم بنياني

الدّنيا مو دنية عشك يبن الحلال
لا تخلّينه بمحبتك ننجبر
أنت ابن العافية وابن الدّلال
واحنا ولد الموت ربّانا الفقر
بينه وبينك فرق كلش جبير
وما نكول أسباب كلّ هذا الفرق
وما نكمل السّالفة لحد الأخير
أمن الأساس ويّاك مسدودة الطّرق

سهله اشلون عندك تجفي الاحباب
وتعوف الموده وتنكر .. العشره
وتسويها بزعل ما نعرف ...الاسباب
وخاطرنه عليك تزعله ... وتكدره
بطلنه العتب لن ما يفيد ... عتاب
لان تنكر بساع وحجيك ..... تغيره
روح وداعة الله ولا تدك .... الباب
وغيابك نعرفه بيوم ...... ونفسره

راح أصبر بدونك وأرهم بلياك ...وأذبح رمش عيني الجان يبجيلك
وأتحمل عذابك والبعد والشّوق ...وما حط صورتك كدّامي وأشكيلك
ما أكلّك نسيتك بس جرح بالرّوح ...يكسر واهسي وما يقبل أمشيلك
عيني الشّالتك كلتلها أشيلج راح ...كالت شيلني وما قبلت تشيلك
وجرحي ألفاك صدره وما يريد خيّاط ... واكف جنُّه واحد جاي يدعيلك
بس مجبور أدفنك يا عشك يا شوق ...وأقرى الفاتحة وبالوحشه أصلّيلك
بعيوني الحزن يقرونه اليواسون... والفوك الحزن لو تدري شاحجيلك
شمّات الأجو وأسوني ثالث يوم ...حيل ويّاك كالو مدري شدّ حيلك