هـذا ثمـر تـدلا قـبـل يـاتـي موسـمـه
مدي يدينك واجمعي فرقاك مـن عـذق العتـب
انا ثملت من الفراق اللـي خـذا وجهـي سمـه
شوفي ملامـح غيبتـك تقـراء قبـل لاتنكتـب
في وجهي الشاحب وفي اهات صـدري ونسمـه
في ناظر عيونً هميل الوجـد منهـا ينسكـب
يانور لحظات غدت مـن دون وجهـك معتمـه
وينك بداء هذا الحنين بجوف صـدري يحتطـب
ياحب اجتـاح الظلـوع وفـج قلبـي وقسمـه
نصفين وازريت اجمع النصفين وغيابـك سبـب
حبً بقـاء لـو واقعـه مـره بحاليـه صدمـه
عشقً حيا رغم العطش في روض روحي معتشب
ليـت الـغـلا ذنب تجـنـاه الخـفـوق وينـدمـه
وليت الصبـر جـرم اليا طاولـت همـي يرتكـب
الى متى وانا اهين الوقـت وارجـع واحشمـه
وانا على رجم الوصال اشرف وانـادي وارتقـب
يـام العيـون الفاترات الناجـلات المغـرمـه
يامن رموش عيونها تشكي سبب عكـش الهـدب
يامبسـم له ضحكتـن تنطـق بـشـيء تبهـمـه
يانبـرهً لامـن حكـت كـل المعانـي تنقـلـب
ياللي خذيتـي خافقـي قبـل اعرفـك واقدمـه
ياللي غيابك لحن تغنـي بـه اعـواد القصـب
عودي على قلب طواه الهـم والشـوق هزمـه
قلب معك غنايمه ضاعت ولا ادري وش كسـب
انا انتهت وشوقي بصدري بـدت لـه همهمـه
جمر انتظاري سمدت ناره وانا صـرت الحطـب
حتى ثمـر قلبـي تـدلا قبـل ياتـي موسمـه
هزي طرف جذعه تساقط لك من عذوقه عتـب

مشكور ويعطيك العاافيه علي الرد الحلوه في الموضوعي
الله لا تحرمنا من المشاركه في مواضيعي
Patchi