منتديات كوفي كوب Coffee cup - عرض مشاركة واحدة

#1 12-08-10, 06:00 PM

عهدي بهـا قـدّام تلبـس عبايـه
وانا بعد قبل البس شماغ وعقـال

طفلين نتهجـّى حــروف البدايه
الله يامجْمـل سواليـف الأطفـال

كانت لنا في كل شـارع حكايـه
وكنّا نقول علوم ماهيـب تنقـال

وكنّا نتقاسـم مامعاهـا ومعايـه
من عسكريم التوت للعلك أبو ريال

وكانت بعكسي شاطـرة بالقرايـه
تقرا جزء عـم وطـه والأنفـال

وانا لك الله مـن مـواري غبايـه
مدري ابـونقطـة هـو الذّال أو دال

وكانت لابويه تشتكي من شقايـه
وتعلّمه كيف اربط البـاب بحْبـال

ياما على ظهْري كسر من عصايه
يقول لي خلك وانا ابـوك رجـّال

وامي تقول ادعِ لـولـدْك الهدايـه
خوفي يصيبه كثـرة الضرب بهبال

لا شفتها مع أوّل الـدرب جايـه
مدري انا اللي ملت ولاّ الوطا مال

أحس قلبي يرتجف فـي حشايـه
ما كنّه الاّ الضيف لا هــز فنجـال

ياما عن السعلـي تخبـّت ورايـه
لا خـوّفـوها فيه ثم شافت ظـلال

تقول خلّـك يـا (..........) معايـه
واستانس العب عندها دور الابطال

واغار حتى مـن عيون اصدقايـه
لا طالعوها قـلـت:تكفون يا عيـال!!

الموضوع الأصلي: لا طالعوها قـلـت:تكفون يا عيـال!! || الكاتب: هيفاء || المصدر: منتديات كوفي كوب

http://www.cofe-cup.net/vb

كلمات البحث

جامعة الإمام عبدالرحمن بن فيصل ، واجبات ، ملخصات ، ملازم ، أسئلة ، جامعة ، كوفي كوب

المصدر: منتديات كوفي كوب Coffee cup - من قسم: قافية شاعر

gh 'hgu,ih rJgJj:j;t,k dh udJhg!!