منتديات كوفي كوب Coffee cup - عرض مشاركة واحدة

09-25-08, 04:20 PM

وجات عند عرق ووقفت ونزلت وحطت المفتاح في مخباها
شيخوه :يالله انزلو العبو
هنود :ويش نلعب مامعنى شي نلب به
شيخوه :تصرفو
مهوي :تنكتين اخلصي سوقي ولاباخذ المفتاح منس
شيخوه :جربي
ونزلت مهوي وراحت تاخذ المفتاح من شيخوه الي انحاشت منها
انا :ياليتني ماخليت شيخوه تسوق
ندوي :انس حقيره ولا مافيه احلى من سواقت مهوي
انا :انتي الحقيره يالصايعه
نوير :خلاص عاد غلطه موب متكرره
لميوه :الحين بنتنقع
رنود :محد يعرف يسوق غير ذولا الغجر
انا :الى انا اعرف اسوق
رنود :يالله سوقي
هنود :كذابه ماتعرف
انا :الى اعرف يالله من الي بيروح معي اجيب المفتاح من الغجر
رنود :انا
نوير :وانا بعد
ونزلنا ورحنى لهم وهم كانو يتغافصون على المفتاح ووجلسنا نتغافص معهم ورجعتنى مسرعه وركبت عند السواق وقفلة وشغلة السياره ومشيت بشويش وخليتهم كلهم الاربع وجاو يلحقونا على رجليهم وتعلقو في السياره وهي تمشي وكل وحد تتحلطم من عندها وانا اسوق سواقه كنها وجهي ما اعرف ومهوي تعطيني التعليمات وهي متمسكه في الدريشه كنها ضعراط وانا استانست على البنزين اذا ضغطه بقوى اسرع وذا ارخيت رجلي مشا بشويش والبنات تكسرة يديهم وهم متمسكين ولفيت ولفيت وفي الاخير اكسرو خاطري ووقفت ونزلنا كلنا وخذة المفتاح مهوي وجلسنا نلعب مطارده ونسولف شوي ورجعت مهوي تسوق بنا وركبنا كلنا وانا ركبت قدام ورنود وشيخوه طالعين مع الفتحه
مهوي :التزمو يابنات بفحط
انا :نبي تخميس
نوير :لا شلي اذا امكن
هنود:لافحطي
انا :وحنا نقولها اخبز خبز ان التخميس والشل تفحيط
هنود :خلاص خمسي ولا سدسي
مهوي :مافيه شي اسمه سدسي
هنود :خلاص اخترعي انتي
مهوي :والله فكر اخترعلي تفحيطه خاصه فيني
لميوه :اجلسي اخترعي لاصرتي لحالس لانا مو مستغيني عن ارواحنى
مهوي :موب مستغنيه عن روحس انزلي
انا :يالله عاد فحطي
مهوي :يالله بنات نفلها وربنا يحلها
كلنا :نفلها وربنايحلها
وتجلس مهوي تفحط ذاك التفحيط الي اتحدا بوبو يسويمثله وحنى مستانسين حدنا ومطولين على الأغاني وهي تنطلبنا على قولتها المهم العربجيه غرزة بنا نبي السياره تطلع ومافيه امل حاولنا فيها حاولنا فيها مافيه امل غرزة من قلب وبعدين رجعنى للخيام رجليه وتونا في الطريق لأن السياره تبعد عن المخيم تقريبا كيلو
انا : حسبي الله عليس يا مهوي
مهوي : وانا وش دخلني انشاء لله
شيخوه : عليميه ماتعرفين تسوقين الحين وش نقول لعمي ناصر
مهوي : عادي باقول نواف يطلعها ويجيبها قبل يقعد عمي ناصر
انا :بنشوف نواف بيطلعها ولا لا
مهوي : اكيد بيطلعها
شيخوه : بنات دخاااان في المخيم ونروح ركض واول ما و صلنى لقينا المطبخ شاب نصه وكل اعمامي واقفين ومعصبييييين ويصارخون من اللي طابخ
عمي نايف :من اللي مسوي الفطور جعلكم السم الهاري من
وكلنا:اااااا
