بسم الله الرحمن الرحيم
السلام عليكم ورحمة الله وبركاته
كيفكم ان شاء الله تمام. .
موضوعي اليوم جريء شوي بس هو مشكلة وكاثره هالايام وبقوة وحبيت اناقشها معكم وبالذات اننا جيل بنكون امهات واباء المستقبل موضوعي هو ( التحرش الجنسي بالاطفال ) وخصوصاً من قبل السواقين والناس الي نثق فيهم (الاقارب) دايم الاحظ السواق يشيل البنات الصغار ويوديهم المدرسه ويرجعهم
طيب وين الام الي حرام فيها هالكلمه وين الاب الرخمه الي مخلي شرفه وعرضه مع هندي ولا بنقالي ولا فلبيني ..يعني اذا الاب ماحرص على اطفاله بيحرص عليهم الاجنبي ولا احيانا يكون مسيحي او هندوسي والادهى من كذا بالسوق ياعالم الام مخليه بنتها ولا ولدها الصغير مع السواق برا وهي جوه تتسوق 
يختي انتي وش دمك وش احساسك باي عقليه عايشه
والفئه الثانيه الاقارب لانهم اقارب نعطيهم كل الثققه
وللاسف صار البلا منهم ياخال ياعم ياولد اخت او ولد اخ واحيانا الاب و الاخ الله يكفينا . . الطفل دايم نمنعه من الكلام عن اعضاء جسمه وعيب اسكت ولا تقول واذا جاء يشتكي لامه قرصته وقالت عيب اص الطفل بهالطريقه اذا تعرض للتحرش ماراح يقدر يتكلم مما يعطي فرصه للمتحرش انه يتمادى عليه ويستغله كل مره. .
اقتباس:
صحيفة الشارع السعودي: كشفت الدكتورة نوره ابراهيم الصويان مديرة قسم الخدمات الاجتماعية ببرنامج الامان الأسري
عن إثبات عدة دراسات بإن مايصل إلى نسبـة 22.7% من الاطفال تعرضوا للتحرش الجنسي ,
بينما 62.1% رفضوا الإفصاح عن الأشخاص المعتدين عليهم
فيما ترجح الدراسة ذلك إلى حساسية العلاقة التي تربطهم بهم.
وقال الدكتورة الصويان خلال ورقة عمل: إن هناك دراسات، أفادت
بأن نسبة التحرش الجنسي بالأطفال مرتفعة، إذ يتعرض الطفل
من بين 4 أطفال للتحرش.
وفي دراسة أخرى تناولت العنف والإيذاء في المدارس
وتوضح أن 23% من الأطفال في سن 6 سنوات إلى 10 سنوات
في المرحلة الابتدائية يعدّون الأكثر تعرضاً للتحرش الجنسي، وذلك وفق العينة التي شملتها الدراسات.
|
امانه هالتعليق مو يفجع يعني كل اربعه اطفال بينهم طفل يتعرض للتحرش يعني بعد كم سنه بيصير كل 4 اطفال يتعرض 3 منهم للتحرش واحد منهم يسلم بس
ليه الاهمال ليه والله العظيم اسمع قصص تدمي القلب عن الاطفال
واكثر مانسمع ياسواق ياواحد من الاقارب
والمشكله لاصارت بنت تقتل وهي حيه تقضي طفولتها ومراهقتها وشبابها وباقي العمر
معقده نفسيا وتعبانه وماتقدر تتزوج وتعيش مثل باقي البنات
والسبب طيش شاب او استغلال سواق لها
وهم عاشوا وهي الي شالت العاقبه بروحها
وان كان طفل تلاقيه يكبر وهو مهزوزه شخصيته مصاب بامراض تناسليه
فاقد الرجوله ويعيش ماله اي معنى بالدنيا
المجتمع يحتاج لتوعيه يحتاج ينقص من لسانه كلمة عيب ماذبحنا غير كلمة عيب حتى الام اذا اكتشفت ان طفلها تعرض لتحرش حطت ايدها على فمه وقالت لاتقول لاحد عيب ليه عيب ليه مانردع هالفئه الحقيره اللي قدرت تهتك جسد طفل ليه مانعلم الطفل وشلون يصرخ اذا احد لمس اماكن معينه بجسمه ليه مانعلمه شلون يدافع عن احترام وخصوصية جسده لاتقولون طفل مايفهم لا يفهم ويستوعب حتى لو استوعب ليه هالحرص عالاقل يستوعب ان هذي خصوصياته ولا يحق لاحد التعرض لها وان تعرض لها احد لاززم يتكلم لازم يقول لامه او ابوه
"المشكله كبيــــرةة والحل بسيــــط"
لو كل مُدرسة او مدرس في ابتادئيه او تمهيدي يشرحون للاطفال كيف يحافظون على انفسهم وخصوصية اجسادهم تدريجيا بتقل هالمشكله انا ما اقول نمحيها من المجتمع لانه مستحيل لكن اقل شي نقلل منها قدر المستطاع نحاول نوعي الامهات بالبيوت نحاول نخلي الطفل طفل بكل شي الا بشرفه . شي والله يقهر ويعور القلب 
اتمنى اني ماكنت مكثرة الكلام وان شاء الله وصلت الموضوع بالطريقه الصحيحه واللاسلوب المقبول بقلم اختكم /غرام .. والموضوع مفتوح للنقاش
= )