منتديات كوفي كوب Coffee cup - عرض مشاركة واحدة

09-19-08, 07:39 PM

واول مافكاناه قال الله يلعن والديكم وجعلكم المرض ماتستحون على وجيهكم
قلنا: يمه وطقينا داخل وهوكان مربوط عند باب الشارع سمعت صوته ندوي وجات
قلت كنه قطري
قالت ندوي يمكن متجنس ونطالعه مع الباب وهويصيح برا فكوني الله يلعنكم فكوووووني انا صديق طلال
يا طلال طلال فكوني قلت وش تبي جاي قال كلمني طلال يبيني اوديه للمستشفى قال انه في غرفه الدريول وبعدين انقطع الخط وين طلال فكوني يالله بسرعه قلت لحظه شوي بنادي الشغاله تفكك
قال: ياسلام من الصبح وانتي طايحه قدامي تسولفين حتى غشوه ماعليس والحين استحيتي تعالي بسرعه يالله والا خلي الدبه تجي تفكني بسرعه فكوني وتنجرح شيخوه وتقول: بصوت عالي افكك ** كبر راسك وتقط عليه المسدس لاموقع في جبهته لمغمى عليه ونتورط مره ثانيه شنسوي به ؟؟؟؟؟؟؟
ونكلم الاسعاف تاخذه واول ماجات الاسعاف قال الدكتور شقصتكم اليوم كل شوي واحد مطقوق عندكم
قلت :تعرف اللي خذيتو قبل شوي
قال :ايه
قلت: متهاوش ويا ذاه بس ذاه قوي شوي قدر يتحمل .
وراحو
ونروح نرقد واقعد الساعه تقريبا9 في الليل واقعد البنات وحصل الشغاله مسويه عشى
قلت: وين نصور I
قالت :في بيت ثاني مع باب طلال
قلت: روحي جيبيه شوي وجابته
قلت: شلون طلال
قال: تعبان جدا وامه وابوه
بيجون قدهم في الطريق والجيران من الصبح يصارخون مدري شفيهم وراحت ندوي اطل
قالت: عندهم سيارات واجد
قالت: شيخوه خلى نروح نشوف شسالفه جيرانا فشله مانجيهم.
ونلبس عباياتنا انا وياها ونروح لهم اول مادخلت وشلت الغشوه الاوامهم
تقول: برا ياحراميه برا الله لايوفقكم برا جعلكم المرض برا ذبحتو الرجال ذبحتوه حسبي الله عليكم برا عاد انا قلت: مات صديق كومار اقصد صديق طلال يمكنه ولدهم قلت: موب انا والله هاذي شيخوه قاطه عليه وتضربني امهم بلمخده اطلعو جعلس المرض انتي والبقره المنتفخه اللي وراس برا ذبحتو ابو محمد الله لايوفقكم وواتذكر الشايب ابو الجيران حراااام مات يوم طاح من الجدار حسبي الله على شيخوه القاتله المهم
و نرجع واضحك على شيخوه واعلم ندوي ونضحك ضحك عليه ونقولها يامجرمه ياقاتله شوي الا وداخله علينا ام طلال معصبه وتضربني كف
وتقول: حرام عليس ماعندي الا هلولد وبتذبحيه كل يوم طاقته يلي ماتستحين يا حيوانه وياكلبه واضنها وسط الدعاوي كلها قالتلي انتي سيم سيم دجاجه .
وتغسل شراعي
قالت: هاذي اخر مره تعرضين لولدي فيا سامعه وانامنصدمه وقاعد اطالعها
قالت :لها ندوي هو وش جايبه في غرفة الدريول هاه قالت: انتو وش جايبكم في غرفة الدريول يا اللي ماتستحون هاه وبعدين طلال مرسله عمه ابو خالد ابوس يوم قلتي له عن الدريول مالت عليكم.
