02-07-20, 06:11 PM
|
| |
تعالو هنا ( الاقارب عقارب )
هواي هاليوم منتشره جملة
" الاقارب عقارب "
وهواي اكو ماخذيها فد حكمه
وماشين عليها !
اللي يدري بيك بمحنه من محن الدنيا
ويجي يسال ويحن عليك ويساعدك
باللي يقدر عليه ( هذا عقرب )
اللي يدري عندك فرح ويفرغ نفسه
رغم اشغاله حتى يشارك وياك فرحتك
( هذا عقرب )
اللي يلتمون عليك داير مدارك ويمسحون
دمعتك ويواسوك وكت حزنك حتى لو
في باقي الأيام مشغولين عنك بامور
حياتهم هذول ( عقارب )
واللي يلتمون داير مدارك وكت فرحتك
ويهوسون ويهلهلون ويصفكون
وضحكتهم ترس وجهم ( ذول عقارب)
واللي يتصل بيك يعتذر لإن ماقدر
يشاركك فرحتك ويقلك جنت اتمنى
اكون وياك لكن ماقدرت ( هذا من العقارب )
انتبه !! ترى الأقارب مو عقارب ..
يجوز انت العقرب ومحد يريد يقترب منك !!!
شتسوه الدنيا لو ما لمة الاهل والاقارب
بالرغم من سلبيات كل واحد بيهم
اتحملهم !! لا تنسى انت هم صاحب
سلبيات ومتحمليك هم
وأخيراً :
صلة الرحم جنة ولو بالسلام ،
والقطيعة نار وانت اختار ..
جنه لو نار .
في حين انك تردد هذه العباره
( الاقارب عقارب )
هناك من يتمنى ان يكون لديه
اخ ، اخت ، عمه ، خاله ،
عم ، خال ، ام ، اب ..
شنو رايكم بهاي العباره
شاركوني الراي
تحياتي
آخر تعديل شوق الانتظار يوم
02-08-20 في 09:40 PM. |