.. التبني ..
قصهـ واقعيهـ حدثت لي .. يعني مو شد انتباه لاوالله هذا اللى صار ,,
قبل 3 أيامـ قاعده عند التلفزيون ويدق التليفون .. أختى المتصلهـ ..
أنا : ألو ..
أختى : هلا جروح وشلونك ؟
أنا : بخير ياوجهـ الخير , تعبانهـ اليومـ متغير صوتك ..
أختي : لا , بس في شي صار لي ودي أكلمـ أمي ..
أنا : والله أمي مو عندي مشوار أناديها ..
أختى : جروح قسمـ مو وقتك قومي بسرعهـ ناديها ..
أنا : الصدق .. الصدق .. نايمهـ ..
أختى : طيب بقولك ..
أنا : وشو ؟..
شوي .. أسمع أختى تبكي ..
أنا : قولي وش السالفهـ ؟
أختي : تدرين اليومـ ( أخت زوجي ) اتصلت علي وقالت لي ..
انها تبنت لها طفل وتبيني أرضعهـ عشان يصير محرمـ للجميع ..~
أنا : وان شاء الله وافقتي !!!
أختي : ماقلت لها شي .. بس قلت بسأل الشيخ وأرد عليك ..
أنا ماأبي جروح وش رايك ؟
أنا : شوفي هي صحيح كاسره خاطري وماعندها عيال بس مايعني هذا
انها تحطك قدامـ الامر الواقع , وتجبرك على شي انتي ماتبينهـ ..
صحيح الامر فيهـ أجر ؛ بتكسبينهـ انك بتشبعين عاطفة الامومهـ عندها ..
وان بتكسبين أجر ان الطفل بيتربى وسط عائلهـ ..
لكن ..
أنا طرف بالموضوع وماأرضى ان تجيب لي طفل عشان أصير خالتهـ ويصير واحد من العايلهـ ..
احنا ماحنا مكلفين بغلط غيرنا ..
بعدين هالولد ولد حرامـ ,, ماندري من امهـ من ابوه ؟
ماندري هو أبيض , أسمر ..
وبكرى يكبر يعشق وحده من بناتنا ويقولون زوجوه !!
ويختلط نسلهـ بنسلنا ليش ؟
اذا بتسألين شيخ ماراح يرفض لان مافي شي بس يمكن تتشجعين !!
أختي : طيب دامـ هذا كلامك قولي لاأمي السالفهـ كلها ..
وبعدين قولي لاأبوي .. تدرين جروح يارب أبوي يقول : لا !!!
أنا : أنتي ماأنتي مقتنعهـ اطلعي منها وأنا أختك أنتي لك راي لاتقولين أبوي عيّا قولي أنا ماأبي ,, طقيها في وجهها واللى يصير يصير ..
الا وش موقف زوجك ؟
أختي : حملني المسوؤليهـ يقول براحتك أنا ماراح أقول ايهـ وأكسر بخاطرك ولاراح أقولهـ لا وأكسر بخاطر أختي ..
أنا : يعيش الدبلوماسي .. يصير خير ..~
سكرت الخط .. ورحت صحيت أمي .. وقلت لها السالفهـ ..
أمي علامات وجهها : استفهـامـ + تعجب ..
وصل الخبر لاأبوي .. أبوي كالعاده يفضل السكوت ماعلق ولاشي !!
المهمـ ,, بعد ماخذ الامر وأعطى ,, وسالنا الشيخ ,, وقال جائز بشرط موافقهـ جميع الأطراف ..
أنا : رافضهـ الموضوع ..
أخوي : بالعكس عادي جيبو لنا واحد أسمر وأنا أزوجهـ بنتي لاأعرست .. وناسهـ يصيرون عندنا أشكال بالعايلهـ اسمر وأبيض .. ليش دايمـ أبيض حنطي قمحي نبي نغير ؟
<= هياط طبعا ..~
أمي : مستحيل أصير جده لـ .. ][ ولد حرامـ ][ بس اذا كان ][ يتيمـ ][ اوكي ..
وقالت ان الرسول تبنى ’’ زيد بن الحارثهـ ’’ بس انهـ أهلهـ موجودين !!
زوجها حيادي ..
أبوي : فضل السكوت ..~
:: طبعا / هاذي الاراء باختصار .. بعض أطراف بالعايلهـ ::
أختى : يومـ شافت الجميع رافض نوعا ما تشجعت ..~
اتصلت على أخت زوجها .. وقالت لا ..
حتى أهلي مو موافقين ..
أخت زوجها : وش دخلهمـ يوافقون ؟
أختي : الشيخ قال رضاء جميع الاطراف وانا بربط عايلهـ معي .. هذا رأيي ..
والله يرزقك من فضلهـ ..
وللمعلوميهـ ..
أخت زوجها ][ عندها عيال زوجها اثنين ][
كافين يشبعون اموماتها .. عشان ماتحطون في بالكمـ اننا ظالمينها !!
.. انتهت السالفهـ ..
.. نجي للنقاش ..
طبعا همـ فئهـ أقدر أقول انهمـ مظلومين , وجاوو للحياه من غلطهـ لايحاسبون عليها
انما تبقى جرح لهمـ يحرمهمـ من أمور كثيره ..
الآن : انتـ / ـي هل تقبل فكره التبني ؟
ـلماذا ..!!
كيف بتواجههـ بكرى لما يكبر بالعايلهـ ؟
هل تضمن ان ماراح تكون مشاكل مستقبلا مع بني سنهـ تأدي الى انهـ يقولهـ ..
][ روح انت ولد حرامـ ][ ..
كيف بيكون شعوره ؟
وكيف بتقابلهـ وانت سبب بشعوره بجرح الكلمهـ !!
صحيح انت فضلت على راسهـ وخليتهـ يتربى وسط عايلهـ بس ممكن تكون من وراه مشاكل ..!
فأنتـ / ـي ماتضمنين انهـ راح يحافظ على اسمـ العايلهـ وسمعتها , مثل ماراح تحافظ عليهـ أنت !!
يعني احتمال وارد انهـ يلعب باسمـ العايلهـ !!
فـ .. هو لاراح يضره شي ولا راح ينفعهـ بشي ..
أترك لكمـ النقاش كامل ولو حبيتو تضيفون نقاط على ماأضفتهـ لكمـ الحريهـ كاملهـ !!
منقول دمتم بود^^