ياللي تهددني في بُعدك ، وفرقاك
درب الجفا واضح طريقه ،، وسالك
ترى جمالك ، مايكفر خطـــــاياك
لاتلوي ذراعي ، بحجة جمـــــالك
لاوعي عندك فالمحبه ولا إدراك
تفكيرك اللامنطقي ،، من خيالك
حاولت آداري خاطرك واطلب ارضاك
وآشيل همك ،،، بس يرتاح بالك
ياللي دروبك فالهوى صارت اشواك
وش غير آطباعك وش اللي جرالك
آغفى على شاطئ غرامك ، ومرساك
وآصحى وانا عطشان حُبك ، وهالك
أسقيتني مر المواجع ،، بيمناك
وآسقيت غيري ، من عذوبة زلالك
نويت تتعشى في قلبي ، ولا آمداك
قلبي تغدى فيك ، وحطم آمالك
أول لقانا ،، بسمتك في محياك
وآخر لقانا ،، صار يكثر جدالك !!
تدري وش أصعب شي يحصل في دنياك ؟
لاصرت تعشق شخص يعشق بدالك
وتدري متى ،، تشعر في موتك أذا جاك ؟
لاصرت بين الناس ، عايش لحالك
ماعاد أبي شوفك ، وقربك ، ولاماك
وش عاد أبي ،، والكذب أفضل خصالك
وان زارني ياصاحبي طيف ذكراك
بسدل ستار الحب ، وآرثي وصالك
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ ‘‘‘‘‘‘‘‘‘
مما رآقني