منتديات كوفي كوب Coffee cup - عرض مشاركة واحدة - استفسار عن مسمى تخصصنا الاداري، وعن التوصيات

02-26-20, 03:37 PM

السلام عليكم جميعا

اليوم طبعا رحت للجامعة واخذت ثلاث توصيات من ثلاث دكاترة عربي وانجليزي طبعا كل الدكاترة الي مريت عليهم يعطوون توصيات اهم شي اطبع النموذج حق التوصية المرفق في موقع الجامعة عبي معلوماتك اسمك ورقمك وتاريخ التخرج وراح يوقعون لك ومر بعدين مكتب السكرتارية واختمها من عندهم وخل يحطونها في ظرف ويختم لك على الظرف.

هذي لسته اسامي الدكاتره الي رحت لهم واخذت من عندهم توصية:

1- دكتور معتصم الصمادي درسنا تكنولوجيا المعلومات في الادارة طبعا كلمته واهو سواها بنفسه وطبعها وسلمني اياها
2- دكتور أسامه بدوي درسنا نظم المعلومات في الادارة قالي عبي النموذج لمعلوماتك ورسله لي ايميل وانا اطبعه لك
3- دكتور محمد محمود المتولي درسنا سلوك المستهلك واحين يدرسنا التسويق الاكتروني طبعا الدكتور كان مشغول ف قالي انه اعبي المعلومات وقيمت نفسي وطبعتها واهو وقع بس عليها
4- دكتور أحمد الباز درسنا قانون تجاري والخدمة المدنية طبعا دكتور أحمد عسل يشهد لله جدا متعاون كان عبيت الفورم وحتى قيمت نفسي وكتبت كلام مدح وعبيت معلوماته اهو فقط وقع عليها
5- دكتور عبدالله ظهري درسنا مادة مهارات ادارية قالي ارسلي على الايميل وانا بطبعها لك واخليها عند السكرتارية تروح تستلمها
6- دكتور بسام البيلي درسنا مادة ادارة العمليات طبعا شرط علي انه لازم تجيب كشف الدرجات والشهادة عشان يكتب التوصية

طبعا اغلب الدكاترة يقولون لك ارسلها على الايميل واحنا نسويه الك لاكن للاسف ينسون او يتاخرون بسبب انشغالتهم ف انصحكم انكم انتم تسونها وتعبون معلومات الدكتور بعد وتخلي التقييم فاضي وتوديها له جاهزة فقط يعبي التقييم ويوقع عليها شغله ثانية للاسف الدكاترة مايكتبون لك كلام فقط يقيمون ف أحرص انك تخليهم يكتبون لك تعليق على التوصية انه انت طالب متميز ومن هالكلام حق التوصية طبعا انا طلعت كلام من النت وكتبته باسم الدكتور وخليته فقط يوقع وراح ارفق لكم نموذج المعتمد للتوصية للجامعة واسف على الاطالة وبالتوفيق لكم جميعا.