وراحت واقعد نصف ساعه منصدمه مش مستوعبه شوي الا البقره المنتفخه متقطعه من الضحك
وتقول :تستاهلين واشعر بلاهانه وتنجرح كرامتي واقعد
(قال ضميري انتقمي ولملمي باقي كرامتس)
واقعد ابكي واصيح من القهر اللي فيني والبنات كانو يضحكون قعدو يواسوني وصبروني وفجئه قررت اني انتقم من الحيوانه ياربي شسوي ؟؟؟؟ لازم انتقم لكرامتي المجروحه شوي ويجي عمي
قلت: اللحين بيلعن خيرنا اول مادخل
قلت: له اناسف وادري ماعندك غير طلال لكن كلشي غصب عني طقيته هويا صديقه بسبة الدريول
قال :هاه صديقه واكمل وابو الجيران مات بسبه شيخوه
قال :ابو الجيران مات بسبه شيخوه شسالفه واقعد اشرح كل شي من طق طق لسلاموعليكم ويناظرنا نظرة احتقارقد مرت علي ويروح واحس بذنب وفي نفس الوقت افكر في الانتقام لكرامتي ويوم جات الساعه 1الليل الاوام طلال جايه وبنفس خايسه
قالت: طلال ويا ابوه راحو للمستشفى ويمكن يرقد طلال ولايطلع الا بكره
قال: ابو طلال اقعد عندكم لاترتكبون جريمه بعد لان شكلنا عايشين في شيكاغو
قالت: ندوي كل هاذا غصب عنى قلبت عيونها علينا وقعدت تقرا كتاب جايبته معها
واقعد اناظرها بحقد وقهر وبعد ساعه
قالت :انا نعسانه وتعبانه من الطريق ابي ارقد ولا اقدر اخليكم بروحكم يالله ع النوم
قلت :لا تونا قاعدين من النوم مانقدر نرقد
قالت: باروح الرقد نصور واجيكم وراحت جعلها المرض وانا قعت بحسرتي واروح بسرعه واجيب ابره وادخلها في الكنب عشان تقعد عليها ام طلال والبنات يقولون لا تكفين كفايه اللي الصار
قلت :على تراب خلوني اثئر لكرامتي وتجي ام طلال قلت :في نفسي اخيرا بتبرد كبدي وماجلست
قالت: باروح اجيب كتب وافلام تتسلون عليها لين تنعسون
قلنا :اوكي وراحت وخذت ندوي معها
شوي وجاو حطت الكتب عندنا وراحت تخمد واخذ الكتب واقطها هاذا اللي قاصرني ماصدقت اخلص من المدرسه تجيني بكتب واشغل اول فيلم قلت يارب يطلع هندي ويطلع وثائقي( كيف تحمي نفسك من المشاكل) واحط الثاني ويطلع وثائقي عن تربيه الحيونات واحط الي بعده ونفس الحكايه جعلها المرض ذابحتها الثقافه المهم ونروح للمطبخ نسوي حليب ونجيبه قدام tvوبين ماحنى نسولف شوي ونسمع صوت غريب برا
قلت: شذا الصوت هالحزه الساعه تقريباً 2 ونص نروح نشوف ولاشلون وفي الاخير قررنا نروح نشوف وطلعنا مافيه شي غريبه والصوت من وين جاي
قلنا: خل نقعد ام طلال لاتصير مصيبه ونتورط ونقعدها ونقولها
المهم جات وجلست في الصاله وترقد
قالت: اذا سمعتو الصوت مره ثانيه قعدوني وننتظر الصوت مره ثانيه ننتظر ننتظرلكن ماعاد سمعناه
قلت: خلى نلعب على ام طلال شوي ونصيح بصوت عالي ونروح نركض وتنط ام طلال من على الكنب من الجهه الخلفيه وطيح وتقعد تصرخ وتحبي تحبي ماعاد قدرت توقف من الخوف ونجي احنى
قالت: وش فيه
