الموضوع: في بلاد الحــــلـم ممنوع العقال
عرض مشاركة واحدة
#1  
قديم 01-10-09, 07:42 AM
ديور
كوفي جديد
ديور غير متواجد حالياً
لوني المفضل Cadetblue
 رقم العضوية : 280
 تاريخ التسجيل : Jan 2009
 المشاركات : 42 [ + ]
 التقييم : 10
 معدل التقييم : ديور has a little shameless behaviour in the past
بيانات اضافيه [ + ]
افتراضي في بلاد الحــــلـم ممنوع العقال


جاني واحد قال : بسأل كم سؤال
وقبل يسأل قلت : أنا ماني خبير !

قال: جاوب بس , يا ولد الحلال
وكل كلمه حِطَّهَا .. بشطرٍ صغير

قال نبدي : شنهو تعريف المُحال..؟
قلت : خَل هالكلمه فـ البيت الأخيـر ..!

القهــر : إن شفت دمعـات الرجال
و الوطن : ( إنسان ) .. مِتغيِّر كثير

و الطفل : لعبه على شاطـي الرمال
و الأمل : إحساس في عين الضرير

الوفا : [ قلبين ] .. يجمَعهُم حلال
و الرَجُل : اللـي علـى أهلـه يغير

و الرجا : لا قلت : للواطـي تعال
و الفشل : مدري .. ولكنـه مرير

و الشعر : في وقتنا .. بدر و طلال
زين أوَّل : حيـل يعجبنـي جرير ..!

و الغلا : إحساس إلى حَـد الخيال
و العِشِق : لا شفت مَعشُوقِك تطير

و الجفا : إعكس مفاهيم / الوصال
و الوَصِل : يعنـي تأكَّـد فيك خير

و العقل : تِسْفَـه أقاويـل الجهال
و الجهل : إن قلت عن نفسك كبير

و الخطر : لا صار ما عندك مجال
و البلا : إن صرت معدوم الضمير

و العجب : لا صرت تسأل منهو قال
و التعب : إن كنت تِبْحَثْ عن مصير

الغنى : بالنفس ما هو راس مال
و الفقر : من كان .. بـ أعماله فقير

يكفي يكفي .. أسئله إنهي الجدال
ويـ الله علمني عَن .. السِّر الخطير

ما أبي تضرب لي في غيرك مثال
قول : عنِّك وإعتبر سِرِّك في بير

جات طعنـه مِن جنوبك والشمال
يعني وضعِك بين مِن حُولك خطير

صاحبـي وإن ضاقت بعينك ليال
لك فرشت القلب مفروش الحرير

في [ بلاد الحلم ].. ممنوع العقال
والمصيبه الشعب ما إختار الأمير

وما ألومك .. كان شدِّيت الرحال
دام بيتك جرح / وفراشك حصير

هذا تعريفي إلى كلمة : مُحَال
شيء ودِّك فيه ولا يمكن يصير ..!


الموضوع الأصلي: في بلاد الحــــلـم ممنوع العقال || الكاتب: ديور || المصدر: منتديات كوفي كوب

كلمات البحث

جامعة الإمام عبدالرحمن بن فيصل ، واجبات ، ملخصات ، ملازم ، أسئلة ، جامعة ، كوفي كوب




td fgh] hgpJJJJgJl llk,u hgurhg




رد مع اقتباس