رندى : انا "طبعا شيخوه اللي مسويه الحليب"
عمي : ناصر حصل خير بس انتبهي ثاني مره
عمي جاسم :أي تنتبه لعاد تدخل المطبخ هاذي شكلها غبيه او يعني ذابحها الدلع
رندى :الله يسامحك بس نسيت
جاسم وبدا يصارخ : تخيلي شبت السيارات وتخيلي شبت الخيام واهلي رقود
عمي سلطان:خلاص جاسم ماصار شي
اما رندى راحت لقسمنى وهي زعلانه ولحقناها نهديها
شيخوه : مشكوره رنوده لو ابوي داري انهانا اللي ناسيه الفرن يشب كان ذبحني اليوم
رندى: عادي بس جسوم وش دخله اخواني الكبار ساكتين وهو قاعد يهاوش مالت عليه
انا :بنات من اللي طاح في الحفر
الكل :ياحرام فاتتنا
انا : خلاص بكره بنسويها مره ثاني
مهوي :باروح الروح احدمن البزران ينادي نواف عشان يجيب السياره وراحت
اما احنى رحنى نشوف مكان الحريقه ماكانت كبيره بس طرف الخيمه ورجعنى نبدل لأنا كان بالقلابيات ونطقم كلنا بناطيل جنز زرقا وبلايز كت بضا وعليه بديات الطوال الى تحت الركبه الي شاريتهالنا عمتي ساره يوم راحت لسوريا وكل وحده لون ونربط شعورنا على فوق انا ابديي ابض وبرتقالي مع جوتي ابيض ونجلس نسولف في خيمت اهلي لأن هناك الحريم يسمعونا
انا : بنات انامقهوره من نظرات طليل البارح
لميوه : ماحد قاهرني الا فوازوه وتلميحاته
مهوي : لا تلومونه بنات جاته ليلوه ولعنت خيره وهو مايقدر يقول شي
رندى : بنات من اللي تحب واحد من عيال عمها بسراحه
هنوده : ندوي تحب فارس ولد عمي ناصر
رندى : والله ماتلام ولد اخوي يجنن وغيرها
انا: ندوي ماتستحين على وجهس تحبين واحد مايدري عن هوا دارس
ندوي : اهم شي انا ادري عن هواداره صح عمتي
رندى: اكيد صح وبعدين ليلوه وشفيها اذا حبت ولد عمها
شيخوه : خلونا من الكلام الفاضي خلى نروح نصلي الظهر احسن ونصلي ونتغدا و
نرقد وبعد العصر وعلى طول
قال جدي: يالله بنات نروح نتمشى مثل ماوعدتكم على الساعه 4 ركبنا كلنا يابنات مع جدي وعماني كل واحدويا المدام وعمتي ساره وبنات عمي سلطان جواهر وخلود ركبو مع عمي وليد حتى الخدم راحو معنا جدتي ماخلتهم تقول خلهم يستانسون ورحنى للعروق واستانسا ونزلنا وقطينا العبايات ولعبنا كوره وكلنايا البنات فريق وكنا متحمسين على الاخر وعمي ناصر ويا البزارين وريموه وشلتهاكلهم فريق
عمي ناصر : اذا فزنا بامر عليكم زين
شيخوه : حتى احنى اذا فزنا بنامر عليك شخصيا شرايك
عمي ناصر: اوكي ماعندي مشكله
عمي وليد :انا الحكم ومدت المباراه ربع ساعه وتراها شوط واحد اوكي
أنا : خلها شوطين عشان نئدبهم ونعلمهم وشلون يتحدون لكبار
وليد :قلت واحد يعني واحد ياله ألعبو
و خططو الملعب البنات وحطو المرامي نعل وقامت شيخوه وصغرت مرمانا وكبرت مرماهم وكانت تشكيلتنا هي ....
شيخوه حارس ونوير وهنود ولميوه دفاع ورنود وأنا وصط ومهوي وندوي هجوم
أما عمي ناصر ....
جلس ساعه يرتب في البزران ولا قدر ورفعو ضغطه ولاحط تشكيله
وكان ترتيبهم الي على كيفهم ....
