03-16-21, 12:41 PM
|
| |
بتركك للوقت انت وضميرك
شعر ، ذوق ، أشعار ، كلمات
بتركك للوقت
بتركك للوقت وانت وضميرك
اما تغيب العمر والا تجيني
بالحيل ضامي ماراوني غديرك
بالحيل عنك بعيد لا تحتريني
انا ضرير الوقت وانا ضريرك
بعيد لكن كنك قدام عيني
يمكن مع الايام باحب غيرك
مدام قلبك صادق مايبيني
يمكن اسلى وانكر اني عشيرك
بعد ارتحال العمر يمكن تجيني
ابي قليل الحب مابي كثيرك
ارجوك عطني لو بعض ديني
شرك محى في صفحه العمر خيرك
حبك تركني هايم في سنيني
انا ادري ان الحكي مايثيرك
لكن لزووم اقول وش صار فيني
لابد ياتي يوم تعرف مصيرك
وتقول بعد غياب عامين ويني
خل الهوى خله لغيري وغيرك
هذا ماجنته يديك ماهي يديني
ابتركك للوقت لازم يثيرك
وان جيت بصافحك فاقطع يميني
|