على طول المشاعر اللي حوتنا من ثلاث سنين !!
نحتّ إسمگ على بالي وأثري مو على بالگ
على حرّ الجمر أنطر متى لحظـﮧ لقانا تحين
متى ألمس هدب عينگ وأحس برعشـﮧ اوصالگ
تصدّق من عقب ما قدّر اللـﮧ ينگتب هالبين!!
لأني شفتگ الأول و غيرگ صاروا التالين..
ومن هو اللي تجرأ بس يحلّ بيوم منزالگ
غلاگ اللي سگن فيني تراهـﮧ موجود لين الحين !!
أبد ماهزّهـﮧ غيابگ ولا تأخير مرسالگ
توقعّتگ تبادلني شعور الحب بين اثنين
ومثل ما البعد غربالي ضروري يگون غربالگ
حسافـﮧ جيت متغيّر وبيدگ شايل السگين!!
أسولف لگ عن اشواقي تقول لي مالي ومالگ
زرعتگ نبتـﮧ بصدري .. سقيتگ من دموع العين !!
ولگن أگتشفت أنگ حبيب شايفنَ حالگ
أشوفگ تغلط بحقي واقول مردود لگ هالدين
لقيت القلب يرضيني وبالغفران يسعى لگ
أنا ماهنت لگ نفسي عشان تذلّني وتهين !
ولا تفگر أبد إني لعينگ بقبلافعالگ
و إلى منـﮧ طرى لگ هاجسگ لأنگ جميل وزين
تبي تلعب بأعصابي مثل ما الهوآ يحلى لگ
تذگر شطر هالشاعر نطق بـﮧ قبلنا بعامين !
ترى ماني تبيع‘ـن لگ ولاني بأصغر عيالگ
أبد لا يغرّگ إخلاصي وسؤالي عنگ يا المسگين
مدامگ خضت هاللعبـﮧ ونويت تحقق آمالگ
ببدّل گل أطباعي وبنسى گل ماضي شين
وبطوي صفح‘ـﮧ الطيبـﮧ وبصير اليوم قتّالگ
بتلقى أخلاق مقلوبـﮧ سوى گل مايخص الدين
و لامن قابلگ زولي تهجّ وبيدگ نعالگ
ترى هذي جزاةةُ اللي بدى يلعب على الحبلين !
ومن يلعب مع البرگان أكيد إنـﮧ غدى هالگ
وإذا ضاقت بگ الدنيا وضاق الگون بگ بعدين
وصار الهم في صفگ وشانت عقبي أحوالگ
خلاص .. لا تجيني تتعذر وتذگر هالثلاث سنين
لأنها للأسف هانت بقولـﮧ مالي و مالگ !!
مما راق لي..