احساسي ونا اسمع اغنية مرة على مره

تدرون عاد من بين كل الأغاني في اغنية ماحب اقول اني احب اسمعها
مو علشان شي معين او عشان استحي كثر ما ان فشلة
فشلة لان راح ينقدون علي الي حواليني
مو عشان الإغنية تفشل لا والله حرام الإغنية ماتشوبها اي شائبة
بس لأني آنا الي افشل
انا لما اسمع الإغنية هذي ابسط ماعليهم الي حواليني يقولون لي
اي طبقي على الأقل نفذي الي تقولها الإغنية
مو بس هابتلنا فيها تحبينها وتحبين تسمعينها

ترا جد

بعض الأغاني لما نسمعهم ننحرج نقول حق الناس الإغنية هذي اثرت فينا
لأن يمكن هذي اكثر اغنية تترجمنا واحنا ماندري او احنا مو قادرين نسولف عن الي بنفسنا بشكل واضح
اذا ناوي تروح ابفهم وين اروح << هذي تفسرني هذي تشرحني صج
بس لأني ماعرف اعبر عن هذا الجزأ بحياتي فصارت هذي اغنيتي المفضلة & افضل اسمعها بروحي بدال المره الف مره
ما احب احن وازن معاهم ونا طالعه
ولا احن وازن معاهم واحنا قاعدين
عيودا هالإغنية حطولي هالإغنية وادز مسجات حق الإذاعه
لأن انت بكل بساطه الي خليتني انحرج
انت الي خليتني انحرج اني اسمع اغنيه ممكن ان اهيا تفسرني وهما يدرون اني قاعده اطبق عكس ما يقال اهما يدرون اني قاعده اطبق عكس ما المفروض اني احسه
احاول اني انا قاعده اشفي غليلي بالرد عليك من خلال اختيارات واضحه من كلمات الإغاني

صج

لاني انا بالنهاية اكتشفت اني مانحرج من الإغنية نفسها
انا انحرج منك انتا
انا انحرج من فعايلك
انا انحرج من الي سويته فيني جدامهم
فأستحي اقول اني ابي هالإغنية ابي اسمعها

لأني بمجرد من اطري هالإغنية بيقولون اكيد لأن فلا طرا على بالك

اعذرني لأني مفضوحه من عيوني

ماراح اقدر اجذب واقول لا هذي الإغنية ماتمثلني
ولا اقول لا مو علشان هالإنسان انا قاعده اسمع هالإغنية

تدري وصلت لأي مرحله

وصلت لمرحلة اي اغنية انا اهب فيها تصير اهيا الإغنية الي الكل يتكلم عنها بأن اكيد فلانه قاعده تحس هالإحساس
وتسمع الإغنية الفلانية الي معلقه عليها هاليومين

,,احبس العبرات يغرق داخلي وغيرها وغيرها .....
وهذاك الي ابي له الخير عشق غيري وصار للغير
معقوله كلمه تغير حالي معاك
معقوله تنساني وتحبلك ثاني مشتاق قالولي..

والله لو بقعد اعدد لك الأغاني راح تكتشف بأن كل اغنية تربطني فيك بسالفه بحدث بإحساس بشعورما

ولكن

ماحد كللللش قدر يستوعب بإن كل اغنية انا قاعده اقولك الكلام الي فيني ولكن بدون لا اتكلم

شكرا...

شكرا لأنك احرجتني بدال المره ألف مره
شكرا لأنك تركرتني صامته اسمع هالإغنية وبروحي كأني قاعده اسوي شي غلط ولا ابي حد يدري عني حتى ما اقول ان هالإغنية تشدني


لين ما مرره...
بس مررره ببسسس اشتغلت هذي الإغنية بوجودهم فزز قلبي
وقلت خلوها......... خلوهاا......احبها
والتفتو علي .. متعجبين!! منصدميين..@@
من صجج
سكت
شقول بعد انا طحت بلساني جدامكم

اي احبها ...

احب هالإغنية هذي لأني ماني قادرة اقول الي قاعدين تسمعونه فيها
ماني قادره اقوله كلام الإغنية وجه بوجه

صارت هيبته عندي تسوى بإني آنا ابطل حلجي بكلمتين

كسر كل قوانين قوة الشخصية فيني
خلاني ماعرف اعبر
خلاني ماعرف اتكلم

والعيب مو منه

والله ثم والله ثم والله العيب مو منه

مني آنا
بإني كل مره اقول اني راح اوقفه عند حده يا جماعه
بس لأني ما ابي ابين ضعفي جدامه.. نفسه يبين جدامكم
فأستحي اسمع هالإغنية جدامكم
لأنها
راح تبين لكم شكثر انا مكسورة منه
راح تبين لكم شكثر انا ضعيفه جدامه
راح تبين لكم شكثر هالإنسان بدال المره الف مره كسرني
وبدال هذا كله قاعده اسامحه
ومن وراكم مافتحت قلبي ماقلت لكم بيوم من الأيام
بس انتو اكتشفتو

من بعد ما سمعتو اكثر اغنية محرجه
الي اهيا بالإحساس
اكثر اغنية جاست كل الناس
استحيت اني اقول اني انا معاهم


تدري ليش...؟!!!
لاني انا منحرجه من الإحساس نفسه من الأساس

شقولك ؟؟
صج والله شقولك؟؟؟؟

بدال المره مليون
بدال المره آآآلااف من المرات
غفرت لك سامحتك عديت لك
كل انت هالمره هي المره الأخيره
الحين لما يدرون ان الإغنيه هذي مأثره فيني
ادري جم شخص بيعرف اسمك
بيدري ان هذي الإغنية الي انحرجت اسمعها في يوم
اهيا الي توصف احساسي لك


مره على مره
كنت اتغاظى كثير ولك أطوف كنت اصدق كل وعودك يوم تحلف
كنت اتغاظى كثير ولك أطوف كنت اصدق كل وعودك يوم تحلف

مره على مره تزيد وكم غلطه وتعيد ماخجلت من كثر طيبي لا كلامي لك يفيد !

كنت أقول أني ابرحل تالي اخلف يمكن تغير ولا يمكن هو تحسف
كنت أقول أني ابرحل تالي اخلف يمكن تغير ولا يمكن هو تحسف

مره على مره تزيد وكم غلطه وتعيد ماخجلت من كثر طيبي لا كلامي لك يفيد !

ي حبيبي ماهو يوم وياك اصدق كل دقيقه تزل على عمري تكلف ?!
ي حبيبي ماهو يوم وياك اصدق كل دقيقه تزل على عمري تكلف !

مره على مره تزيد وكم غلطه وتعيد ماخجلت من كثر طيبي لا كلامي لك يفيد !


هو غلا جرحى كبير وانت تعرف ما يطيب لو الف مره لي تأسف

أنسى أني في حياتك دور يحدث المحبة تحت اسمك ماتشرف !

ومره على مره تزيد وكم غلطه وتعيد
ماخجلت من كثر طيبي لا كلامي لك يفيد !!