03-30-12, 03:12 PM
|
| |
ولاتخسر اللي فكر بيوم يشريك
ياصاحبي بالله فتح عيونك
اصحى قبل شمس الحقيقه تصحيك
راجع حساباتك بلحظة سكونك
وخذها نصيحه جعل ربي يعافيك
تفهمك ناس وناس مايفهمونك
وتتبع لناس وناس تتبع خطاويك
ناسٍ تفكر همهم يسعدونك
وناسٍ تفكر كيف تقدر تبكيك
لاتشتري من حاولوا يخسرونك
ولاتخسر اللي فكر بيوم يشريك
مافيه اجمل من صديقٍ يصونك
ولافيه اقسى من قريبٍ يعاديك
اكبر خطا نسيان من يذكرونك
اعظم وفا ذكرى حبيبا مجافيك
اكبر عناد تخون شخصٍ يخونك
اجمل امل حبٍ جديد يناديك
أصعب سؤال اللي تجيبه ظنونك
أكبر غباء اإنك تغير مباديك
اكبر قهر لاصار ناسٍ يبونك
وانته تبيهم بس حظك لعب فيك
اتعس حياة تعيش والحزن لونك
لاصرت عم وصار حزنك بناخيك
|