منتديات كوفي كوب Coffee cup - عرض مشاركة واحدة

02-07-12, 12:58 AM

.
في الامـآرآت
تناظر الكل وسرحت بأفكارها فيه في (صقرها زوجها حبيبها دنيتها وكل كونها)تنهدت بألم\آآآآهـ بس(رفعت عيونها لسهر ورجعت نزلتها وبهدوء)الله يسامحج يّ سهر ليتج
مارحتي ويا راكان وشافج صقر ليتج(نزلت دمعتها وهي تشوف ام واب وبينهم ولد حست بسكين ينغرس بصدرها)باجر بنروح السعودية ليش احس اني خايفه الله يستر الله يستر
سهر وهي تقرب\منوش تعالي ويانا!
منى رفعت عيونها الزيتيه لعيون سهر الفيروزي\سهر ماودي اسافر للسعودية!!
سهر وهي تجلس جنبها وعيونها بعيون منى\وليش ماودج
منى بخوف وتوتر\خايفه اشوفه ولا نقابل
سهر بهمس \وحق شنو خايفه منه؟!
منى نزلت عيونها وبتوتر\انتي عارفة منو صقر وشنو بيساوي!؟؟
سهر بتوتر وتلعب باصابيع يدها\ايه اعرف منو صقر بس انتي ما عدتي منى الخوافه!اللي كل ماجان صقير يسكر تخافين وتصرخين
منى بهدوء\خليها على الله
سهر ربتت على كتف منى\انا اسفه ادري اني السبب لو ماطلعت وي راكان وجافني صقر ماجان صار جذي
منى ابتسمت\لا تشيلي هم
جاتهم رهف وبابتسامه\وشو تقولون
سهر بضحكه\هههه مايخصج
رهف تخصرت \لاوالله ابي اعرف
سهر ترفع حواجبها\لا يعني لا
رهف بتافف\اففففففففففف وجع
سهر ومنى\يوجعج
رهف ضحكت\ههههههههههههههههه(تأملت عيونها وبهمس)تصدقون
سهر ومنى\شنو؟
رهف بابتسامه\حييـل حنا نشبه امي وبذات انتي يا سهر عيونك فيروزي(ناظرت منى) ومنى حيل شعرك يشبه لشعر امي(اشرت على نفسها)وانا بشرتي مثل بشرتها اخذنا من امنا الجمال
منى وسهر بهمس\الله يرحمها
سهر ابتسمت بحزن\وخذنا من ابوي القوة
منى ورهف\الله يرحمه
منى وقفت\مشينا نروح لرشود لجل نرد البـيت لجل نسـآفر باجر
سهر ورهف مسكوا يدين بعض\مشينا(وتقدموا)
منى تاملتهم وبهمس\حيــل تشبهـون بعــض وبلحيــل تشبهون عمـتي الله يرحمها!!!!!!
.
.
ضمت يدينها لصدرها وهي تهمس\خلـآص يا جنى لازم تنسيـن عامر هو بيتـزوج خلـآص(نزلت دمعتها)انســي الحب هذا كلـهم قالوا لــك الحب من طـرف واحد ما ينفـع لكن انتي اصريتـي وحبيـته وهذآك تذوقيـن مرارة حبـك
همس\ولـيش تقوليـن كذا
جنى تصـلب جسمها وسكتت\.....
جاء قدامها وحط عيونه بعيونها\وليـش تنسيــن حبـك لــي
جنى وهي تبكي\لـأنك بتتزوج بتأخذ وحده غيري
عامر بتردد\جنــى
جنـى بهمس\عيونها
عـآمر ابتســم\لو قلـت لك بتزوجك توآفقيــن؟!
جنى توترت وبهدوء\لـآ
عامر انصدم\ليش؟
جنى وهي تعطيـه ظهرها\مـآ أبيك تأخذني شفقه
عامر همـس\من قـآلك انها شفقـه؟
جنى بابتسامة ألـم وتبكـي\عيـونك تقـول يا ولد الفـآرس
عامر لف وجاء قدامها\طـآلعي بعيونــي وشوفـي هي شفقـه ولا اعجـآب
جنـى رفعت عيونها وطاحت بعيونه نست العالم كله وهي تناظر عيونـه\هـآه
عامر ابتسـم على جنـب وبتردد مسـك يدها\جنـى وربـي مـآرآح القـى وحده مثلـك وآفقي
جنى رفعت حاجبها ودفت يده وبعصبيه\انت نسيـت نفسـك ولا وش عشـآن تمسك يدي!!
عـآمر ابتسـم وزاد اعجـآبه فيها\طيـب اسف(اعطها ظهره)بخطبـك واتمنى توافقيـن(ومشى تـآركها)
جنى رفعـت يدها لقلبهـآ اللي يدق بجنون وهمسـت\يمـه وش صاير فيـني معقـوله هذا كلـه عشـآن طلـب يدي يـآويل حـآلي انا(غمضت عيونها وهي تحس قلبها بيطيـر)
(مـآشـآفوا اللي اخذ لهـم صوره لما كـآنوآ وآقفيـن قبـآل بعض)
.
.
سحبهـآ من يدها صرخت بخوف\آآآآ
حط يده على فمها وبهمس\اششش يا هبله هذا انا
لفت عليه وبصدمه\فهد!!
فهد وهو يتأملها\عيون وقلب فهد
خوله دفته وبعصبيه\انت كيف تسمح لنفسك تقرب مني !
فهد ببرود\والله كيفي
خوله بهمس\فهد روح عني مب ناقصني مشاكل
فـهد بعصبيه\ايه اكيد ما تبيني مو انتي تحبين يزيد!
خوله بلعت ريقها\فهد رجاء افهمني