عهود حارس ونجود وريان وأمل ومي دفاع
مرام ودلوعه ودانا و مشاعل و ونصور وصط
وريموه وأمجادوعبير وعمي ناصر هجوم
وحنى سمينا فريقنا النعومه وعمي ناصر القوه واماتنا وابوانا يشجعون فريق عمي ناصر عشان بزرانهم وجدي وجدتي يشجعون ولدهم ناصر وأحنا محد عبرنا ما يشجعنى غير الشغلات بعد جهود من نوير وهنود بقناعهم ألمهم
بدانا اللعب والكوره كانت معنى ونهجم بس وين مليون بزر قدامي ملعبهم مليان كل شوي صادمه في واحد وياخذون الكوره منا بسهوله وحناخربنا التشكيله صرنا كلنا دفاع بس مانفع فيهم سجلو علينا 6اهداف وحنى كلنا دفاع وبعد المرما صغير عشان عمي ناصر فنان في لعب الكوره محد يقدر ياخذ منه الكوره وفي بدايت العب كنا منتضمين ومسوين روح رياضيه بس يوم شفنا النتيجه هم صارو 6وحنى ماعندنا شي خربناها وهجمنا كلنا حتى شيخوه الحارس اهجمت معنى وقلبنا المبراه الى مصارعه وبقسنا البزران وقبصناهم وكل شوي داعمين واحد ونصفهم جلسو يبكون وبعد ها الزحمه الي سويناها سجلنا هدف واحد بعد بلغلط كان شايتته شيخوه برا وصقع في ريان ودخل هدف وستانسنا و وتونا مستانسين سجلو علينا 5 اهداف و زفتت معي وهجمت بكل ما اتيت من قوه وادعم عمي ناصر واخذ الكوره وعلى طريقي جاتني ريموه تبي تاخذ الكوره مني وواقبصها ذيك القبصه وصاحت ذيك الصيحه حتى الي في الخيام يسمعونها وعديت منها ومهوي تلحقني تقول ناوليني" من زين العبها أنا ولها ورحت وحدتني الملعونه مشاعل وأمد يدي أبي اقبصهاولاكن انحاشت من الخوف وأكمل والكوره معي وجات الحقيره عبير وقطعت الكوره مني وبغت تجيني جلطه وجلست تضحك علي مهوي تقول احسن ليه ما نولتيني ولا شعورين وغصب عني لحقتها بسرعه ومسكت شعرها وسحبته بكل ما اتيت من قوه لدرجت ان راسها في يدي وجسمها راح قدام وفكيتها وطاحت على الارض وخذت شيخوه الكوره وعمي يقول غش وقفو وينادي الحكم عمي وليد ألي كان ما يدري عن هوا دارنا ويسولف مع زوجته دلال أما عبير جلست تبكي وطلعت من العب وهجمت شيخوه بسرعه فائقه والكل كان يبعد منها عشان ما تصدمه ويجيه شلل رباعي وكان اخوي نصور الفاهي واقف ومعطيها قفاه يعاين امجاد الي كانت تحذره تبيه يبعد من طريق شيخوه وهو مايسمعها زين
يقول هاه ها ه ويش تقولين
ألله يعيني على ها الولد اطرم واصقه
ألمهم دعمته شيخوه لينه طايح واتراب داخل في ثمه وجلس يبكي وجات امي وطلعته من الملعب خايفه عليه عشان عنده ربو
وكملت شيخوه وشاتت الكوره بقوى ونحاشت عهود من المرما خوفن على سلامتها ودخلت الكوره في المرما ومرام كانت ماره من وراى المرما وصقعت الكوره في وجهها وطاحت الضرسين الباقيه الي في ثمها "مدري كيف بدتقدر تاكل ألمهم
حنى استانسنا موت عشان ها الهدف بجهودنا موب بلغلط وعمي ناصر كان رايح لعمي وليد عشان ينتبه للعب وما شاف المجزره الي سوتها شيخوه
وكان مستغرب ان نصف فريقه أعتزل وكملنا ووهجم عمي ناصر وسجل هدفين وخذت الكوره رنود الي كانت في المرما الي طلعت منه شيخوه وقطتعا وخذتها هنود وهجمت وعكرفت لها الحقيره ريموه لينها طايحه وخذت مهوي الكوره وكملت وانا وانا الحقها مريت على ريموه وبقستها على ضهرها ذاك البقس الي طلع مصرانها وماسمعت لها صوت وكملت وأقول للحقيره مهوي نا وليني وعيت جعلها الجلطه وناولت شيخوه الي كانت متحمسه بشكل موب طبيعي وكملت وهي مستانسه وتعايناوحنى وراها وتقول
شيخوه : بسجلكم الهدف الثاني
أنا : شيخوه وقفي
هنود: امسكوها
مهوي : شيخوه خففي السرعه
شيخوه وهي تعاينا وراها وتضحك: ليه خايفين اقطع الاشاره
عمي ناصر بصوت عالي :لالالالالا
ولاكن لاحيات لمن تنادي ....