قلت: الباب قبل شوي تبطل وتسكر وتقعد على الكنب وهي تتئلم من يدها شوي الاوعمي ناصر جاي
قال: رقدو طلال في المستشفى
وتقوله ام طلال السالفه كلها ويوديها للمستشفى الساعه 4 ويقعدون الخبلان اللي عندي يحسسوني بذنب
قالو: اكيد يدها انكسرت
قلت :من زود الرقه عند ها
قالت شيخوه :الكنبه عالي الرتفاعها تقريباً متر وشوي قلت احسن ليت يجيها شلل رباعي و بعدين انا مرتاحه نفسياً وسعيده للغايه مكيفه على اخر لاحد يزعجني بالمثاليه الزايده والمهم صارت الساعه6 رجعوو يد
ام طلال مجبصه وهي تحلطم انا معزومه عندي عرس وشلون باروح كيف اتحرك وكيف الرقص وشلون شكلي (استغفر الله كنه رجلها المكسوره موب يدها)
قال: عمي قعدي الشغاله تسوي لنا حليب والروح لشغاله ماحصلتها
قلت: نازل عليها الوحي قاعده بدري والدورها في غرفتها في دورة المياه في المطبخ في الحوش في البيت كله لكن مافيه امل والروح لعمي ناصر
واقوله ويدورها معنا المهم ساعتين وحنا ندور لكن للأسف مافيه امل وعمي كان معصب حده لانه بطبعه عصبي ويقعد يصارخ علينا انتو مهاوشينها وانتو مخربين وانتو مخربين وانتو وانتو في الاخير
قال: يالله جيبو نصور خل نروح لبيتي وراحت ندوي تقعد نصور وتجي تركض
تقول: مالقت نصور ولقت رساله مكتوبه بلهندي ويقعد عمي يصارخ ويقول اكيد الشغاله خذته معها وندوي تبكي وانا( كان ببكي لكن مالي نفس لا لقيناه بكيت من الفرحه) . و شيخوه كانت تبكي من الخوف من عمي وعمي كان واقف ويصارخ ويصارخ وجلس عمي بكل ماعنده من قوه اول ماجلس نط نطه اتحدى ابو الكنغر ينطها قويه حيل وراح يركض صوب الباب ويديه على مؤخرته وام طلال ورها
تقول: وشفيك وشفيك ونلحقهم واحنى متقطعين من الضحك على شكل عمي
ونقول: الله كبير ويدخلون دورات المياه اللي في الحوش ونفكر وش السالفه واستنتج اني كنت حاطه ابره لأم طلال واخذها عمي( بنيابه صدق انه وفي) ونقعد ربع ساعه ويطلعون قلنا عمي سلمات وشفيك
ويناظرنا نظرات اعرفها ويروح
قالت :ام طلال انه كان يرجع لأنه تعبان من البر
قلت: واضح حتى يديه كانت على ثمه وهو يركض
قالت: هاه
قلت: ولاشي
ونروح بيت عمي وراحت ام طلال جابت خداماتهاودريولها من عند اهلها .
المهم صارت الساعه 9 وحنا ننتظر عمي يجيب لنا خبرعن الخدامه ونصور وكلمت ام طلال عمي وسئلته قال :ان الخدامه طالبه خمس مئه الف ريال قبل المغرب ولاانسو نصور ونه كلم ابوي وكلهم جايين في الطريق .انا تورط وش اقول لهلي وياويلي من امي يارب وش اسوي اللوم كله بيجي علي ولا الدبه ماعليها شرهه والخبله الثانيه ياربي وش اسوي ولاكيف التصرف قلت لازم يصير فيني شي عشان اكسر خواطهم ولا احد يقولي شي شلون اتصرف يشفطني كهرب اخاف اموت
اجل اطيح مع الدرج اخاف التكسر واصير معاقه
انحاش من البيت اخاف اصير مشرده
انط من الصطح يمكن اموت
ياربي وش السوي
الوقت يمر واهلي قربو وش اسوي