بيتك حشاي ومسكنك وسط جوفي تربع بصدري من العرض للطول وارقد مدام ان الحنايا اسيوفي وان جيت تطلع رح لعيني على طول حتى ولو سببت فقدان شوفي وان شفتني اعمى وتايه ومجهول امسك يديني وقودني من اكفوفي خذني معك واللي يجي منك مقبول وتنا معك بالحب بعلن وقوفي مدامني عندك لاقوه ولاحول اقبل علي وفرني من اكتوفي يكفيني اسمع فرفشة صفت احجول يدينك اللي في غيابك عثو في وانا برحب في قدومك وانا اقول تكفى يآقلبي قم بلازم اضيوفي ((ودك اذا حبيت تعشق على اصول )) >>وادور اللي في محبتك يوفي << اذا قطع عنك ولو دار به حول ماقلت في بالك قطعني ياخوفي لانه يعيش بحبك على اربع افصول ويقول للحظات حني وروفي قلبه معي مغرم’ ومولع ’ ومشغول يحبني ويعيش حتى ضروفي مايعرف -السنتر ولا يعرف المول - دنيااه انا ومجمعاته احروفي اجيه وارجع عن طواعي ومذهول وتحتار في طاريه حتى وصوفي حبه على الواقع يشيب له اعقول طوفي علي يا لحظة الحزن طوفي لو اكتب اشعاري من الماس واللول ماوفا معه بالشعر حتى معروفي ..