منتديات كوفي كوب Coffee cup - عرض مشاركة واحدة

03-25-17, 03:59 PM

في البداية أخت ورد اود طرح إعجابي لأجوبتك الصريحة والأسلوب الجميل في الإجابة

أهلاً وسهلاً ، كنت أنتظرك دائماً ..
//

تحمست اني اسألك :)

1/ وش تفضلين أكثر حاجه من الأكل الأكلات الشعبية القديمة ام الأكلات الجديدة .. ؟؟

والله كلها أحبها ، هو على حسب أحياناً تمسك معي على أكلة معيّينه مره شعبيّه وتكون صعب تواجدها مثل خبز التنّور ، أحب اللي يمسك الفحم فيه ويبان طعمه هذا مره مره صعب إني أحصله في الشرقيه وأمي إعتزلت صنعه للأسف ، ومره تمسك معي أكلة جديده بس سهل الحصول عليها وكذا يعني ،، اهم شي الاخلاق وحب الوطن والحمدلله على كل حال ..

2/ وش ميولك للأكل ،، النباتي أم الحيواني .. ؟؟

برضه على حسب المزاج ..

3/ وش اللي يخلي يعكر مزاجك .. ؟؟

إذا أحد عصب علي بسبب أو بدون سبب ، معليش ما أتحمل ابكي على طول ..
وإذا أحد ماصدق شيء أقوله ..
وإذا انتظرت أحد يرسل وما أرسل أو كتب لي حرفين وأكون راسله أنا معروض ..
وإذا زعلت أحد بدون قصد ..
وإذا ما أخذت اللي أبغاه ..

المهم حاجات كثيره والله بس هذا اللي جاء ببالي ، والشيء اللي يخليني أبكي هو أكثر شي يعكر مزاجي ..

4/ كيف تعالجين او وش تسوي عشان تحسنين من مزاجك اذا كان تعكر .. ؟؟

أرقص ، آكل ، أقرا كلام حافظته عندي ويسعدني ، أسوي أشياء تروقني ..

4/ وش الأفضل عندك جهاز آيفون او جهاز السامسونج والا ولا واحد فيهم .. ؟؟

أفضّل الآيفون ..

5/ لو خير لك تسافرين لإحد الدول وش الدولة اللي ودك تروحينلها .. ؟؟

في السعودية : ودي أروح لأبها كل يوم
وخارج السعودية : إيطاليا عشان آكل المكرونه هناك ..

//

ان شاء الله مااكون كثرة اسألة وماتكون مزعجه لك

تحياتي لك

بالعكس والله ، قليلة ليتك كثرت .. :(

ولا إزعاج ولا شيء وياليت تنوّر موضوعي كل فترة

أشكرك من الأعماق على مرورك وأسالتك اللطيفة ..